ប្រទេសហ្វ៊ីលីពីន ៖ បណ្ដាសកម្មជន និងសាច់ញាតិគ្រួសារជនរងគ្រោះ៨នាក់ ដោយសារការតស៊ូប្រឆាំងគ្រឿងញៀនចាប់តាំងពី២ឆ្នាំមកហើយនៅហ្វ៊ីលីពីន បានដាក់ពាក្យប្ដឹងដល់តុលាការព្រហ្មទណ្ឌអន្តរជាតិ CPI ប្រឆាំងប្រធានាធិបតីលោក RODRIGO DUTERTE…
ប្រទេសហ្វ៊ីលីពីន ៖ បណ្ដាសកម្មជន និងសាច់ញាតិគ្រួសារជនរងគ្រោះ៨នាក់ ដោយសារការតស៊ូប្រឆាំងគ្រឿងញៀនចាប់តាំងពី២ឆ្នាំមកហើយនៅហ្វ៊ីលីពីន បានដាក់ពាក្យប្ដឹងដល់តុលាការព្រហ្មទណ្ឌអន្តរជាតិ CPI ប្រឆាំងប្រធានាធិបតីលោក RODRIGO DUTERTE ដោយចោទប្រកាន់លោកពីបទឧក្រិដ្ឋប្រឆាំងមនុស្សជាតិ។
វាជាពាក្យបណ្ដឹងបែបនោះលើកទី២ហើយ ប្រឆាំងលោក DUTERTE បញ្ជូនទៅតុលាការ CPI បន្ទាប់ពីបណ្ដឹងរបស់មេធាវីហ្វ៊ីលីពីនមួយរូបកាលពីខែមេសា ឆ្នាំ២០១៧ ដែលពាក្យប្ដឹងនោះតុលាការ CPI បើកការស៊ើបអង្កេតបឋមមួយកាលពីខែកុម្ភៈ កន្លងទៅ។
លោក DUTERTE បានអះអាងថា លោកបញ្ជាឲ្យពួកប៉ូលិសប្រើអាវុធដើម្បីសម្លាប់ តែប្រសិនបើអាយុជីវិតពួកគេជួបគ្រោះថ្នាក់។ មនុស្សជាង៤.៤០០នាក់បានត្រូវប៉ូលិសសម្លាប់ ចាប់តាំងពីលោក DUTERTE ឡើងកាន់អំណាចពីឆ្នាំ២០១៦មក។
ប៉ូលិសបដិសេធការចោទប្រកាន់ដែលថា ខ្លួនសម្លាប់ពួកអ្នកសេពគ្រឿងញៀន ដោយអះអាងថា បណ្ដាមនុស្សដែលត្រូវសម្លាប់ ជាអ្នករត់ពន្ធគ្រឿងញៀនដែលតតាំងពេលចាប់ខ្លួនពួកគេ។
ដោយអះអាងថាលោកជាអ្នករងគ្រោះពីការវាយប្រហារពីសំណាក់អង្គការសហប្រជាជាតិ លោក DUTERTE ធ្លាប់ប្រកាស កាលពីខែមីនាថា លោកនឹងដកប្រទេសលោកចេញពីបណ្ដាប្រទេស ដែលទទួលស្គាល់តុលាការ CPI ៕
ចែករំលែកព័តមាននេះ