សហរដ្ឋអាមេរិក ៖ យោងតាមតួលេខនានាចេញផ្សាយដោយអាជ្ញាធរថា ភ្លើងឆេះព្រៃនៅតំបន់ MENDOCINO CONPLEX នាភាគខាងជើងរដ្ឋកាលីហ្វ័រនីញ៉ា កាលពីថ្ងៃទី៦សីហា ២០១៨ ឈានទៅក្លាយជាភ្លើងឆេះព្រៃធំបំផុតជាប្រវត្តិសាស្ត្រនៃរដ្ឋនោះ។…
សហរដ្ឋអាមេរិក ៖ យោងតាមតួលេខនានាចេញផ្សាយដោយអាជ្ញាធរថា ភ្លើងឆេះព្រៃនៅតំបន់ MENDOCINO CONPLEX នាភាគខាងជើងរដ្ឋកាលីហ្វ័រនីញ៉ា កាលពីថ្ងៃទី៦សីហា ២០១៨ ឈានទៅក្លាយជាភ្លើងឆេះព្រៃធំបំផុតជាប្រវត្តិសាស្ត្រនៃរដ្ឋនោះ។
តាមតុល្យការចុងក្រោយរបស់ក្រុមពន្លត់ភ្លើងកាលីហ្វ័រនីញ៉ាថា ភ្លើងឆេះព្រៃនៅតំបន់MENDOCINO CONPLEX បានបំផ្លាញព្រៃឈើដល់ទៅ១១០.៧៤៨ហិកតា គឺស្មើនឹងផ្ទៃដីទីក្រុងឡូសអេនចឺឡេសទាំងមូល។
បន្ទាប់ពីមានទំហំធំជាងភ្លើងឆេះព្រៃនៅតំបន់ CEDAR ដែលបំផ្លាញព្រៃឈើអស់១១០.៥៧៩ហិកតាកាលពីខែតុលា ឆ្នាំ២០០៣ ភ្លើងឆេះព្រៃនៅ MENDOCINO CONPLEXកំពុងឈានទៅមានទំហំធំជាងភ្លើងឆេះព្រៃ នៅតំបន់THOMASដែលព្រៃឈើទំហំ១១៤.០៧៨ហិកតារងការបំផ្លាញកាលពីឆ្នាំ២០១៧។ ទោះជាយ៉ាងណា ភ្លើងឆេះព្រៃនៅ MENDOCINO CONPLEXពុំសូវមានលក្ខណៈបំផ្លិចបំផ្លាញដូចភ្លើងឆេះព្រៃនៅតំបន់CARR ភាគខាងជើងរដ្ឋនោះដែរឡើយ។ ភ្លើងឆេះព្រៃនៅទីនោះសម្លាប់មនុស្ស៧នាក់ ហើយបំផ្លាញអគារ១.៦០០។
អ្នកពន្លត់ភ្លើងជាង១៤.០០០នាក់នាថ្ងៃទី៦សីហា បានតតាំងជាមួយភ្លើង នៅតាមកន្លែងផ្សេងៗក្នុងរដ្ឋកាលីហ្វ័រនីញ៉ាដែលមានភ្លើងឆេះព្រៃសរុបដល់ទៅ១៥កន្លែង ខណៈធាតុអាកាសក្ដៅហែងនិងរាំងស្ងួត។មន្ទីរប៉ង់តាហ្គោនប្រកាសនាថ្ងៃទី៦សីហាពីការបញ្ជូនទាហាន២០០នាក់ ទៅកាន់ភាគខាងលិចសហរដ្ឋអាមេរិក ដើម្បីជួយដល់ពួកអ្នកពន្លត់ភ្លើង៕
ចែករំលែកព័តមាននេះ