ប្រទេសស៊ូដង់ខាងត្បូង ៖ យោងតាមការសិក្សាមួយចេញផ្សាយកាលពីថ្ងៃទី២៦ កញ្ញាថា តុល្យការនៃសង្គ្រាមស៊ីវិលនៅស៊ូដង់ខាងត្បូងមានខ្ពស់បំផុត ដោយតួលេខសរុបមកដល់ពេលនេះអ្នកស្លាប់មានជាង៣៨០.០០០នាក់។ ការប៉ះទង្គិចគ្នាផ្ទុះឡើងពីខែធ្នូ ឆ្នាំ២០១៣មក រវាងកងកម្លាំងរបស់ប្រធានាធិបតីលោកSALVA KIIR…
ប្រទេសស៊ូដង់ខាងត្បូង ៖ យោងតាមការសិក្សាមួយចេញផ្សាយកាលពីថ្ងៃទី២៦ កញ្ញាថា តុល្យការនៃសង្គ្រាមស៊ីវិលនៅស៊ូដង់ខាងត្បូងមានខ្ពស់បំផុត ដោយតួលេខសរុបមកដល់ពេលនេះអ្នកស្លាប់មានជាង៣៨០.០០០នាក់។
ការប៉ះទង្គិចគ្នាផ្ទុះឡើងពីខែធ្នូ ឆ្នាំ២០១៣មក រវាងកងកម្លាំងរបស់ប្រធានាធិបតីលោកSALVA KIIR និងពួកយុទ្ធជនដែលស្មោះត្រង់នឹងអនុប្រធានាធិបតីលោក RIEK MACHAR ដែលត្រូវដកហូតតំណែង ក្រោយការខ្វែងគំនិតគ្នាខាងនយោបាយ។
អ្នកទទួលខុសត្រូវម្នាក់របស់អង្គការសហប្រជាជាតិ ធ្លាប់ថ្លែងកាលពីឆ្នាំ២០១៦ថា មនុស្ស៥០.០០០នាក់បានត្រូវស្លាប់ និងថា ១ភាគ៤នៃប្រជាជនស៊ូដង់ខាងត្បូង១២លាននាក់បានរត់ភៀសខ្លួនដោយសារការប្រយុទ្ធគ្នា។
ការសិក្សាថ្មីមួយរបស់ពួកអ្នកស្រាវជ្រាវនៃក្រុម LONDON SCHOOL OF HYGIENE AND TROPICAL MEDECINE បង្ហាញថា ចំនួនអ្នកស្លាប់ដោយសារជម្លោះនៅស៊ូដង់ខាងត្បូងមានដល់ជិត៤០០.០០០នាក់ឯណោះ។
ពួកអ្នកស្រាវជ្រាវទាំងនេះក្នុងរបាយការណ៍របស់ពួកគេ សន្និដ្ឋានថា ជនជាតិស៊ូដង់ខាងត្បូងប្រមាណជា៣៨៣.០០០នាក់ តាមពិតបានត្រូវស្លាប់ដោយសារសង្គ្រាមស៊ីវិល រវាងខែធ្នូ ឆ្នាំ២០១៣ និងខែមេសា ឆ្នាំ២០១៨។ តួលេខនេះបូកបញ្ចូលគ្នាបណ្ដាមនុស្សស្លាប់ដោយអំពើហិង្សាដែលមានប្រមាណជា១៩០.០០០នាក់និងមនុស្សដែលស្លាប់ដោយសារការអត់ឃ្លាន ឬការខ្សត់ខ្សោយនៃសេវាកម្មសុខាភិបាលមកពីជម្លោះស៊ីវិល៕
ចែករំលែកព័តមាននេះ