ក្រុមអ្នកសង្កេតការណ៍និយាយថា…មិនមែនអត់ទាំងស្រុងទេ…មានដែរ តាមរយៈរថយន្តតូចៗ…រឿងតាមរថយន្តយក្សធុនយីឌុបរបស់ក្រុមឧកញ៉ា…មិនមានសកម្មភាពទេ…សុំផ្អាកមួយដង្ហើមចង្រិតសិន ។
ក្រោយការបោះឆ្នោតចប់ភ្លាម…ប្រភពពីខេត្តមណ្ឌលគិរីផ្លោងសម្តីថា…បានឃើញឧកញ៉ាឈ្មួញឈើ២-៣នាក់ លេចមុខទៀតហើយ ។ ឧកញ៉ាឈ្មួញឈើធំខ្លះនោះ មានឈ្មោះដេញថ្លៃឈើបាន…តាមទំហំដឹកទៅស្រុកយួន ទំនងដឹកអស់ហើយ…ដែលកន្លងមកដឹកមិនចេះអស់…ចេះតែលេចឮថា ដឹកមិនទាន់អស់…សង្ស័យរៀបជើងព្រួលប្រមូលដឹកទៀតហើយ ។
ក្រុមអ្នកតាមដានតាមដងផ្លូវជាតិលេខ៧…ពីខេត្តត្បូងឃ្មុំទៅខេត្តមណ្ឌលគិរីនិយាយថា…ឈើមិនអាចដឹកចេញបានទេ តាមខេត្តត្បូងឃ្មុំ…និងតាមខេត្តក្រចេះ…។ ប៉ុន្តែបើដឹកចេញតាមច្រកអូរយ៉ាដាវ…របូតរលូតគ្រប់ពេល…ព្រោះមន្ត្រីច្រកទ្វារច្រើនស្ថាប័ន នៅទីនោះចិត្តបានណាស់…ចិត្តល្អគួរឱ្យឈ្មួញឈើទាំងឡាយរាប់អាន…ទុកចិត្តទុកថ្លើម ។
អុីចឹងបានឡានតូចៗដឹកឈើចេញហូរហែ…លើកលែងតែថ្ងៃបោះឆ្នោតប៉ុណ្ណោះ ។ ថ្ងៃមុនឈ្មួញឈើច្រានទ្រូងមេព្រៃម្នាក់ចង់ដាច់ផ្ងារ…ព្រោះធ្លាប់ស៊ីថ្ងៃមុន រឿងអីចាប់អញថ្ងៃនេះ ? ធ្លាប់ស៊ី ធ្លាប់ស្គាល់…ម៉េចចាប់ ?…ហេ ! ហេ !
ចែករំលែកព័តមាននេះ