រាជធានីភ្នំពេញ ៖ តាមព័ត៌មានដែលគួរឲ្យទុកចិត្តបានប្រាប់ឲ្យដឹងថា លោក មាជ សុវណ្ណារ៉ា និងសកម្មជនគណបក្សសង្គ្រោះជាតិចំនួន១០រូបផ្សេងទៀត និងត្រូវដោះលែងឲ្យមានសេរីភាពឡើងវិញ នៅរសៀលថ្ងៃទី២៧ ខែសីហា…
រាជធានីភ្នំពេញ ៖ តាមព័ត៌មានដែលគួរឲ្យទុកចិត្តបានប្រាប់ឲ្យដឹងថា លោក មាជ សុវណ្ណារ៉ា និងសកម្មជនគណបក្សសង្គ្រោះជាតិចំនួន១០រូបផ្សេងទៀត និងត្រូវដោះលែងឲ្យមានសេរីភាពឡើងវិញ នៅរសៀលថ្ងៃទី២៧ ខែសីហា ឆ្នាំ២០១៨នេះ ។
ការដោះលែងក្រោយពួកគេបានសរសេរលិខិតស្នើសុំលើកលែងទោសទៅប្រមុខរដ្ឋាភិបាល កាលពីថ្ងៃទី២៤ ខែសីហានេះ ក្រោយមានការលើកលែងទោសសកម្មជនដីធ្លី អ្នកនយោបាយ និងអ្នកសារព័ត៌មានជាបន្តបន្ទាប់ ។ ជាមួយគ្នានេះផងដែរ កាលពីពេលថ្មីៗនេះសម្តេចតេជោ ហ៊ុន សែន នាយករដ្ឋមន្ត្រីក៏បានមានប្រសាសន៍ផងដែរថា សម្តេចមានគម្រោង និងធ្វើការដោះលែងអ្នកទោសមានលក្ខណៈទ្រង់ទ្រាយធំផងដែរ ។
ក្នុងនោះផងដែរ ភរិយាលោក ម៉ាជ សុវណ្ណារ៉ា បានបង្ហោះសារថា «រំភើបចិត្តណាស់ស្វាមីរបស់នាងខ្ញុំ គឺលោកមាជ សុវណ្ណារ៉ា រួមទាំង១០នាក់ផ្សេងទៀត កំពុងដូរសំលៀកបំពាក់បំពេញក្រដាស់ស្មាមនឹងបានចេញផុតពីគុកព្រៃសនៅថ្ងៃនេះឯង ប្រហែលម៉ោង២និង០០រសៀលនេះ ៕
ចែករំលែកព័តមាននេះ