រាជធានីភ្នំពេញ ៖ ស្ត្រីជនសង្ស័យជាមុខសញ្ញាចាស់ម្នាក់ ដែលតែងតែបានដើរធ្វើសកម្មភាពលួចខោអាវតាមតូមជាច្រើនលើកច្រើនសានៅក្នុងផ្សារអូឡាំពិក ត្រូវបានកម្លាំងមានសមត្ថកិច្ចចាប់ឃាត់ខ្លួន ក្រោយពីស្ត្រីជាជនសង្ស័យបានធ្វើសកម្មភាពលួចខោអាវស្ព័រចំនួនមួយថង់ធំ ដែលមានចំនួន១០កំប្លេ ហើយត្រូវបានម្ចាស់គេឃើញទាន់ និងចាប់យកមកប្រគល់អោយសមត្ថកិច្ចនោះ។ ការចាប់ឃាត់ខ្លួន…
រាជធានីភ្នំពេញ ៖ ស្ត្រីជនសង្ស័យជាមុខសញ្ញាចាស់ម្នាក់ ដែលតែងតែបានដើរធ្វើសកម្មភាពលួចខោអាវតាមតូមជាច្រើនលើកច្រើនសានៅក្នុងផ្សារអូឡាំពិក ត្រូវបានកម្លាំងមានសមត្ថកិច្ចចាប់ឃាត់ខ្លួន ក្រោយពីស្ត្រីជាជនសង្ស័យបានធ្វើសកម្មភាពលួចខោអាវស្ព័រចំនួនមួយថង់ធំ ដែលមានចំនួន១០កំប្លេ ហើយត្រូវបានម្ចាស់គេឃើញទាន់ និងចាប់យកមកប្រគល់អោយសមត្ថកិច្ចនោះ។
ការចាប់ឃាត់ខ្លួន ស្ត្រីជាជនសង្ស័យខាងលើបានធ្វើឡើងកាលពីវេលាម៉ោង១២និង១៥នាទីថ្ងៃត្រង់ថ្ងៃទី១៦ ខែកញ្ញា នៅចំណុចតូបលក់ខោអាវមួយកន្លែងនៅក្នុងផ្សារអូឡាំពិក ក្នុងសង្កាត់អូឡាំពិក ខណ្ឌចំការមន។
ស្ត្រីជាជនសង្ស័យខាងលើឈ្មោះ នូ មុំ អាយុ ៤៨ឆ្នាំ មុខរបរមិនពិតប្រាកដ មានទីលំនៅម្តុំផ្លូវរថភ្លើង ក្នុងសង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ។
តាមប្រភពព័ត៌មានពីនគរបាលបានប្រាប់ឱ្យដឹងថា មុនកើតហេតុ ពេលបុរសជាអាជីវករលក់ខោអាវម្នាក់កំពុងតែមមាញឹកក្នុងការលក់ដូរនោះ ក៏ស្រាប់តែលេចមុខស្ត្រីជាជនសង្ស័យម្នាក់ខាងលើ មិនដឹងជាដើរមកពីណា ធ្វើជាដើរកាត់ខាងមុខតូប និងបានយកជើងទៅឈូសយកថង់ខោអាវចំនួន១ថង់ធំ ដែលមានសុទ្ធតែខោអាវស្ព័រចំនួន១០កំប្លេរទុកនៅលើបេតុងខាងមុខតូបនោះ។
តាមប្រភពដដែលបាន ប្រាប់បន្ត ទៀតថា ពេលដែលស្ត្រីជាជនសង្ស័យកំពុងតែយកជើងឈូសឆ្កឹះថង់ខោអាវចេញឱ្យចេញឆ្ងាយបំរុងនឹងលួចយកទៅនោះ ក៏ស្រាប់តែបុរសជាម្ចាស់តូបបានក្រឡេកភ្នែកទៅឃើញទាន់ និងស្រែកឆោឡោធ្វើអោយមានការភ្ញាក់ផ្អើលកើតឡើង និងចាប់ខ្លួនស្ត្រីជាជនសង្ស័យយកទៅប្រគល់អោយកម្លាំងមានសមត្ថកិច្ចតែម្តង។
ក្រោយពេលកើតហេតុ ខោអាវស្ព័រមួយថង់ដែលមានចំនួន១០កំប្លេនោះ ត្រូវបានប្រគល់ទៅអោយបុរសជាម្ចាស់តូបវិញ ចំណែកឯស្ត្រីជាជនសង្ស័យក៏បាននាំខ្លួនមកកាន់នគរបាលប៉ុស្តិ៍ អូឡាំពិក ដើម្បីធ្វើការសាកសួរ និងកំណត់ហេតុបញ្ជូនស្ត្រីជាជនសង្ស័យទៅកាន់អធិការដ្ឋាននគរបាលខណ្ឌចំការមនចាត់ការទៅតាមផ្លូវច្បាប់ជាបន្តផងដែរ ៕
ចែករំលែកព័តមាននេះ