រាជធានីភ្នំពេញ ៖ សេចក្តីរាយការណ៍បឋមឱ្យដឹងថា មានការបង្ក្រាបរបស់កម្លាំងសមត្ថកិច្ចចម្រុះប្រចាំ ការនៅកន្លែងផ្ញើឥវ៉ាន់ចេញ-ចូល ក្នុងនិងក្រៅប្រទេសនៃក្រសួងប្រៃសណីយ៍ ចាប់បានសារធាតុគ្រឿងញៀនប្រមាណ៩០គីឡូក្រាម កាលពីថ្ងៃទី០៨ សីហា ស្ថិតក្នុងសង្កាត់វត្តភ្នំពេញ…
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា មានការបង្ក្រាបរបស់កម្លាំងសមត្ថកិច្ចចម្រុះប្រចាំ
ការនៅកន្លែងផ្ញើឥវ៉ាន់ចេញ-ចូល ក្នុងនិងក្រៅប្រទេសនៃក្រសួងប្រៃសណីយ៍ ចាប់បានសារធាតុគ្រឿងញៀនប្រមាណ៩០គីឡូក្រាម កាលពីថ្ងៃទី០៨ សីហា ស្ថិតក្នុងសង្កាត់វត្តភ្នំពេញ ខណ្ឌដូនពេញ រាជធានីភ្នំពេញ ដែលឈ្មួញផ្ញើតាមកញ្ចប់ប្រៃសណីយ៍ ។
ប្រភពព័ត៌មានមិនទាន់ជាផ្លូវការបានបង្ហើបថា ការចាប់ឃាត់ទុកសារធាតុញៀនប្រមាណ៩០គីឡូក្រាម គឺធ្វើឡើងតាមរយៈគណៈកម្មការមួយ ដែលបង្កើតឡើងដោយសមត្ថកិច្ចចម្រុះ មានមន្ទីរប្រឆាំងគ្រឿងញៀន កម្លាំងនាយកដ្ឋានសន្តិសុខផ្ទៃក្នុង សហការជាមួយមន្ត្រីគយ និងនាយកដ្ឋានបញ្ញើ នៃក្រសួងប្រៃសណីយ៍ ។
មិនទាន់មានព័ត៌មានបញ្ជាក់ជាផ្លូវការថា បញ្ញើសារធាតុញៀនជិត១០០គីឡូនោះ ត្រូវឈ្មួញគ្រឿងញៀនផ្ញើចេញពីប្រទេសកម្ពុជា ទៅក្រៅប្រទេស ឬផ្ញើពីក្រៅប្រទេសចូលមកកម្ពុជានោះទេ ព្រោះពេលនេះ សមត្ថកិច្ចកំពុងធ្វើការស្រាវជ្រាវស្វែងរកចាប់ខ្លួនម្ចាស់បញ្ញើ ។
លោកនាយឧត្តមសេនីយ៍ ម៉ក់ ជីតូ អគ្គស្នងការរងនគរបាលជាតិ ទទួលការងារប្រយុទ្ធប្រឆាំងគ្រឿងញៀនក្រសួងមហាផ្ទៃ ដែលកំពុងជាប់បេសកម្មនៅខេត្តក្រចេះ-ស្ទឹងត្រែង បញ្ហាគ្រោះមហន្តរាយដោយទឹកជំនាន់ បានមានប្រសាសន៍តាមទូរស័ព្ទ កាលពីព្រឹកថ្ងៃទី១០ សីហា នេះថា ពិតជាមានការចាប់ឃាត់ទុកសារធាតុគ្រឿងញៀនជិត១០០គីឡូនោះមែន ។
ព័ត៌មានលម្អឹតនឹងមានផ្សាយជូនបន្តលើទំព័រកាសែតកោះសន្តិភាព ។
ចែករំលែកព័តមាននេះ