ខេត្តកំពង់ស្ពឺ ៖ បុរសជាឪពុកចុងម្នាក់ បានត្រូវនារីរងគ្រោះប្តឹងសមត្ថកិច្ចឱ្យឃាត់ខ្លួន បន្ទាប់ពីទ្រាំនឹងទង្វើរបស់បុរសរូបនេះ ដែលបានធ្វើមកលើនាងពុំបាន ។ មន្ត្រីនគរបាលស្រុកភ្នំស្រួចបានឱ្យដឹងថា ការឃាត់ខ្លួននេះ ធ្វើឡើងកាលពីវេលាម៉ោង៤…
ខេត្តកំពង់ស្ពឺ ៖ បុរសជាឪពុកចុងម្នាក់ បានត្រូវនារីរងគ្រោះប្តឹងសមត្ថកិច្ចឱ្យឃាត់ខ្លួន បន្ទាប់ពីទ្រាំនឹងទង្វើរបស់បុរសរូបនេះ ដែលបានធ្វើមកលើនាងពុំបាន ។
មន្ត្រីនគរបាលស្រុកភ្នំស្រួចបានឱ្យដឹងថា ការឃាត់ខ្លួននេះ ធ្វើឡើងកាលពីវេលាម៉ោង៤ និង៤០នាទីរសៀលថ្ងៃអាទិត្យទី៩ ខែកញ្ញា នៅឃុំព្រៃរំដួល ស្រុកភ្នំស្រួច ។ នារីរងគ្រោះទើបមានអាយុ១៧ឆ្នាំ ចំណែកជនសង្ស័យដែលជាឪពុកចុងឈ្មោះ សុខ ធីម អាយុ៤០ឆ្នាំ ។
ប្រភពដដែលឱ្យដឹងទៀតថា មុនពេលឃាត់ខ្លួនជនសង្ស័យ គឺនារីរងគ្រោះបានទៅប្រាប់ឈ្មោះ អ៊ុំ វ៉ុន ដែលជាប្រជាការពារភូមិពីករណីឪពុកចុងឈ្មោះ សុខ ធីម ចាប់រំលោភនាង ។ បន្ទាប់មក បុរសឈ្មោះ អ៊ុំ វ៉ុន ក៏រាយការណ៍ជូនសមត្ថកិច្ច ហើយជនសង្ស័យក៏ត្រូវបានឃាត់ខ្លួននិងបញ្ជូនទៅសាកសួរនៅអធិការដ្ឋាននគរបាលស្រុក ។
នារសៀលដ្ងៃទី១០ ខែកញ្ញា នារីរងគ្រោះបានបំភ្លឺប្រាប់សមត្ថកិចថា សកម្មភាពឪពុកចុងរូបនេះ រំលោភរូបនាងមិនមែនទើបតែលើកទី១ទេ គឺច្រើនដងមកហើយ ហើយក្រោយពីរំលោភរួច តែងតែគំរាមនាងមិនឲ្យប្រាប់អ្នកណាឡើយ។
លុះលើកនេះ ដោយទ្រាំនឹងទង្វើរបស់ឪពុកចុងលែងបាន នាងក៏សម្រេចចិត្តប្រាប់ប្រជាការពារឲ្យប្តឹងសមត្ថកិច្ចតែម្តង ៕
ចែករំលែកព័តមាននេះ