ខេត្តព្រះសីហនុ ៖ សេចក្តីរាយការណ៍បឋមឱ្យដឹងថា គ្រោះថ្នាក់ចរាចរណ៍មួយដ៏រន្ធត់ កើតឡើងកាលពីវេលាម៉ោង០៩ព្រឹកថ្ងៃទី១០ សីហា ស្ថិតតាមបណ្តោយផ្លូវជាតិលេខ៤ ត្រង់ចន្លោះគីឡូម៉ែត្រលេខ 142-143 ក្នុងភូមិចំការហ្លួង ឃុំចំការហ្លួង ស្រុកកំពង់សីលា ខេត្តព្រះសីហនុ រវាងរថយន្ត២គ្រឿងបុកគ្នាយ៉ាងពេញទំហឹង ក្នុងទិសដៅស្របគ្នាពីខេត្តព្រះសីហនុ ទៅរាជធានីភ្នំពេញ ។
យោងរបាយការណ៍ពីកងរាជអាវុធហត្ថស្នាក់ការសន្តិសុខ៤០២ និងនគរបាលមូលដ្ឋានស្រុកកំពង់សីលាបញ្ជាក់ដែរថា រថយន្តមួយគ្រឿង គឺម៉ាកឡិចសុិសRX300 ពណ៌.ស្ករ ពាក់ស្លាកលេខភ្នំពេញ 2AH-7993 អ្នកបើកបរឈ្មោះ ឡុង ចាន់បូលី ភេទប្រុស អាយុ៣៩ឆ្នាំ រស់នៅ ភូមិក្បាលស្ពាន1ឃុំប៉ោយប៉ែត ស្រុកប៉ោយប៉ែត ខេត្តបន្ទាយមានជ័យ បានបុកពីក្រោយរថយន្តកូរ៉ូឡា ពាក់ស្លាកលេខ ព្រះសីហនុ2A-5283 អ្នកបើកបរឈ្មោះ គង់ សំរិទ្ធ ភេទប្រុស អាយុ៣៦ឆ្នាំ រស់ភូមិ៥សង្កាត់៤ ក្រុងព្រះសីហនុខេត្តព្រះសីហនុ បណ្តាលឱ្យធ្លាក់ចេញពីផ្លូវចូលទៅព្រៃ ។
សេចក្តីរាយការណ៍បន្តទៀតថា ប៉ុន្តែក្នុងហេតុការណ៍នេះ គឺមិនមានប៉ះពាល់ដល់អាយុជីវិតមនុស្ស និងទ្រព្យសម្បត្តិសាធារណៈនោះឡើយ ។ រថយន្តទាំងពីរគ្រឿងខាងលើ ត្រូវបានកម្លាំងជំនាញនៃអធិការដ្ឋាននគរបាលស្រុកកំពង់សីលា កំពុងធ្វើការតាមនិតិវិធីតាមជាក់ស្តែង ។
ចែករំលែកព័តមាននេះ