ខេត្តកំពង់ស្ពឺ ៖ បុរសម្នាក់បានស្លាប់ភ្លាមមួយរំពេចក្នុងហេតុការណ៍គ្រោះថ្នាក់ចរាចរណ៍ ដែលបើករ៉ឺម៉កទៅបុកដើមក្រសាំង ដែលករណីនេះកើតឡើងកាលពីថ្ងៃទី២០ ខែសីហា ឆ្នាំ២០១៨ វេលាម៉ោង១៤និង៥០នាទី លើផ្លូវជាតិលេខ០៤ ត្រង់ចំណុចភូមិក្បាលថ្នល់ ឃុំមហាសាំង ស្រុកភ្នំស្រួច ខេត្តកំពង់ស្ពឺ ។
ជនរងគ្រោះជាអ្នកបើកបរឈ្មោះ កែវ ឡាយ ភេទប្រុស អាយុ២៧ឆ្នាំ អាស្រ័យដ្ឋានបច្ចុប្បន្ននៅភូមិព្រៃក្តី ស្វាយក្រវ៉ាន់ ក្រុងច្បារ ខេត្តកំពង់ស្ពឺ ។
ប្រភពពីសមត្ថកិច្ចបានឲ្យដឹងថា មុនពេលកើតហេតុសាក្សីបានឃើញជនរងគ្រោះបើកម៉ូតូសណ្តោងរ៉ឺម៉ក ពណ៌ក្រហម លាយខៀវ គ្មានផ្លាកលេខ បើកបរមកពីទិសខាងលិចទៅទិសខាងកើតលុះមកដល់ចំណុចខាងលើបានរេចង្កូតមកខាងឆ្វេងដៃ ហើយបានទៅបុកដើមក្រសាំង បណ្តាលអ្នកបើកម៉ូតូស្លាប់នៅកន្លែងកើតហេតុតែម្តង ។
ប្រភពបន្តថា ក្រោយកើតហេតុសមត្ថកិច្ចបានចុះធ្វើកំណត់ហេតុវាស់វែង រីឯសពត្រូវបានក្រុមគ្រួសារដឹកយកទៅធ្វើបុណ្យតាមប្រពៃណី ចំណែកម៉ូតូរ៉ឺម៉កខូចខាតស្រាល ចំពោះវត្ថុតាងបានប្រគល់ជូនក្រុមគ្រួសារវិញ ៕
ចែករំលែកព័តមាននេះ