ដោះលែងលោក កឹម សុខា ឲ្យនៅក្រៅឃុំបណ្តោះអាសន្ន
- ភ្នំពេញ
រាជធានីភ្នំពេញ ៖ កាលពីវេលាម៉ោង៣ជិតភ្លឺថ្ងៃទី១០ ខែកញ្ញា ឆ្នាំ២០១៨នេះ លោក កឹម សុខា អតីតនៃប្រធានគណបក្សសង្គ្រោះជាតិ ត្រូវបានចៅក្រមស៊ើបសួរសាលាដំបូងរាជធានីភ្នំពេញលោក…
រាជធានីភ្នំពេញ ៖ កាលពីវេលាម៉ោង៣ជិតភ្លឺថ្ងៃទី១០ ខែកញ្ញា ឆ្នាំ២០១៨នេះ លោក កឹម សុខា អតីតនៃប្រធានគណបក្សសង្គ្រោះជាតិ ត្រូវបានចៅក្រមស៊ើបសួរសាលាដំបូងរាជធានីភ្នំពេញលោក…
រាជធានីភ្នំពេញ ៖ កាលពីវេលាម៉ោង៣ជិតភ្លឺថ្ងៃទី១០ ខែកញ្ញា ឆ្នាំ២០១៨នេះ លោក កឹម សុខា អតីតនៃប្រធានគណបក្សសង្គ្រោះជាតិ ត្រូវបានចៅក្រមស៊ើបសួរសាលាដំបូងរាជធានីភ្នំពេញលោក គី ឫទ្ធី បានសម្រេចដោះលែងឲ្យនៅក្រៅឃុំជាបណ្តោះអាសន្ន ក្រោយពីជាប់ពន្ធនាគារត្រពាំថ្លុងជាង១ឆ្នាំ ក្រោមការចោទប្រកាន់ពីបទ សន្និដ្ឋិភាពជាមួយបរទេស។
បើតាមលោក ចាន់ ចេន មេធាវីការពារឲ្យលោក កឹម សុខា បានឲ្យដឹងថា កូនក្តីគាត់ត្រូវបាន «ដោះលែងឲ្យនៅក្រៅឃុំបណ្តោះអាសន្នហើយ ដោយស្ថិតក្រោមការត្រួតពិនិត្យតាមផ្លូវតុលាការ» ។ លោកបានបន្តថា លោកសូមអភ័យទោស និងការយោគយល់ពីបងប្អូនប្រជាពលរដ្ឋខ្មែរ ដែលកាលទេសៈនេះ មិនទាន់អាចជួបគ្នាបាន ។
សូមបញ្ជាក់ថា លោក កឹម សុខា ត្រូវសមត្ថកិច្ចចាប់ខ្លួនកាលពីយប់រំលងអធ្រាត្រឈានចូល ថ្ងៃទី០៣ ខែកញ្ញា ឆ្នាំ២០១៧ បន្ទាប់ពីមានការបែកធ្លាយវីដេអូមួយបង្ហាញថា លោកបានសារភាពអំពីការអនុវត្តតាមការបង្គាប់បញ្ជារបស់សហរដ្ឋអាមេរិក ក្នុងគោលបំណងផ្តួលរំលំរាជរដ្ឋាភិបាលកម្ពុជា ជាយូរណាស់មកហើយ។
ជនជាប់ចោទ កឹម សុខា ត្រូវបានតុលាការឃុំខ្លួនដាក់ពន្ធនាគារបណ្តោះអាសន្ន កាលពីថ្ងៃទី០៦ ខែកញ្ញា ឆ្នាំ២០១៧ ដោយចោទប្រកាន់ពីបទល្មើសក្បត់ជាតិ ។ អយ្យការអមសាលាដំបូងរាជធានីភ្នំពេញ បានបង្ហាញថា លោក កឹម សុខា ជាប់ចោទប្រកាន់ពីបទ សន្និដ្ឋិភាពជាមួយបរទេស តាមមាត្រា៤៤៣ នៃក្រមព្រហ្មទណ្ឌ។
លោក កឹម សុខា អតីតប្រធានគណបក្សសង្គ្រាះជាតិ ត្រូវតុលាការឃុំខ្លួនអស់រយៈពេលជាងមួយឆ្នាំនៅព្រឹកថ្ងៃទី១០ ខែកញ្ញា ឆ្នាំ២០១៨នេះ ត្រូវបានដោះលែងមកដល់ផ្ទះក្នុងខណ្ឌទួលគោកហើយ នាវេលាជិតភ្លឺនេះហើយ។ លោក ចាន់ ចេង មេធាវីការពារសិទ្ធិលោក កឹម សុខា បានបញ្ជាក់ប្រាប់បណ្ដាញសារព័ត៌មានថា នូវមុននេះបន្តិចថា កូនក្តីរបស់លោកបានមកដល់គេហដ្ឋានហើយ នៅក្នុងខណ្ឌទួលគោក នាវេលាជិតភ្លឺនេះ។
លោកមានប្រសាសន៍បញ្ជាក់យ៉ាងខ្លីថា «ក្រុមគ្រួសារបញ្ជាក់ថា គាត់មកដល់ផ្ទះហើយ។ អ្នកយកទៅ គឺជាអ្នកយកមកវិញ»៕
ចែករំលែកព័តមាននេះ