ខេត្តបាត់ដំបង ៖ កម្លាំងនគរបាលនៃស្នងការខេត្តបាត់ដំបង ដែលមានកិច្ចសហការជាមួយកម្លាំងនគរបាលខេត្តបន្ទាយមានជ័យផង បានឃាត់ខ្លួនបុរសជនជាតិកូរ៉េម្នាក់ កាលពីវេលាម៉ោង០៤ និង៣៥នាទីរសៀលថ្ងៃទី១៤ កញ្ញា ស្ថិតនៅចំណុចភូមិគីឡូម៉ែត្រលេខ៤ ក្នុងសង្កាត់ប៉ោយប៉ែត ក្រុងប៉ោយប៉ែត ដែលពាក់ព័ន្ធនឹងករណី «ឆបោក»។
ជនសង្ស័យរូបនេះឈ្មោះលី យ៉ុងស៊ុប ភេទប្រុស អាយុ៦៩ឆ្នាំ ជាជនជាតិកូរ៉េ និងបានទៅស្នាក់នៅក្រុងប៉ោយប៉ែត ខេត្តបន្ទាយមានជ័យ ។ សមត្ថកិច្ចបានប្រាប់ថា បុរសជនជាតិកូរ៉េរូបនេះត្រូវបានឃាត់ខ្លួនតាមដីកាបញ្ជាឲ្យចូលខ្លួន លេខ៤៧អ.យ.ក ចុះថ្ងៃទី១៤កញ្ញា២០១៨ របស់លោកនួន សាន ព្រះរាជអាជ្ញាអមសាលាដំបូងខេត្តបាត់ដំបង ។
បើយោងតាមដីកានេះ ជនសង្ស័យឈ្មោះលី យ៉ុងស៊ុប រូបនេះត្រូវជាប់សង្ស័យពីបទ«ឆបោក» លុយគេចំនួន២លានបាត(ប្រាក់ថៃ) ដែលប្រព្រឹត្តកាលពីថ្ងៃទី០២ សីហា ២០១៦ ស្ថិតនៅចំណុចច្រកទ្វារអន្តរជាតិ
«ដូង» ក្នុងស្រុកកំរៀង ខេត្តបាត់ដំបង ។
សមត្ថកិច្ខបានរាយការណ៍ថា ជនសង្ស័យរូបនេះត្រូវបាននាំខ្លួនមកកាន់ស្នងការខេត្តបាត់ដំបងហើយ និងត្រៀមបញ្ជូនខ្លួនទៅកាន់សាលាដំបូងខេត្តផងដែរ ។
.
ចែករំលែកព័តមាននេះ