ខេត្តបាត់ដំបង ៖ ប្រភពពីសមត្ថកិច្ចបានឱ្យដឹងថា បុរសម្នាក់ត្រូវកម្លាំងនគរបាលឃាត់ខ្លួន កាលពីវេលាម៉ោង១១ និង៣០នាទីថ្ងៃត្រង់ថ្ងៃទី២៨ សីហា នៅចំណុចភូមិសាមសិប ឃុំតាក្រី ស្រុកកំរៀង…
ខេត្តបាត់ដំបង ៖ ប្រភពពីសមត្ថកិច្ចបានឱ្យដឹងថា បុរសម្នាក់ត្រូវកម្លាំងនគរបាលឃាត់ខ្លួន កាលពីវេលាម៉ោង១១ និង៣០នាទីថ្ងៃត្រង់ថ្ងៃទី២៨ សីហា នៅចំណុចភូមិសាមសិប ឃុំតាក្រី ស្រុកកំរៀង ដែលជាប់សង្ស័យពីបទជួញដូរគ្រឿងញៀន ដែលច្បាប់ហាមឃាត់។
សមត្ថកិច្ចបានឲ្យដឹងទៀតថា ជនសង្ស័យដែលកម្លាំងជំនាញឃាត់ខ្លួននោះ ឈ្មោះហុ៑ន សុវណ្ណា ភេទប្រុសអាយុ២៧ឆ្នាំ រស់នៅភូមិ-ឃុំខាងលើ ។ ជននេះ ត្រូវបានកម្លាំងនគរបាលស្រុកកំរៀងឃាត់ខ្លួន ពេលកំពុងប្រព្រឹត្តបទល្មើសជាក់ស្ដែង ថែមទាំងដកហូតបាននូវវត្ថុតាងមួយចំនួនធំផង ។
បើតាមរបាយការណ៍បឋម វត្ថុតាងដែលដកហូតបានពីជនសង្ស័យមានម្សៅក្រាម ពណ៌.សថ្លា ដែលគេសង្ស័យជាប្រភេទមេតំហ្វេតាមីន ICE (ម៉ាទឹកកក) ចំនួន០២កញ្ចប់ធំ និងចំនួន១១កញ្ចប់តូច និងជញ្ជីងថ្លឹងថ្នាំញៀនចំនួន០១ផងដែរ ។
បើតាមសមត្ថកិច្ចបានបញ្ជាក់ថា បន្ទាប់ពីត្រូវឃាត់ខ្លួន ជនសង្ស័យឈ្មោះហ៊ុន សុវណ្ណា បានឆ្លើយសារភាពទទូលស្គាល់វត្ថុតាង តែមិនទាន់ផ្ដល់ចម្លើយលំអិតអំពីប្រភពដែលខ្លួននាំយកថ្នាំញៀននេះមកជួញដូរបន្តនៅឡើយទេ។ ប៉ុន្តែមន្ត្រីជំនាញកំពុងសាកសួរអំពីរឿងនេះ និងកំពុងកសាងសំណុំរឿងបញ្ជូនជននេះទៅតុលាការហើយ ៕
ចែករំលែកព័តមាននេះ