ប្រទេសម៉ាឡេស៊ី ៖ អតីតនាយករដ្ឋមន្ត្រីម៉ាឡេស៊ីលោកណាជីបរ៉ាហ្សាក់ កាលពីថ្ងៃទី៨សីហា បានទទួលរងការចោទប្រកាន់ថ្មីៗ ពីការពង្វាងយកប្រាក់ពីបណ្ដាមូលនិធិ ក្នុងក្របខណ្ឌនៃរឿងអាស្រូវហិរញ្ញវត្ថុដ៏ធំ ខណៈលោកទទួលការចោទប្រកាន់រួចហើយពីបទរំលោភបំពានលើសេចក្ដីទុកចិត្ត បន្ទាប់ពីលោកបាត់បង់អំណាច ក្រោយការបោះឆ្នោតកាលពីខែឧសភា។…
ប្រទេសម៉ាឡេស៊ី ៖ អតីតនាយករដ្ឋមន្ត្រីម៉ាឡេស៊ីលោកណាជីបរ៉ាហ្សាក់ កាលពីថ្ងៃទី៨សីហា បានទទួលរងការចោទប្រកាន់ថ្មីៗ ពីការពង្វាងយកប្រាក់ពីបណ្ដាមូលនិធិ ក្នុងក្របខណ្ឌនៃរឿងអាស្រូវហិរញ្ញវត្ថុដ៏ធំ ខណៈលោកទទួលការចោទប្រកាន់រួចហើយពីបទរំលោភបំពានលើសេចក្ដីទុកចិត្ត បន្ទាប់ពីលោកបាត់បង់អំណាច ក្រោយការបោះឆ្នោតកាលពីខែឧសភា។
នៅមុខតុលាការក្រុងគូឡាឡាំពួរមួយ លោកណាជីប ទទួលការចោទប្រកាន់៣ករណីទៀតពីបទពង្វាងយកប្រាក់៤២លានរីងហ្គីតប្រមាណជា៨,៩លានអឺរ៉ូ។ លោកបានបដិសេធការចោទប្រកាន់ទាំងនោះ ខណៈបទចោទប្រកាន់និមួយៗអាចឲ្យលោកជាប់គុក១៥ឆ្នាំ។
បទចោទប្រកាន់ថ្មីៗបន្ថែមលើបទចោទប្រកាន់រំលោភបំពានលើសេចក្ដីទុកចិត្ត ដែលលោកទទួលកាលពីខែកក្កដា។
អតីតនាយករដ្ឋមន្ត្រីអាយុ៦៥ឆ្នាំរូបនេះជាប់សង្ស័យពង្វាងយកប្រាក់សរុបប្រមាណជា៦៤០លានអឺរ៉ូ។ការឆែកឆេរនានាអាចឲ្យគេរឹបអូសកាលពីខែមិថុនាជាពិសេសគ្រឿងអលំង្ការប្រមាណជា១២.០០០ក្នុងនោះមានខ្សែក១.៤០០និងចិញ្ចៀន២.២០០វង់។ការរឹបអូសក៏មាននាឡិកា៤២៣មានតម្លៃ៧៨លានរីងហ្គីតប្រមាណ១៧លានអឺរ៉ូព្រមទាំងវ៉ែនតាទំនើបៗ២៣៤៕
ចែករំលែកព័តមាននេះ