រាជធានីភ្នំពេញ ៖ ប្តីប្រពន្ធ២នាក់ជិះម៉ូតូឆ្លងផ្លូវក៏ត្រូវរថយន្តម៉ាកជ្រុលទៅបុកយ៉ាងពេញទំហឹង បណ្តាលមានអ្នករងរបួសធ្ងន់ម្នាក់ និងស្រាលម្នាក់ ហេតុការណ៍នេះដែរបានកើតឡើងនៅវេលាម៉ោង៨យប់ ថ្ងៃទី១២ ខែកញ្ញា ឆ្នាំ២០១៨ ទល់មុខនឹងបុរីប៉េងហួត…
រាជធានីភ្នំពេញ ៖ ប្តីប្រពន្ធ២នាក់ជិះម៉ូតូឆ្លងផ្លូវក៏ត្រូវរថយន្តម៉ាកជ្រុលទៅបុកយ៉ាងពេញទំហឹង បណ្តាលមានអ្នករងរបួសធ្ងន់ម្នាក់ និងស្រាលម្នាក់ ហេតុការណ៍នេះដែរបានកើតឡើងនៅវេលាម៉ោង៨យប់ ថ្ងៃទី១២ ខែកញ្ញា ឆ្នាំ២០១៨ ទល់មុខនឹងបុរីប៉េងហួត ផ្លូវ២១៧ ភូមិឫស្សី ស្ទឹងមានជ័យ២ ខណ្ឌមានជ័យ ។
តាមប្រភព័ត៌មានពីកន្លែងកើតហេតុបានអោយដឹងថា មុនពេលកើតហេតុ គេបានឃើញប្តីប្រពន្ធ២នាក់ជិះម៉ូតូមួយគ្រឿងហុងដាឌ្រីម ស៊េរីឆ្នាំ២០១២ ពណ៌ខ្មៅ ពាក់ស្លាកលេខ ភ្នំពេញ ១BY-៣៩៣០ ធ្វើដំណើរតាមផ្លូវ២១៧ ក្នុងទិសដៅពីជើងទៅត្បូង លុះមកដល់ចំណុចកើតហេតុ បានបត់ឆ្វេងឆ្លងកាត់ទទឹងផ្លូវ លក្ខណៈជិះបញ្ឆិតបញ្ច្រាសទិសដៅវិញ ។
ប្រភពដដែលបានបន្តថា ស្របពេលនោះដែរ ម៉ូតូឆ្លងជិតផុតទៅហើយ ក៏ស្រាប់តែមានយុវជនវយ័ក្មេងម្នាក់ បានបើករថយន្តមួយគ្រឿង ពណ៌ខ្មៅ ពាក់ស្លាកលេខ ចង្កូតស្តាំ PP-០៣២១ បានធ្វើដំណើរតាមផ្លូវ២១៧ ក្នុងទិសដៅពីត្បូងទៅជើងក្នុងល្បឿនលឿន ព្រមទាំងខ្វះការប្រុងប្រយត្ន័ដូចគ្នា បានជ្រុលទៅបុកម៉ូតូដែលជិះដោយប្តីប្រពន្ធ២នាក់ចំពាក់កណ្តាលពេញហឹង បណ្តាលអោយស្ត្រីជាប្រពន្ធរងរបួសជើងខាងស្តាំធ្ងន់ធ្ងរ ហើយបុរសជាប្តីរងរបួសរលាត់ដៃជើងស្រាល ។
ភ្លាមនោះដែរ ស្ត្រីត្រូវជាប្រពន្ធដែលរងរបួសជើងធ្ងន់ធ្ងរត្រូវបានសាច់ញាតិមកដឹកតាមម៉ូតូយកទៅសង្គ្រោះនៅមន្ទីរពេទ្យ រីឯម៉ូតូវិញរងការខូចខាតបាក់បូមក្រោយ និងក្បាំងចំហៀងខាងស្តាំ ។
ក្រោយពេលកើតហេតុ សមត្ថកិច្ច មូលដ្ឋានបានចុះទៅដល់កន្លែងកើតហេតុ រួចហើយក៏បានអោយ ភាគីទាំងសងខាងសម្របសម្រួលគ្នា ដោយខាងរថយន្តសុខចិត្តជួយចេញថ្លៃការជួសជុលម៉ូតូ និង ព្យាបាលម៉ូតូអោយទៅខាងម៉ូតូដើម្បីបញ្ចប់រឿង ៕
ចែករំលែកព័តមាននេះ