រាជធានីភ្នំពេញ ៖ សេចក្តីរាយការណ៍បឋមឱ្យដឹងថា ជនសង្ស័យ២នាក់ ត្រូវប្រជាពលរដ្ឋចាប់បានភ្លាមៗ ពេលកំពុងធ្វើសកម្មភាពគាស់តាមបន្ទប់ជួលរបស់កម្មកររោងចក្រ ដោយបាននាំគ្នាវាយទាត់ធាក់ម្នាក់មួយដៃម្នាក់មួយជើងតាមកំហឹងស្ទើរតែស្លាប់ កើតឡើងកាលពីវេលាម៉ោង០៤ និង៣០នាទីរសៀលថ្ងៃទី០៤ និង១៥នាទីរសៀលថ្ងៃទី០២ សីហា នេះ ស្ថិតនៅក្បែររោងចក្រ QMI ក្នុងភូមិត្រពាំងពោធិ៍ សង្កាត់ចោមចៅ៣ ខណ្ឌពោធិ៍សែនជ័យ ។
សេចក្តីរាយការណ៍បន្តថា ជនសង្ស័យទាំង២នាក់ មិនទាន់ត្រូវបានស្គាល់ឈ្មោះនោះទេ ព្រោះបានបញ្ជូនទៅសមត្ថកិច្ចចាត់ការបន្ត ក្រោយនាំគ្នាវាយអស់ចិត្ត ។ ប្រភពបន្តថា នៅមុនពេលកើតហេតុ ជនសង្ស័យទាំង២នាក់ បានធ្វើសកម្មភាពដោយមានកាន់សោជាច្រើនទៅចាក់សាកគ្រប់បន្ទប់ជួល ដើម្បីចូលលួចទ្រព្យសម្បត្តិ ។ តែពេលនោះ ក៏មានអ្នកឃើញបានស្រែកផ្អើលឆោឡើងនាំគ្នាព័ទ្ធចាប់បានតែម្តង ។
នេះសំណាងហើយ ដែលពលរដ្ឋវាយមិនស្លាប់នោះ ព្រោះកន្លងមក នៅពេលចាប់ចោរបានម្តង ពួកគាត់មានកំហឹងខ្លាំងទប់លែងជាប់ ដោយវាយរហូតស្លាប់តែម្តង ។
ចែករំលែកព័តមាននេះ