ខេត្តកណ្តាល ៖ គ្រោះធម្មជាតិទឹកជំនន់បានគំរាមកំហែងធ្វើឲ្យផ្ទះរបស់ប្រជាពលរដ្ធរស់នៅអមសងខាងតាមមាត់ព្រែកតានុយស្ថិតក្នុងភូមិសំរោងក្អែ ឃុំសំរោងធំ និងភូមិពោធិ៍មៀវ ឃុំគគីរធំ ស្រុកកៀនស្វាយ ខេត្តកណ្តាលចំនួន១៥គ្រួសារបានបង្ខំចិត្តរុះរើដោយសារទឹកបានហូរគួចខួងបាក់ដីលំនៅឋាននិងដីចំការជាបន្តបន្ទាប់អស់ទាំងស្រុងចូលទៅក្នុងព្រែក ហើយនៅមានផ្ទះពលរដ្ធ និងដីចំនួន៧គ្រួសារទៀតក៏កំពុងមានការព្រួយបារម្ភ…
ខេត្តកណ្តាល ៖ គ្រោះធម្មជាតិទឹកជំនន់បានគំរាមកំហែងធ្វើឲ្យផ្ទះរបស់ប្រជាពលរដ្ធរស់នៅអមសងខាងតាមមាត់ព្រែកតានុយស្ថិតក្នុងភូមិសំរោងក្អែ ឃុំសំរោងធំ និងភូមិពោធិ៍មៀវ ឃុំគគីរធំ ស្រុកកៀនស្វាយ ខេត្តកណ្តាលចំនួន១៥គ្រួសារបានបង្ខំចិត្តរុះរើដោយសារទឹកបានហូរគួចខួងបាក់ដីលំនៅឋាននិងដីចំការជាបន្តបន្ទាប់អស់ទាំងស្រុងចូលទៅក្នុងព្រែក ហើយនៅមានផ្ទះពលរដ្ធ និងដីចំនួន៧គ្រួសារទៀតក៏កំពុងមានការព្រួយបារម្ភ ព្រោះមានស្នាមប្រេះដល់ជើងសរសរក្រោមផ្ទះផងដែរ ។
ពលរដ្ធបញ្ជាក់បន្ថែមថា ក្នុងករណីគ្រោះបាក់ដីនេះមិនបណ្តាលឲ្យមានមនុស្សគ្រោះថ្នាក់ ឬមានផ្ទះពលរដ្ធណាម្នាក់បាក់ធ្លាក់ចូលទៅក្នុងព្រែកឡើយ គឺពួកគាត់បានដឹងខ្លួនមុននាំគ្នាជួយរុះរើគ្នាទៅវិញទៅមកបានទាន់ពេលវេលា ដោយគ្រាន់តែបាក់ដីអស់តែប៉ុណ្ណោះ។
ចំពោះជនរងគ្រោះទាំង១៥គ្រួសារខ្លះ គាត់មានដីខ្លួនឯងទៅសង់ជម្រកស្នាក់នៅ រីឯអ្នកខ្លះគ្មានដីក៍បានទៅសុំដីគេ ឬដីបងប្អូនសង់ជម្រកស្នាក់នៅបណ្តោះអាសន្នក៍មាន ។ បច្ចុប្បន្នផ្ទះពលរដ្ធ៧គ្រួសារទៀតក៏កំពុងតែប្រឈមនឹងការរុះរើដែរ ព្រោះមានស្នាមប្រេះដល់ជើងសសរបណ្តើរៗហើយដែរ ៕
ចែករំលែកព័តមាននេះ