ខេត្តស្វាយរៀង ៖ ជនសង្ស័យជាជនជាតិចិនម្នាក់ក្នុងចំណោមជនជាតិចិន៧នាក់ត្រូវបានកម្លាំងនគរបាលខេត្តចាប់ឃាត់ខ្លួនកសាងសំណុំរឿងបញ្ជូនមកស្នងការដ្ឋាននគបាលខេត្តស្វាយរៀងពីបទយកទឹកក្ដៅស្រោចលើប្រអប់ដៃជនជាតិចិនដូចគ្នាបណ្ដាលឲ្យរងរបួសធ្ងន់។ បើតាមលោកអធិការងនៃអធិការដ្ឋាននគបាលក្រុងបាវិត លោកអនុសេនីយ៍ឯក គោយ យៀង បានឲ្យដឹងថា កាលពីវេលាម៉ោង២និង៣០នាទីរសៀលថ្ងៃទី១៦ ខែកញ្ញា…
ខេត្តស្វាយរៀង ៖ ជនសង្ស័យជាជនជាតិចិនម្នាក់ក្នុងចំណោមជនជាតិចិន៧នាក់ត្រូវបានកម្លាំងនគរបាលខេត្តចាប់ឃាត់ខ្លួនកសាងសំណុំរឿងបញ្ជូនមកស្នងការដ្ឋាននគបាលខេត្តស្វាយរៀងពីបទយកទឹកក្ដៅស្រោចលើប្រអប់ដៃជនជាតិចិនដូចគ្នាបណ្ដាលឲ្យរងរបួសធ្ងន់។
បើតាមលោកអធិការងនៃអធិការដ្ឋាននគបាលក្រុងបាវិត លោកអនុសេនីយ៍ឯក គោយ យៀង បានឲ្យដឹងថា កាលពីវេលាម៉ោង២និង៣០នាទីរសៀលថ្ងៃទី១៦ ខែកញ្ញា ឆ្នាំ២០១៨ អធិការដ្ឋាននគរបាលក្រុងបាវិតបានទទួលពាក្យបណ្តឹងរបស់ជនរងគ្រោះឈ្មោះ ហ្វួ ធីងនុង ភេទប្រុស អាយុ២៦ឆ្នាំ ជនជាតិចិន មុខរបរបុគ្គលិកកាស៊ីណូក្រោន ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត មានទីលំនៅខេត្តស៊ីឈួន ប្រទេសចិន កាន់លិខិតឆ្លងដែនលេខE95464297 ។
ប្រភពដដែលបានបន្តទៀតថា កាលពីវេលាម៉ោង៧និង១០នាទីយប់ថ្ងៃទី១៥ ខែកញ្ញា ឆ្នាំ២០១៨ នៅចំណុចក្នុងបន្ទប់ជួលបរិវេនកាស៊ីណូម៉ុកបាយ ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត មានជនជាតិចិន៧នាក់ បានយកទឹកក្តៅមកស្រោចនៅលើប្រអប់ដៃទាំងពីររបស់ជនរងគ្រោះជាជនជាតិចិនដូចគ្នាបណ្ដាលឲ្យរងរបួសធ្ងន់ ហើយត្រូវសមត្ថកិច្ចបញ្ជូនជនរងគ្រោះទៅសម្រាកព្យាបាលនៅមន្ទីរពេទ្យក្នុងក្រុងបាវិត។
បន្ទាប់មកសមត្ថកិច្ចបានចុះស្រាវជ្រាវរហូតដល់ម៉ោង៥ល្ងាចថ្ងៃដដែល សមត្ថកិច្ចរកឃើញនិងឃាត់ខ្លួនជនសង្ស័យម្នាក់ឈ្មោះ ចាង ហោធាន ភេទប្រុស អាយុ២៩ឆ្នាំ ជនជាតិចិន មុខរបរបុគ្គលិកក្រុមហ៊ុនភីងអាន ស្នាក់នៅបណ្តោះអាសន្ននៅក្រុងបាវិត មានទីលំនៅខណ្ឌយុងចូវ ខេត្តហូណាម ប្រទេសចិន កាន់លិខិតឆ្លងដែន (យកទៅពន្យារទិដ្ឋាការ) ដើម្បីខ្លួនជនសង្ស័យម្នាក់នេះយកមកសាកសួរនៅអធិការដ្ឋាននគរបាលក្រុងបាវិត។
លុះមកដល់ថ្ងៃទី១៧ កញ្ញា សមត្ថកិច្ចបានបញ្ជូនជនសង្ស័យខាងលើមកការិយាល័យអន្តោប្រវេសន៍ស្នងការដ្ឋាននគបាលខេត្តដើម្បីចាត់ការបន្ត ចំណែកជនសង្ស័យ៦នាក់ទៀត សមត្ថកិច្ចកំពុងស្រាវជ្រាវតាមចាប់មកផ្តន្ទាទោសតាមច្បាប់។
ទាក់ទិនករណីជនសង្ស័យចាប់ជនរងគ្រោះធ្វើទារុណកម្មដោយចាក់ទឹកក្តៅស្រោចលើខ្នងដៃនេះ សមត្ថកិច្ចសង្ស័យថា ជាករណីគំរាមជម្រិតទាប្រាក់ នេះបើតាមការសន្និដ្ឋានដំបូង។
ទោះបីជាយ៉ាងណា សមត្ថកិច្ចកំពុងសាកសួរជនរងគ្រោះ និងជនសង្ស័យ ដើម្បីឱ្យដឹងការពិត តើផ្តើមចេញរឿងអ្វីឱ្យពិតប្រាកដ។
លោកថោង វណ្ណៈ ទទួលបន្ទុកផ្នែកអន្តោប្រវេសន៍ស្នងការនគបាលខេត្តបានឲ្យដឹងថា រហូតមកដល់ថ្ងៃទី១៨ កញ្ញា ២០១៨នេះ ជនសង្ស័យម្នាក់ដែលត្រូវសមត្ថកិច្ចចាប់ខ្លួនបានមិនទាន់ធ្វើការចោទប្រកាន់នៅឡើយទេ ដោយសមត្ថកិច្ចកំពុងធ្វើតាមនីតិវិធី និងស៊ើបអង្កេតស្រាវជ្រាវរកជនសង្ស័យចំនួន៦នាក់ទៀតដើម្បីរកការពិត និងចាត់វិធានការតាមច្បាប់ឲ្យខាងតែបាន ៕
ចែករំលែកព័តមាននេះ