ខេត្តកណ្តាល ៖ ស្នងការនគរបាលខេត្តកណ្ដាលលោកឧត្តមសេនីយ៍ទោ អ៊ាវ ចំរើន បានប្រាប់តាមប្រពន្ធ័ WhatsApp អោយដឹងថា ខណៈនេះអគ្គីភ័យកំពុងឆាបឆេះក្លិបកំសាន្ដដែលកំពុងសាងសង់មួយកន្លែង ស្ថិតក្នុងស្រុកពញាឭ ខេត្តកណ្ដាល បង្កឱ្យមានការភ្ញាក់ផ្អើលរត់ជាន់ជើងគ្នាប្រសាច និងបណ្ដាលឲ្យស្លាប់មនុស្សម្នាក់ និងរបួស៣នាក់ ។
បើតាមលោកឧត្តមសេនីយ៍ស្នងការអគ្គីភ័យនេះបណ្ដាលមកពីជាងផ្សាដែក ដែលកំពុងតែជួសជុលនៅខាងក្នុងក្លិបកំសាន្ដមួយនោះ ស្រាប់តែឆ្លងចរន្ដអគ្គិសនីឆេះតែម្ដង ។ ពេលនេះកម្លាំងសមត្ថកិច្ចកំពុងតែអន្ដរាគមន៍ដើម្បីសង្គ្រោះ ។
លោកស្នងការ បានបញ្ជាក់ថា ទីតាំងក្លឹបដែលកំពុងសាងសង់នេះ មានជញ្ជាំងបេតុង ដំបូលស័ង្កសី មានទំហំទទឹង៣០ម៉ែត្រ បណ្ដោយ៥០ម៉ែត្រ ដោយស្ថានភាពឆេះដំបូងចេញពីខាងក្នុង ដូច្នេះនាំឲ្យកម្លាំងសមត្ថកិច្ច មានការលំបាកក្នុងការចូលជួយអន្ដរាគមន៍ ៕
ចែករំលែកព័តមាននេះ