រាជធានីភ្នំពេញ៖ ជនសង្ស័យម្នាក់បានធ្វើសកម្មភាពគាស់ទ្វារផ្ទះមួយកន្លែងរួចបានចូលទៅធ្វើសកម្មភាពលួចយកបានគ្រឿងអលង្ការ និងលុយបានមួយចំនួនផងដែរ ប៉ុន្តែរត់គេចខ្លួនមិនរួច ត្រូវបានបងថ្លៃម្ចាស់ផ្ទះឃើញទាន់ដេញចាប់ខ្លួនបានតែម្តង ។ ហេតុការណ៍នេះបង្កឱ្យមានការភ្ញាក់ផ្អើលកើតឡើងកាលពីវេលាម៉ោង៥ព្រឹកថ្ងៃទី១៤ ខែសីហា ឆ្នាំ២០១៨ នៅចំណុចផ្ទះលេខ២២២…
រាជធានីភ្នំពេញ៖ ជនសង្ស័យម្នាក់បានធ្វើសកម្មភាពគាស់ទ្វារផ្ទះមួយកន្លែងរួចបានចូលទៅធ្វើសកម្មភាពលួចយកបានគ្រឿងអលង្ការ និងលុយបានមួយចំនួនផងដែរ ប៉ុន្តែរត់គេចខ្លួនមិនរួច ត្រូវបានបងថ្លៃម្ចាស់ផ្ទះឃើញទាន់ដេញចាប់ខ្លួនបានតែម្តង ។ ហេតុការណ៍នេះបង្កឱ្យមានការភ្ញាក់ផ្អើលកើតឡើងកាលពីវេលាម៉ោង៥ព្រឹកថ្ងៃទី១៤ ខែសីហា ឆ្នាំ២០១៨ នៅចំណុចផ្ទះលេខ២២២ ផ្លូវបេតុង ភូមិដំណាក់ត្រយឹង សង្កាត់ចោមចៅទី២ ខណ្ឌពោធិ៍សែនជ័យ ។
នគរបាលបានឱ្យដឹងថា ជនសង្ស័យខាងលើនោះឈ្មោះនួន ខ្លឹម អាយុ២៤ឆ្នាំ មុខរបរមិនពិតប្រាកដ ស្នាក់នៅក្នុងបុរីសន្តិភាព២ ភូមិដំណាក់ត្រយឹងសង្កាត់ ចោមចៅទី២ ខណ្ឌពោធិ៍សែនជ័យ។ រីឯប្រជាពលរដ្ឋបាននិយាយថា ជនសង្ស័យម្នាក់នេះគឺជាមុខសញ្ញាគាស់ផ្ទះលួចទ្រព្យសម្បត្តិយ៉ាងសកម្ម ដែលធ្វើសកម្មភាពច្រើនដងរាប់មិនអស់មកហើយ ទើបតែពេលនេះត្រូវបានចាប់ខ្លួន។
ចំណែកបុរសដែលជាម្ចាស់ផ្ទះរងគ្រោះឈ្មោះថេង វ៉ាន់នុត ហៅនូ អាយុ៣២ឆ្នាំ មុខរបរកម្មករោងចក្រ ស្នាក់នៅផ្ទះលេខ២២២ ផ្លូវបេតុង ភូមិដំណាក់ត្រយឹង សង្កាត់ចោមចៅទី២ ខណ្ឌពោធិ៍សែនជ័យរាជធានីភ្នំពេញ។ រីឯទ្រព្យសម្បត្តិដែលបាត់បង់រួមមាន ៖ លុយចំនួន១៤៥០ដុល្លារ និង១២០០០០រៀល ព្រមទាំងខ្សែកប្លាទីន១ខ្សែទម្ងន់១ជី ចិញ្ចៀនប្លាទីនទម្ងន់៥ហ៊ុន ។
បុរសដែលជាម្ចាស់ផ្ទះរងគ្រោះបានឱ្យដឹងថា គាត់មិនបានដឹងថាជនសង្ស័យចូលទៅសម្ងំលួចទ្រព្យសម្បត្តិនៅក្នុងផ្ទះរបស់គាត់តាំងពីពេលណានោះឡើយ ព្រោះគាត់ដេកលង់លក់ដោយមិនដឹងខ្លួន លុះដល់ពេលកើតហេតុ បុរសដែលត្រូវជាបងថ្លៃរបស់គាត់បានប្រទះឃើញជនសង្ស័យខាងលើនោះកំពុងធ្វើសកម្មភាពលួច រួចក៏បានស្រែកឆោឡោថា ចោរៗ បង្កឱ្យមានការភ្ញាក់ផ្អើល ទើបគាត់ភ្ញាក់ពីដំណេក ហើយជនសង្ស័យបានរត់គេចខ្លួន ប៉ុន្តែត្រូវបានបងថ្លៃគាត់ដេញតាមចាប់ខ្លួនបាន បន្ទាប់មកប្រគល់ជនសង្ស័យខាងលើនោះឱ្យនគរបាលប៉ុស្តិ៍ចោមចៅ២តែម្តង ។
ដោយឡែកជនសង្ស័យបានបដិសេធថា ខ្លួនមិនបានលួចយកទ្រព្យសម្បត្តិក្នុងផ្ទះខាងលើនោះទេ ប៉ុន្តែទោះបីជាបែបណា នគរបាលបានសង្ស័យថាជនសង្ស័យម្នាក់នេះបានលួចយកទ្រព្យសម្បត្តិខាងលើពិតប្រាកដមែន និងបានបណ្ដោះឱ្យបក្ខពួកដើម្បីយកចេញ ហើយគេចខ្លួនបាត់តែម្តង ។ ទើបក្រោយពេលចាប់ខ្លួន ជននេះបានបដិសេធថា មិនបានលួចបែបនេះ ប៉ុន្តែនៅក្រោយពេលចាប់ខ្លួនជនសង្ស័យខាងលើ នគរ
បាលដកហូតបានឧបករណ៍មួយចំនួនមានដូចជាដែកកាប់ ទួណឺវីស សោ.សម្រាប់ដោះខ្ចៅ និងកូនសោផងដែរ ដែលសម្ភារៈទាំងនេះគឺជាមធ្យោបាយសម្រាប់ធ្វើសកម្មភាពគាស់ផ្ទះ ។
បច្ចុប្បន្ន ជនសង្ស័យខាងលើនេះត្រូវបាននគរបាលធ្វើការសាកសួរ និងកសាងសំណុំរឿងដើម្បីចាត់ការតាមច្បាប់ ៕
ចែករំលែកព័តមាននេះ