APពីក្រុងគែរប្រទេសអេហ្ស៊ីបកាលពីពេល ថ្មីៗកន្លងមកផ្សាយថា ក្នុងសេចក្ដីថ្លែងការណ៍របស់ក្រសួងបុរាណវិទ្យាអេហ្ស៊ីប បានបញ្ជាក់ថារូបចម្លាក់ស្វ៊ីង ពីថ្មភក់ ត្រូវបានប្រទះឃើញនៅក្នុងវិហារ«Kom Ombo» ខណៈពេលកំពុងជួសជុលវិហារកុំឲ្យខូចពីទឹកនៅខាងក្រោមដី នៅក្នុងក្រុងអាស្វាន ភាគខាងត្បូងប្រទេស ។
លោកមូស្ដាហ្វា វ៉ាហ្ស៊ីរី លេខាធិការផ្នែកបុរាណវិទ្យាបានផ្លែងថារូបចម្លាក់ដែលទើបរកឃើញនេះអាចមានអាយុនៅក្នុងសម័យរាជអាណាចក្រ PTOLEMY ក្នុងអំឡុងគ្រប់គ្រងអេហ្ស៊ីបប្រហែល៣០០ឆ្នាំមុនគ្រឹស្ដស័ករាជ រហូតដល់គ្រឹស្ដស័ករាជ៣០ ។
រដ្ឋាភិបាលអេហ្ស៊ីបសង្ឃឹមថាការជីករកឃើញវត្ថុបុរាណនានានឹងជួយទ្រទ្រង់ដល់ផ្នែកទេសចរណ៍របស់ប្រទេសដែលទទួលផលប៉ះពាល់ខ្លាំងនៃការច្រួលច្របល់នៅក្នុងនយោបាយ ក្រោយពីមានការដើរជាក្បួនបណ្តេញរដ្ឋាភិបាលនៅឆ្នាំ២០១១ កន្លងទៅ ៕
ចែករំលែកព័តមាននេះ