រាជធានីភ្នំពេញ ៖ គណបក្សប្រជាជនកម្ពុជាដែលត្រូវបានគណៈកម្មាធិការជាតិរៀបចំការបោះឆ្នោតប្រកាសលទ្ធផលជាផ្លូវការនារសៀលថ្ងៃទី១៥ ខែសីហាថា បានឈ្នះអាសន្នទាំង ១២៥ នៅរដ្ឋសភា បានចេញសេចក្តីថ្លែងការណ៍សម្តែងការសោកស្តាយចំពោះជនបរទេសមួយចំនួនដែលវាយតម្លៃអវិជ្ជមានពាក់ព័ន្ធនឹងការបោះឆ្នោត បើទោះបីជាពួកគេមិនបានចូលរួមអង្កេតការណ៍បោះឆ្នោតជាតិក៏ដោយ ។…
រាជធានីភ្នំពេញ ៖ គណបក្សប្រជាជនកម្ពុជាដែលត្រូវបានគណៈកម្មាធិការជាតិរៀបចំការបោះឆ្នោតប្រកាសលទ្ធផលជាផ្លូវការនារសៀលថ្ងៃទី១៥ ខែសីហាថា បានឈ្នះអាសន្នទាំង ១២៥ នៅរដ្ឋសភា បានចេញសេចក្តីថ្លែងការណ៍សម្តែងការសោកស្តាយចំពោះជនបរទេសមួយចំនួនដែលវាយតម្លៃអវិជ្ជមានពាក់ព័ន្ធនឹងការបោះឆ្នោត បើទោះបីជាពួកគេមិនបានចូលរួមអង្កេតការណ៍បោះឆ្នោតជាតិក៏ដោយ ។
សេចក្តីថ្លែងការណ៍របស់គណបក្សកាន់អំណាចបានថែ្លងថា៖ «គណបក្សប្រជាជនកម្ពុជា សម្តែងការសោកស្តាយចំពោះមជ្ឈដ្ឋានបរទេសមួយចំនួនដែលមិនបានចូលរួមអង្កេតការណ៍ក្នុងការបោះឆ្នោតនេះទេ ប៉ុន្តែបែរជាប្រកាន់យកទង្វើអវិជ្ជមានដោយមូលហេតុនយោបាយចំពោះដំណើរការដ៏ត្រឹមត្រូវនៃលទ្ធិប្រជាធិបតេយ្យនៅកម្ពុជា និងបានវាយតម្លៃការបោះឆ្នោតនេះថា គ្មានលក្ខណៈសេរី និងយុត្តិធម៌ តាំងពីមុនបោះឆ្នោតរហូតមកដល់បច្ចុប្បន្ន»។
សេចក្តីថ្លែងការណ៍ដដែលបានហៅការវាយតម្លៃអវិជ្ជមាននេះ គឺជាការប្រមាថយ៉ាងធ្ងន់ធ្ងរលើឆន្ទះរបស់ប្រជាជនកម្ពុជា ៦,៩៥៦,៩០០ នាក់ដែលបានទៅបោះឆ្នោត និងពុំបានផ្តល់ផលប្រយោជន៍អ្វីដល់ការអភិវឌ្ឍលទ្ធិប្រជាធិបតេយ្យ និងសន្តិភាពនៅកម្ពុជាឡើយ៕
ចែករំលែកព័តមាននេះ