រាជធានីភ្នំពេញ ៖ យុវជន៤នាក់ជិះម៉ូតូមួយគ្រឿង ក្នុងល្បឿនលឿនជ្រុលទៅបុករបាំងថ្មដែលក្រុមហ៊ុនធ្វើផ្លូវស្ទូចយកមកដាក់បាំងពាក់កណ្ដាលផ្លូវដែលកំពុងជួសជុលហើយពុំមានសញ្ញា សម្គាល់ បណ្ដាលឲ្យស្លាប់ម្នាក់ភ្លាមៗនៅកន្លែងកើតហេតុ និង៣នាក់ទៀតរងរបួសធ្ងន់ត្រូវបានបញ្ជូនទៅកាន់មន្ទីរពេទ្យភ្លាមៗ។ ហេតុការណ៍គ្រោះថ្នាក់នេះបានកើតឡើងកាលពីវេលាម៉ោង៨និង៣០នាទីយប់ថ្ងៃទី២៩ ខែកញ្ញា ឆ្នាំ២០១៨…
រាជធានីភ្នំពេញ ៖ យុវជន៤នាក់ជិះម៉ូតូមួយគ្រឿង ក្នុងល្បឿនលឿនជ្រុលទៅបុករបាំងថ្មដែលក្រុមហ៊ុនធ្វើផ្លូវស្ទូចយកមកដាក់បាំងពាក់កណ្ដាលផ្លូវដែលកំពុងជួសជុលហើយពុំមានសញ្ញា សម្គាល់ បណ្ដាលឲ្យស្លាប់ម្នាក់ភ្លាមៗនៅកន្លែងកើតហេតុ និង៣នាក់ទៀតរងរបួសធ្ងន់ត្រូវបានបញ្ជូនទៅកាន់មន្ទីរពេទ្យភ្លាមៗ។ ហេតុការណ៍គ្រោះថ្នាក់នេះបានកើតឡើងកាលពីវេលាម៉ោង៨និង៣០នាទីយប់ថ្ងៃទី២៩ ខែកញ្ញា ឆ្នាំ២០១៨ នៅចំណុចផ្លូវ៥០ម៉ែត្រ ភូមិអន្លង់គងថ្មី សង្កាត់ព្រៃស ខណ្ឌដង្កោ។
ជនរងគ្រោះដែលស្លាប់ឈ្មោះ កែវ ម៉េងគង់ ភេទប្រុស អាយុ២៨ឆ្នាំ មានទីកន្លែងកំណើតភូមិព្រែកយាយហាយ ឃុំព្រែកថ្មី ស្រុកកោះធំ ខេត្ដកណ្ដាល ។ ចំណែកជនរងគ្រោះ៣នាក់ទៀតមិនបានស្គាល់អត្ដសញ្ញាណនោះទេ ព្រោះរថយន្ដសង្គ្រោះបានយកទៅសង្គ្រោះនៅមន្ទីរពេទ្យភ្លាមៗផងដែរ ។
បើតាមប្រភពព័ត៌មានពីកន្លែងកើតហេតុបានប្រាប់ឲ្យដឹងថា មុនពេលកើតហេតុ គេបានឃើញយុវជន៤នាក់ជិះម៉ូតូមួយគ្រឿងម៉ាកវ៉េវ ពណ៌ក្រហម ពាក់ស្លាកលេខ ភ្នំពេញ ១FG-២៧៣១ ក្នុងទិសដៅពីជើងទៅត្បូងធ្វើដំណើរក្នុងល្បឿនលឿនមិនប្រយ័ត្នបុករបាំថ្មដែលក្រុមហ៊ុនធ្វើផ្លូវស្ទូចដាក់បាំងផ្លូវដែលកំពុងជួសជុល បណ្តាល ឲ្យបោកក្បាលស្លាប់ម្នាក់ ចំណែកជនរងគ្រោះ៣នាក់ទៀតបានរងរបួសធ្ងន់ ត្រូវរថយន្ដដឹកយកទៅសង្គ្រោះភ្លាមៗ ។ ចំណែកសពត្រូវបានដឹកយកទៅតម្កល់វត្ដទឹកថ្លារងចាំបងប្អូនយកទៅធ្វើបុណ្យតាមប្រពៃណី ។
ក្រោយពេលកើតហេតុ សមត្ថកិច្ចមូលដ្ឋានបានចុះមកដល់កន្លែងកើតហេតុ និងទាក់ទងទៅសមត្ថកិច្ចជំនាញចរាចរណ៍ខណ្ឌដង្កោដើម្បីចុះមកធ្វើវាស់វែងយកម៉ូតូទៅរក្សាទុកនៃអធិការខណ្ឌដង្កោ ។
ប្រជាពលរដ្ឋបានលើកឡើងថា សូមឲ្យក្រុមហ៊ុនពេលដែលដាក់របាំងថ្មបាំងផ្លូវ សូមមេត្តាដាក់ភ្លើងសញ្ញាផង ព្រោះអីផ្លូវខាងលើនេះមិនទាន់មានភ្លើងបំភ្លឺផ្លូវនោះទេ ម្យ៉ាងខ្លាចបង្កគ្រោះថ្នាក់ដល់អ្នកដទៃជាយថាហេតុ ៕
ចែករំលែកព័តមាននេះ