ខេត្តកំពង់ស្ពឺ ៖ បុរសជាឱពុកចុងម្នាក់ត្រូវនារីរងគ្រោះប្តឹងឱ្យសមត្ថកិចឃាត់ខ្លួន បន្ទាប់ពីទ្រាំទ្រនឹងទង្វើរបស់បុរសសង្ស័យដែលធ្វើមកលើនាងពុំបាន។ ការឃាត់ខ្លួននេះធ្វើឡើងកាលពីម៉ោង៤និង៤០នាទីល្ងាច ថ្ងៃទី០៩ កញ្ញា ឆ្នាំ២០១៨ ស្ថិតនៅក្នុងភូមិរំដួលថ្មី ឃុំព្រៃរំដួល…
ខេត្តកំពង់ស្ពឺ ៖ បុរសជាឱពុកចុងម្នាក់ត្រូវនារីរងគ្រោះប្តឹងឱ្យសមត្ថកិចឃាត់ខ្លួន បន្ទាប់ពីទ្រាំទ្រនឹងទង្វើរបស់បុរសសង្ស័យដែលធ្វើមកលើនាងពុំបាន។ ការឃាត់ខ្លួននេះធ្វើឡើងកាលពីម៉ោង៤និង៤០នាទីល្ងាច ថ្ងៃទី០៩ កញ្ញា ឆ្នាំ២០១៨ ស្ថិតនៅក្នុងភូមិរំដួលថ្មី ឃុំព្រៃរំដួល ស្រុកភ្នំស្រួច ខេត្តកំពង់ស្ពឺ។
បើតាមនគរបាលស្រុកភ្នំស្រួចបានឱ្យដឹងថា នារីរងគ្រោះខាងលើអាយុ១៧ឆ្នាំ ចំណែកឯជនសង្ស័យឈ្មោះ សុខ ធីម ភេទប្រុស អាយុ៤០ឆ្នាំ (ត្រូវជាឪពុកចុង) មានទីលំនៅស្រុកភ្នំស្រួច។
ប្រភពពីនគរបាលបន្តថា មុនពេលឃាត់ខ្លួនជនសង្ស័យ គឺនារីរងគ្រោះបានទៅប្រាប់ឈ្មោះ អ៊ុំ វ៉ុន ភេទប្រុស អាយុ59ឆ្នាំ មានទីលំនៅភូមិរំដួលថ្មី ឃុំព្រៃរំដួល ស្រុកភ្នំស្រួច (ជាប្រជាការពារភូមិ) ថា ឪពុកចុងបានចាប់រំលោភសេពសន្ថវៈ មកលើរូបនាង។ ហើយពេលប្រជាការពារភូមិលឺដូច្នេះក៏រាយការណ៍ជូនសមត្ថកិច្ច ហើយឃាត់ខ្លួនជនសង្ស័យខាងលើ យកមកសាកសួរនៅអធិការដ្ឋាន ។
លុះនៅរសៀលថ្ងៃទី១០ កញ្ញានេះ នារីរងគ្រោះបានបំភ្លឺប្រាប់សមត្ថកិច្ចថា បុរសសង្ស័យបានធ្វើសកម្មភាពរំលោភមកលើរូបនាងមិនមែនជាលើកទី១នោះទេ គឺច្រើនដងមកហើយ។ ក្រោយរំលោភបុរសជាឱពុកចុងតែងគំរាមនាងមិនឱ្យប្រាប់អ្នកណាឡើយ។ ប៉ុន្តែលើកនេះដោយទ្រាំនឹងទង្វើរបស់ឱពុកចុងលែងទើបនាងក៏សម្រេចចិត្តប្រាប់ប្រជាការពារភូមិឱ្យប្តឹងសមត្ថកិច្ចតែម្តង។
ពេលនេះសមត្ថកិច្ចកំពុងធ្វើការសាកសួរទៅលើជនសង្ស័យ ដើម្បីបន្តនីតិវិធី៕
ចែករំលែកព័តមាននេះ