ខេត្តព្រះសីហនុ ៖ សេចក្តីរាយការណ៍បានឱ្យដឹងថា កាលពីវេលាម៉ោង៣រសៀលថ្ងៃទី២៣ កញ្ញា មានករណីជនជាតិចិនចាប់បង្ខាំងជនជាតិចិនដូចគ្នាដើម្បីជំរិតទារប្រាក់ ប៉ុន្តែរយៈពេលប៉ុន្មានម៉ោងក្រោយមក ក្រុមជនសង្ស័យ ក៏ត្រូវបានសមត្ថកិច្ចចាប់ឃាត់ខ្លួន២នាក់ និងរំដោះជនរងគ្រោះម្នាក់…
ខេត្តព្រះសីហនុ ៖ សេចក្តីរាយការណ៍បានឱ្យដឹងថា កាលពីវេលាម៉ោង៣រសៀលថ្ងៃទី២៣ កញ្ញា មានករណីជនជាតិចិនចាប់បង្ខាំងជនជាតិចិនដូចគ្នាដើម្បីជំរិតទារប្រាក់ ប៉ុន្តែរយៈពេលប៉ុន្មានម៉ោងក្រោយមក ក្រុមជនសង្ស័យ ក៏ត្រូវបានសមត្ថកិច្ចចាប់ឃាត់ខ្លួន២នាក់ និងរំដោះជនរងគ្រោះម្នាក់ ។
សេចក្តីរាយការណ៍បន្តថា នៅថ្ងៃទី២៣ កញ្ញា មាននារីជនជាតិចិនម្នាក់ បានរាយការណ៍ប្រាប់សមត្ថកិច្ច
ថា មិត្តប្រុសរបស់នាងម្នាក់ បានត្រូវជនជាតិចិនមួយក្រុមចាប់ឃុំទុកក្នុងបន្ទប់លេខ១០៩ ជាន់ទី២នៃកាស៊ី
ណូប៉ាវទូ ក្នុងភូមិ៣ សង្កាត់លេខ២ ក្រុងព្រះសីហនុ ។ បន្ទាប់ពីទទួលបានសេចក្តីរាយការណ៍ផ្ទាល់មាត់នេះលោកឧត្តមសេនីយ៍ទោ ជួន ណារិន្ទ ស្នងការនគរបាលខេត្ត បានចាត់ឱ្យកម្លាំងនគរបាលព្រហ្មទណ្ឌ សហ
ការជាមួយនគរបាលប៉ុស្តិ៍សង្កាត់លេខ២ បើកប្រតិបត្តិការរំដោះជនរងគ្រោះ និងចាប់ខ្លួនជនសង្ស័យជា
ជនជាតិចិន២នាក់ ។
ជនសង្ស័យដែលចាប់ខ្លួននេះ ម្នាក់ឈ្មោះ Liang Wei ភេទប្រុស អាយុ៣៣ឆ្នាំ មុខរបរមិនពិតប្រាកដ លិខិតឆ្លងដែនលេខ EB៨០៦៩៤៩៧ មានទីលំនៅក្នុងភូមិ៣ សង្កាត់លេខ២ ក្រុងព្រះសីហនុ និងម្នាក់ទៀតឈ្មោះ Liu Ying Xiao ភេទប្រុស អាយុ៣៧ឆ្នាំ ជាអ្នកទេសចរ ទីលំនៅមិនពិតប្រាកដ ។ ចំណែកជនរងគ្រោះឈ្មោះ Liu Feng ភេទប្រុស អាយុ៤២ឆ្នាំ ជាអ្នកទេសចរ កាន់លិខិតឆ្លងដែនលេខ E៩៩២៩២០១០ ស្នាក់នៅក្នុងភូមិ៣ សង្កាត់លេខ៣ ក្រុងព្រះសីហនុ ។
ចំពោះវត្ថុតាងចាប់យកមាន ទូរស័ព្ទដៃ៤គ្រឿងគឺ ម៉ាកhonor ពណ៌ខ្មៅ ម៉ាកអាយហ្វូនសុិកពណ៌ទឹកមាស ម៉ាកmi ពណ៌ស និងម៉ាក សាមសុ៊ងពណ៌ទឹកមាស អត្តសញ្ញាណប័ណ្ណចិន២សន្លឹក លិខិតឆ្លងដែន៣ច្បាប់ ប័ណ្ណចិន១ច្បាប់ វ៉ាលីសសម្លៀកបំពាក់១ពណ៌ខ្មៅ កាបូបសម្លៀកបំពាក់១ពណ៌ខ្មៅ ។
ជនរងគ្រោះបានប្រាប់សមត្ថកិច្ចថា ដំបូងខ្លួនបានទៅលេងល្បែងនៅកាស៊ីណូវ៉ាងឆាវ ស្ថិតក្នុងភូមិ៤ សង្កាត់លេខ៤ ក្រុងព្រះសីហនុ ។ នៅពេលលេងល្បែងចាញ់អស់លុយ ក៏បានខ្ចីកាក់ពីក្រុមជនសង្ស័យចំនួន៣.០០០ដុល្លារអាមេរិក ដើម្បីលេងបន្ត ។ បន្ទាប់ពីលេងចាញ់អស់លុយ និងគ្មានប្រាក់សង ជនសង្ស័យក៏បានចាប់ខ្លួន ទៅឃុំទុកក្នុងបន្ទប់លេខ១០៩ ជាន់ទី២ នៃកាស៊ីណូនោះ ដើម្បីឲ្យខ្លួនទាក់ទងទៅឪពុកម្តាយ បងប្អូន ឬមិត្តភក្តិ រកប្រាក់មកសងពួកគេវិញ ទើបពួកគេដោះលែង ។
ក្រោយពីដឹងថា ជនរងគ្រោះត្រូវរងនូវអំពើចាប់បង្ខាំងជំរិតទារប្រាក់នោះ ទើបមិត្តស្រីប្តឹងសមត្ថកិច្ច និងឈានដល់ការបង្ក្រាបបទល្មើសជាក់ស្តែងនេះ ៕
ចែករំលែកព័តមាននេះ