ខេត្តកណ្ដាល៖ អ្នកជិតខាងបានឮសូរសម្លេងបុរសម្នាក់ស្រែកនៅក្នុងបន្ទប់ជួលមួយកន្លែង ប៉ុន្តែមិនច្បាស់ថា គាត់ស្រែកថាម៉េចនោះទេ ក្រោយមកមិនឃើញបុរសនោះចេញពីក្នុងបន្ទប់ឡើយ ងឿងឆ្ងល់ក៏ស្រែកសួរ ប៉ុន្តែគាត់ឆ្លើយនោះឡើយ ទើបគាស់ទ្វារបន្ទប់ចូលទៅមើលស្រាប់តែឃើញគាត់ដេកស្លាប់បាត់ទៅហើយ ហេតុការណ៍នោះបង្កឱ្យមានការភ្ញាក់ផ្អើលកាលម៉ោងប្រហែល១២និង៥៥នាទី ថ្ងៃទី២៥…
ខេត្តកណ្ដាល៖ អ្នកជិតខាងបានឮសូរសម្លេងបុរសម្នាក់ស្រែកនៅក្នុងបន្ទប់ជួលមួយកន្លែង ប៉ុន្តែមិនច្បាស់ថា គាត់ស្រែកថាម៉េចនោះទេ ក្រោយមកមិនឃើញបុរសនោះចេញពីក្នុងបន្ទប់ឡើយ ងឿងឆ្ងល់ក៏ស្រែកសួរ ប៉ុន្តែគាត់ឆ្លើយនោះឡើយ ទើបគាស់ទ្វារបន្ទប់ចូលទៅមើលស្រាប់តែឃើញគាត់ដេកស្លាប់បាត់ទៅហើយ ហេតុការណ៍នោះបង្កឱ្យមានការភ្ញាក់ផ្អើលកាលម៉ោងប្រហែល១២និង៥៥នាទី ថ្ងៃទី២៥ ខែកញ្ញា ឆ្នាំ២០១៨ នៅចំណុចផ្ទះជួល ស្ថិតក្នុងភូមិត្រពាំងភូមិ ឃុំពើក ស្រុកអង្គស្នួល ខេត្តកណ្តាល។
បុរសរងគ្រោះខាងលើឈ្មោះ ម៉ម ម៉ារ៉ាឌី អាយុ៥១ឆ្នាំ មានប្រពន្ធនិងកូន៥នាក់ ស្រី៤នាក់ ប្រុស១នាក់ ស្នាក់នៅបន្ទប់ជួលខាងលើ ហើយគាត់ក៏ជាម្ចាស់ផ្ទះជួលជាច្រើនបន្ទប់ស្ថិតនៅក្នុងសង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញផងដែរ។
បើតាមស្ត្រីម្នាក់ឈ្មោះស្រេង គីមនាង អាយុ៥៤ឆ្នាំ ជាអ្នកលក់ដូរ មានទីលំនៅក្នុងឃុំពើក ស្រុកអង្គស្នួល បានឲ្យដឹងថា នៅម៉ោង១និង៣០នាទីរំលងអធ្រាត្រឈានចូលថ្ងៃទី២៥ កញ្ញា ខណៈពេលគាត់កំពុងកោសដូងវេចនំនៅលើគ្រែមុខផ្ទះ ស្រាប់តែឮសម្លេងបុរសនោះស្រែក៣ទៅ៤ដង ប៉ុន្តែមិនសូវច្បាស់ថាស្រែកថាម៉េចទេ ហើយក៏ស្ងាត់ទៅវិញ ។
ស្ត្រីខាងលើបន្តថា ពេលនោះគាត់មិនបានទៅមើលឡើយ លុះរហូតដល់ម៉ោងប្រហែល១២និង៤៥នាទីរសៀលថ្ងៃដដែល អត់ឃើញទ្វារបើក ហើយក៏អត់ឃើញបុរសរងគ្រោះចេញក្រៅដែរ ក៏នាំគ្នាអើតមើលតាមប្រហោងទ្វារឃើញគាត់ដេកលើឥដ្ឋអត់មានកំរើកសោះ ក៏ស្រែកហៅនៅតែមិនឆ្លើយទៀត ទើបខលទៅប្រាប់ប្រពន្ធគាត់នៅឯភ្នំពេញថា «ហៅគាត់មិនភ្ញាក់សោះហើយទ្វារចាក់សោជាប់ទៀត តើគិតយ៉ាងម៉េច?» ភ្លាមៗនោះប្រពន្ធគាត់ប្រាប់ថា «ឲ្យកាត់សោរទៅជួយគាត់ផង» ទើបគាត់រួមនឹងអ្នកជិតខាងបាននាំគ្នាកាត់សោចូលទៅឃើញជនរងគ្រោះស្លាប់បាត់ទៅហើយ ក៏បានខលប្រាប់ទៅប្រពន្ធគាត់វិញថា ប្តីគាត់ស្លាប់បាត់ទៅហើយ។
ក្រោយមកក៏រាយការណ៍ជូននគរបាលស្រុកអង្គស្នួល ចុះទៅពិនិត្យកោសល្យវិច័យដោយមានចូលរួមពីលោកក្រុមប្រឹក្សាឃុំគ្រូពេទ្យ មេភូមិ នគរបាលប៉ុស្តិ៍ និងប្រពន្ធ កូន បងប្អូនជនរងគ្រោះផងដែរ ឃើញថាគ្មានស្លាកស្នាមអ្វីទេ គឺជនរងគ្រោះស្លាប់ដោយសារខ្យល់គ៕
ចែករំលែកព័តមាននេះ