ខេត្តរតនៈគិរី ៖ ថៅកែស្រីម្ចាស់ខារ៉ាអូខេវើលស្តារត្រូវបានសមត្ថកិច្ចស្រុកបកែវឃាត់ខ្លួនរួមនឹងបុរស់ម្នាក់ទៀតជាមន្ត្រីប៉ូលិសមានមុខងារជាអនុប្រធានវរការពារព្រំដែនជើងគោក ។ តាមព័ត៌មានបឋមពីសមត្ថកិច្ចស្រុកបកែវបានអោយដឹងថា នៅថ្ងៃទី២២ ខែកញ្ញា ឆ្នាំ២០១៨ វេលាម៉ោងប្រហែលម៉ោង១យប់ មានករណីប្ដីតាមទាន់ប្រពន្ធមានសាហាយស្មន់នៅក្នុងហាងខាងលើ ហើយត្រូវភាគគីខាងប្ដីតេទូរស័ព្ទហៅសមត្ថកិច្ចស្រុកបកែវមកជួយអន្តរាគមន៍ ។
ប្រភពដដែលបានបន្តទៀតថា មុននឹងមានរឿងកើតឡើងនាងជាប្រពន្ធបាននាំជនជាប់ការសង្ស័យមកផឹកស្រាក្នុងហាងរបស់នាងយ៉ាងសម្បាយ ហើយក្រោយមកទៀតមានធ្វើអ្វីលើសពីការរាប់អានគ្នា ។ បច្ចុប្បន្នស្ត្រីជាថៅកែហាងខាងលើនឹងមន្ត្រីប៉ូលិសខាងលើសមត្ថកិច្ចស្រុកបកែវកំពុងឃាត់ខ្លួនបណ្ដោះអាសន្ន ។
ទាក់ទិននឹងរឿងខាងលើត្រូវបានលោក ជួប នរក្ស អធិការស្រុកបកែវបានអោយដឹងថា រឿងនេះពិតជាមានកើតឡើងម៉ែន ថៅកែស្រីម្ចាស់ខារាអូខេវើលស្តារពិតជាបានឃាត់ខ្លួនរួមទាំងមន្ត្រីប៉ូលិសកាពារព្រំដែនម្នាក់ផងដែរ ហើយពាក់ព័ន្ធរឿងខាងលើនេះគឺរឿងសាហាយស្មន់ ។
បើតាមប្រភព័ត៌មានខាងលើនេះក៏មានភ្ញាក់ផ្អើលដោយកន្លែងមានរឿងនោះមានផ្ទុះកាំភ្លើងខ្លីជាច្រើនគ្រាប់ផងដែរធ្វើអោយមានការភ្ញាក់ផ្អើលដល់ប្រជាពល់រដ្ផនៅក្បែកន្លែងកើតហេតុយ៉ាងខ្លាំង ។ ព័ត៌មានពិស្តារនឹងផ្សាយលើទំព័រកាសែត កោះសន្តិភាព ៕
ចែករំលែកព័តមាននេះ