រាជធានីភ្នំពេញ ៖ សម្តេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃបានលើកឡើងថា បងប្អូនប្រជាពលរដ្ឋបានស្រលាញ់សន្តិភាព និងជឿជាក់លើការដឹកនាំប្រទេសរបស់រាជរដ្ឋាភិបាលបច្ចុប្បន្ន ទើបនាំគ្នាទៅបោះឆ្នោតជូន…
រាជធានីភ្នំពេញ ៖ សម្តេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃបានលើកឡើងថា បងប្អូនប្រជាពលរដ្ឋបានស្រលាញ់សន្តិភាព និងជឿជាក់លើការដឹកនាំប្រទេសរបស់រាជរដ្ឋាភិបាលបច្ចុប្បន្ន ទើបនាំគ្នាទៅបោះឆ្នោតជូន ដូច្នេះក្នុងនាមយើងជាមន្ត្រីត្រូវបំរើពួកគាត់ឲ្យបានទាន់ពេលវេលាកុំឲ្យមានការថ្នាំងថ្នាក់ ហើយត្រូវការពារសន្តិសុខសុវត្ថិភាពជូនដល់ពួកគាត់ឲ្យបានគ្រប់ពេលផងដែរ ។
សម្តេចក្រឡាហោមថ្លែងបែបនេះនៅក្នុងកម្មវិធីប្រកាសចូលកាន់តំណែង រដ្ឋលេខាធិការ អនុរដ្ឋលេខាធិការ អនុប្រធានអាជ្ញាធរជាតិប្រយុទ្ធប្រឆាំងគ្រឿងញៀន អគ្គនាយក អគ្គាធិការ និងបំពាក់ឋានន្ដរស័ក្ដិ ជូននាយនគរបាលជាតិជាន់ខ្ពស់ក្រសួងមហាផ្ទៃ កាលពីព្រឹកថ្ងៃទី១២ ខែកញ្ញា ឆ្នាំ២០១៨ ដែលរៀបចំនៅសាលប្រជុំទីស្តីការក្រសួងមហាផ្ទៃ ។
សម្តេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃបានថ្លែងទៀតថា មន្ត្រីគ្រប់ជាន់ថ្នាក់ក្នុងអាណត្តិថ្មីទាំងអស់ ត្រូវយកចិត្តទុកដាក់បំរើផលប្រយោជន៍របស់ប្រជាពលរដ្ឋឲ្យបានឆាប់រហ័សបន្ថែមទៀតខណៈពួកគាត់បានបោះឆ្នោតឲ្យហើយនោះ ។
យើងត្រូវបង្កើនការបំរើពួកគាត់គ្រប់សេវាកម្មទាំងអស់ឲ្យបានទាន់ពេលហើយត្រូវការពារសុវត្ថិភាពដល់ពលរដ្ឋ និងសង្គមឲ្យបានល្អជាពិសេសទប់ស្កាត់អំពើឆក់ប្លន់ និងបទល្មើសផ្សេងៗទៀតដែលពួកគាត់មានការព្រួយបារម្ភ ៕
ចែករំលែកព័តមាននេះ