រាជធានភ្នំពេញ ៖ ស្ត្រី៣នាក់ស្នាក់នៅក្នុងបន្ទប់ជាមួយគ្នាត្រូវបានកំប៉ុងហ្គាសផ្ទុះ បណ្តាលឲ្យរងរបួសធ្ងន់ម្នាក់ និងស្រាលម្នាក់ហើយម្នាក់ទៀតមិនមានរងរបួសឡើយ ពេលពួកគាត់កំពុងធ្វើម្ហូប ។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលម៉ោង៦នឹង១០នាទីល្ងាចថ្ងៃ៣០ ខែកញ្ញា ឆ្នាំ២០១៨…
រាជធានភ្នំពេញ ៖ ស្ត្រី៣នាក់ស្នាក់នៅក្នុងបន្ទប់ជាមួយគ្នាត្រូវបានកំប៉ុងហ្គាសផ្ទុះ បណ្តាលឲ្យរងរបួសធ្ងន់ម្នាក់ និងស្រាលម្នាក់ហើយម្នាក់ទៀតមិនមានរងរបួសឡើយ ពេលពួកគាត់កំពុងធ្វើម្ហូប ។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលម៉ោង៦នឹង១០នាទីល្ងាចថ្ងៃ៣០ ខែកញ្ញា ឆ្នាំ២០១៨ នៅបន្ទប់ជួលលេខ៦ ស្ថិតនៅខាងក្រោយផ្សារអង្គ ក្នុងភូមិអង្គ សង្កាត់ចោមចៅ៣ ខណ្ឌពោធិ៍សែនជ័យ ។
តាមប្រភពព័ត៌មានពីប្រជាពលរដ្ឋនៅកន្លែងកើតហេតុបាននិយាយថា នៅមុនពេលកើតហេតុ បន្ទប់លេខ៦ជាន់ផ្ទាល់ដីខាងលើ រស់នៅមានគ្នាចំនួន៣នាក់ ក្នុងនោះស្ត្រីម្នាក់ជាអ្នកធ្វើម្ហូប រងរបួសធ្ងន់រលាកដៃនឹងឆេះសក់ផងដែរ ចំណែក២នាក់ទៀត ម្នាក់រងរបួសស្រាលហើយ ម្នាក់ទៀត ពុំមានរងរបួសឡើយ។
ប្រភពដដែលបានបន្តទៀតថា ពេលឮសំឡេងផ្ទុះកំប៉ុងហ្គាសនៅក្នុងបន្ទប់ខាងលើចំនួន២ដង បណ្តាលឲ្យរងរបួសធ្ងន់ម្នាក់ និងស្រាលម្នាក់ ហើយម្នាក់ទៀតពុំមានរងរបួសឡើយ នឹងបណ្តាលឲ្យរងការខូចខាតយ៉ាងធ្ងន់ធ្ងររយះទ្វារបន្ទប់ នឹងឆេះរាលដាលពេញបន្ទប់ផងដែរ ។ ជនរងគ្រោះរងរបួសធ្ងន់ស្រាលទាំង២នាក់ ត្រូវបានប្រជាពលរដ្ឋ ដឹកយកទៅសង្គ្រោះភ្លាមៗផងដែរដោយ ដំបូងឡើយដឹកទៅសង្គ្រោះនៅគ្លីនិកឯកជនដែលនៅជិតកន្លែងកើតហេតុ តែដោយសារស្ថានភាពរបួសរបស់ជនរងគ្រោះធ្ងន់ពេក ក៏បានបញ្ជូនជនរងគ្រោះទៅព្យាបាលនៅមន្ទីរពេទ្យព្រះកុសុមៈ ។
ចំណែកស្ត្រីម្នាក់ ដែលនៅក្នុងបន្ទប់ទឹក ដោយពុំមានរងរបួស ហើយមិនដឹងថា មិត្តភ័ក្ដិរបស់ខ្លូនទៅសំរាកព្យាបាលនៅមន្ទីរពេទ្យណាឡើយ ដោយទូរសព្ទរបស់ជនរងគ្រោះ នៅក្នុងបន្ទប់ពុំបានយកទៅជាប់នឹងខ្លួន លុះក្រោយមក ទើបដឹងថា ជនរងគ្រោះទាំង២នាក់ខាងលើ ទៅសំរាកព្យាបាលនៅមន្ទីរពេទ្យព្រះកុសុមៈ។
ក្រោយពេលកើតហេតុ នគរបាលប៉ុស្តិ៍ចោមចៅ៣បានមកដល់កន្លែងកើតហេតុភ្លាមៗផងដែរ តែមិនទាន់ ព្រោះជនរងគ្រោះត្រូវបានបញ្ជូនទៅសង្គ្រោះទៅមន្ទីរពេទ្យ ហើយលោកនាយរងប៉ុស្តិ៍ចោមចៅ៣ បានទៅរកមើលជនរងគ្រោះនៅ មន្ទីរពេទ្យព្រះកុសុមៈដែរ តែរកមិនឃើញជនរងគ្រោះ ហើយក៏មិនដឹងថាជនរងគ្រោះសម្រាកនៅបន្ទប់ណាឡើយ ៕
ចែករំលែកព័តមាននេះ