តាមប្រភពពី Metro បានឱ្យដឹងថា អណ្តាតរបស់ស្ត្រីចំណាស់វ័យ៥៥ឆ្នាំម្នាក់ ចាប់ផ្តើមមានរោមខ្មៅៗដុះពេញ ក្រោយជួបប្រទះជាមួយនឹងគ្រោះថ្នាក់ចរាចរណ៍ បុកចំជើងទាំងពីរ ។ ស្ត្រីមិនបញ្ចេញឈ្មោះ រស់នៅសហរដ្ឋអាមេរិក…
តាមប្រភពពី Metro បានឱ្យដឹងថា អណ្តាតរបស់ស្ត្រីចំណាស់វ័យ៥៥ឆ្នាំម្នាក់ ចាប់ផ្តើមមានរោមខ្មៅៗដុះពេញ ក្រោយជួបប្រទះជាមួយនឹងគ្រោះថ្នាក់ចរាចរណ៍ បុកចំជើងទាំងពីរ ។ ស្ត្រីមិនបញ្ចេញឈ្មោះ រស់នៅសហរដ្ឋអាមេរិក ត្រូវបានបញ្ជូនទៅមន្ទីរពេទ្យក្រោយបុកចំជើងទាំងពីរ នាពេលកន្លងមក។ នេះបើតាមការរាយការណ៍របស់ New England Journal of Medicine។
ដោយសារតែរបួសរបស់គាត់មានការបង្ករោគ គ្រូពេទ្យក៏ចាក់ថ្នាំផ្សះ Meropenem និង ឲ្យលេបថ្នាំផ្សះ Minocycline ថែមទៀត ដើម្បីប្រឆាំងតបជាមួយនឹងបាក់តេរី។ ក្រោយពេលមួយសប្តាហ៍ អណ្តាតរបស់គាត់ស្រាប់តែឡើងរោមពណ៌ខ្មៅ ហើយគាត់ក៏រអ៊ូថាមានរសជាតិចម្លែកនៅក្នុងមាត់ផងដែរ។
គ្រូពេទ្យមានការសង្ស័យថា នេះមកពីការប៉ះពាល់របស់ថ្នាំ Minocycline។ តាមការរាយការណ៍របស់ New England Journal of Medicine បានឲ្យដឹងថា៖ “រោមពណ៌ខ្មៅៗនៅលើអណ្តាតគឺជាជម្ងឺស្លូតមួយ ដែលអាចកំណត់បានតាមរយៈការឡើងទំហំ និង ប្រវែង របស់រោមសរសៃលើអណ្តាត ហើយប្រែពណ៌ទៅជាត្នោតក្រម៉ៅ។”
វាឡើងមកហើយអាចបាត់ទៅវិញ ដោយមិនបង្កជាបញ្ហាអ្វីឡើយ។ វាអាចមានពណ៌បៃតង ស ឬ លឿង ហើយមានលក្ខណៈជារោមៗ។ ក្នុងមាត់អ្នកជម្ងឺអាចមានរសជាតិដែកៗ ក្លិនមិនល្អ និង មានអារម្មណ៍ចាក់ៗ។ នេះក៏ដោយសារតែ មានបម្រែបម្រួលរបស់បាក់តេរីធម្មតា ឬ ផ្សិតក្នុងមាត់ ក្រោយពេលប្រើប្រាស់ថ្នាំផ្សះ។ វាក៏អាចបណ្តាលមកពីការកង្វះអនាម័យ មាត់ស្ងួត ការជក់បារី ការផឹកស្រាច្រើន ការបរិភោគអាហារទន់ៗច្រើនពេកជាដើម។
គ្រូពេទ្យបានប្រាប់អ្នកជម្ងឺខាងលើ ឲ្យឈប់ប្រើប្រាស់ថ្នាំផ្សះ Minocycline ហើយប្រើថ្នាំផ្សះប្រភេទផ្សេងជំនួសវិញ ព្រមទាំងធ្វើអនាម័យមាត់ធ្មេញ។ ក្រោយពេល៤សប្តាហ៍ អ្នកជម្ងឺក៏ជាសះស្បើយពីបញ្ហានេះវិញ ។
ចែករំលែកព័តមាននេះ