ខេត្តកណ្ដាល ៖ កម្លាំងនគរបាលផ្នែកប្រឆាំងគ្រឿងញៀន និងនគរបាលផ្នែកព្រហ្មទណ្ឌនៃអធិការដ្ឋាននគរបាលស្រុកអង្គស្នួលព្រមទាំងនគរបាលប៉ុស្តិ៍បែកចានបានធ្វើការចាប់ខ្លួនជនសង្ស័យចំនួន៣នាក់ ដោយដកហូតបានថ្នាំញៀនចំនួន៣កញ្ចប់ និងកាំភ្លើងខ្លី១ដើម ព្រមទាំង សម្ភារមួយចំនួនទៀតផងដែរ ។ ការចាប់ខ្លួននោះបានធ្វើឡើងកាលពីវេលាម៉ោង៣និង៣០នាទី…
ខេត្តកណ្ដាល ៖ កម្លាំងនគរបាលផ្នែកប្រឆាំងគ្រឿងញៀន និងនគរបាលផ្នែកព្រហ្មទណ្ឌនៃអធិការដ្ឋាននគរបាលស្រុកអង្គស្នួលព្រមទាំងនគរបាលប៉ុស្តិ៍បែកចានបានធ្វើការចាប់ខ្លួនជនសង្ស័យចំនួន៣នាក់ ដោយដកហូតបានថ្នាំញៀនចំនួន៣កញ្ចប់ និងកាំភ្លើងខ្លី១ដើម ព្រមទាំង សម្ភារមួយចំនួនទៀតផងដែរ ។
ការចាប់ខ្លួននោះបានធ្វើឡើងកាលពីវេលាម៉ោង៣និង៣០នាទី នៅចំណុចនៅក្នុងបន្ទប់ជួល ដែលមានទីតាំងស្ថិតនៅក្នុងភូមិបែកចានឃុំ បែកចាន ស្រុកអង្គស្នួល ខេត្តកណ្តាល ។
យុវជនដែលជាជនសង្ស័យទាំង៣នាក់នោះរួមមាន១-ឈ្មោះ សោម សុភា អាយុ២២ឆ្នាំ ជនជាតិខ្មែរ ២-ឈ្មោះ សុរៈ ថាវនខេមរិន្ទ អាយុ១៨ឆ្នាំ ជនជាតិខ្មែរ ៣-ឈ្មោះ ផល ចាន់សុផាន់ណារី អាយុ១៦ឆ្នាំ ជនជាតិខ្មែរ អ្នកទាំង៣នាក់នេះមានទីលំនៅក្នុងភូមិបែកចាន ឃុំបែកចាន ស្រុកអង្គស្នួល ខេត្តកណ្តាល ។ ខណៈនោះនគរបាលដកហូតបានគ្រឿងញៀនចំនួន០៣កញ្ចប់មធ្យម ,ទូរស័ព្ឌដៃណូគាចុចពិលចំនួន០៣គ្រឿង , អាវុធខ្លី១ដើមម៉ាក(PIETRO BERETTA)ប្រើហ្គាស់បាញ់គ្រាប់កង់មានគ្រាប់ចំនួន០៨គ្រាប់ និងបង់ចំនួន០២ , ម៉ូតូម៉ាកហុងដាឌ្រីម សេ១១០ ពណ៌ខ្មៅ ស៊េរីឆ្នាំ២០១២ពីរគ្រឿង ក្នុងនោះ១គ្រឿង ពណ៌ខ្មៅពាក់ស្លាកលេខបាត់ដំបង 1L-3315 និង០១គ្រឿងទៀត ពណ៌ខ្មៅដូចគ្នាពាក់ស្លាកលេខភ្នំពេញ 1FA- 7467 ឧបករណ៌ប្រើប្រាស់ថ្នាំញៀន និងថង់សម្រាប់វេចខ្ចប់ថ្នាំញៀនមួយចំនួនទៀតផងដែរ ។
តាមប្រភពព័ត៌មានបានឲ្យដឹងថា នៅមុនពេលចាប់ខ្លួនជនសង្ស័យទាំង៣នាក់នោះកម្លាំងនគរបាលខាងលើបានចេញល្បាតពួនស្ទាក់បទល្មើសនៅក្នុងមូលដ្ឋាន ហើយបានទទួលព័ត៌មានពីប្រជាពលរដ្ឋលួចខ្សឹបប្រាប់ថា បានឃើញជនសង្ស័យខាងលើកំពុងប្រមូលផ្ដុំគ្នានៅក្នុងបន្ទប់ផ្ទះជួលមួយកន្លែង ។ ខណៈនោះកម្លាំងក៏បានចុះទៅធ្វើការចាប់ខ្លួនបាន ព្រមទាំងដកហូតវត្ថុតាងខាងលើ និងនាំទៅសាកសួរ ដើម្បីកសាងសំណុំរឿងចាត់ការតាមច្បាប់ ៕
ចែករំលែកព័តមាននេះ