ខេត្តកំពង់ស្ពឺ ៖ ក្រោយបញ្ចប់ការងារសំណង់កម្មករ១ក្រុម បានប្រមូលលុយទិញស្រា និងសាច់ក្លែមជុំគ្នា ។ លុះដល់យប់ជ្រៅស្រវឹងរៀងៗខ្លួនក៏ផ្ទុះហិង្សាវាយតប់គ្នាក្នុងវង់ ហើយកម្មករម្នាក់បានទាញពូថៅកាប់កម្មករម្នាក់ទៀត បណ្តាលឲ្យរបួសធ្ងន់ ។…
ខេត្តកំពង់ស្ពឺ ៖ ក្រោយបញ្ចប់ការងារសំណង់កម្មករ១ក្រុម បានប្រមូលលុយទិញស្រា និងសាច់ក្លែមជុំគ្នា ។ លុះដល់យប់ជ្រៅស្រវឹងរៀងៗខ្លួនក៏ផ្ទុះហិង្សាវាយតប់គ្នាក្នុងវង់ ហើយកម្មករម្នាក់បានទាញពូថៅកាប់កម្មករម្នាក់ទៀត បណ្តាលឲ្យរបួសធ្ងន់ ។
ករណីបង្កជម្លោះក្នុងវង់ផឹកនេះបានកើតឡើងកាលពីម៉ោង១០និង៣០នាទីយប់ ថ្ងៃទី០៤ ខែ
កញ្ញា ឆ្នាំ២០១៨ ស្ថិតក្នុងការដ្ឋានមួយ ក្នុងភូមិបុស្សតា នៃឃុំកាហែង ស្រុកសំរោងទង ខេត្តកំពង់ស្ពឺ ។
ប្រភពព័ត៌មានពីកន្លែងកើតហេតុបានឲ្យដឹងថា ជនរងគ្រោះឈ្មោះ ហ៊ូ ស៊ីញ ភេទប្រុស អាយុ៣៨ឆ្នាំ រស់នៅភូមិក្រាំងស្លែង ឃុំតាំងស្យា ស្រុកភ្នំស្រួច ខេត្តកំពង់ស្ពឺ ។ ចំណែកជនដៃដល់ឈ្មោះ ស ពេជ្រ ភេទប្រុស អាយុ១៨ឆ្នាំ រស់នៅភូមិគ្រញូង ឃុំមុខដា ស្រុករមាសហែក ខេត្តស្វាយរៀង ។ ពួកគេជាកម្មករសំណង់ក្នុងការដ្ឋានសាងសង់បុរី ស្ថិតក្នុងភូមិកើតហេតុខាងលើ ។
ប្រភពព័ត៌មានពីសមត្ថកិច្ចស្រុកសំរោងទងបានឲ្យដឹងថា មុនឈានដល់ផ្ទុះជម្លោះកម្មករក្នុងបុរីខាងលើបានទិញស្រាព័ទ្ធវង់ផឹកស៊ីជាមួយគ្នាតាំងពីក្បាលព្រលប់ លុះឈានដល់ម៉ោងប្រមាណ១០យប់ ទើបបង្កជាជម្លោះពាក្យសម្តី រួចក្លាយជាហិង្សាវាយតប់គ្នាដោយដៃ តែជនដៃដល់ជាក្មេងឈាមរាវក៏ស្ទុះទាញពូថៅកាប់លើជនរងគ្រោះ បណ្តាលឲ្យរយះបបូរមាត់ និងលើផ្ទៃមុខ ។
ក្រោយកើតហេតុសមត្ថកិច្ចបានចុះអន្តរាគមន៍រហូតដល់ម៉ោង១១និង៥០នាទីយប់ ថ្ងៃដដែល ទើបចាប់ជនដៃដល់បាននាំមកអធិការដ្ឋានធ្វើការសាកសួរ និងកសាងសំណរឿងចាត់ការតាមច្បាប់ ៕
ចែករំលែកព័តមាននេះ