របរ​នេះក្នុង​១​ឆ្នាំ​រកចំណូលដល់​ខ្ទង់ពាន់​លាន​ដុល្លារ​


របរ​ពេស្យាចារ​នៅ​ប្រទេស​ជប៉ុន​បាន​រីកសាយ​ពេញ​ប្រទេស​រាប់រយ​ឆ្នាំ​មក​ហើយ​បើ​ទោះបីជា​មានច្បាប់​ហាមឃាត់​នៅ​ឆ្នាំ​១៩៥៦ ក្តី​។ ច្បាប់​នោះ​ចែង​ថា​៖ «​គ្មាន​នរណា​ម្នាក់​អាច​ធ្វើ​ពេស្យាចារ ឬ​ធ្វើ​ជា​អតិថិជន​ឡើយ​» ។

ដោយសារ​តែ​ច្បាប់​ធូររលុង​នៅ​ទីបំផុត​ឧស្សាហកម្ម​សិច​ក៏​រីក​រាលដាល​ពេញ​ផ្ទៃ​ប្រទេស​ហើយ​រក​ចំណូល​ប្រហែល​២៤​ពាន់​លាន​ដុល្លារ ក្នុង​១​ឆ្នាំ ឬ​ច្រើន​ជាង​នេះ ។ នៅ​ក្នុង​ប្រទេស​ជប៉ុន «​ឧស្សាហកម្ម​ផ្លូវភេទ​» មាន​ន័យ​ថា សីលធម៌​ទី​សាធារណៈ តែ​មិន​មាន​ន័យ​ស្រ​ដៀង​នឹង​ពាក្យ​ពេស្យាចារ​ឡើយ ចាប់តាំងពី​ច្បាប់​ប្រទេស​ជប៉ុន​បាន​កំណត់​និយម​ន័យ​ពេស្យាចារ​ថា​ជា «​ការ​រួម​ភេទ​ជាមួយ​បុគ្គល​ដែល​មិន​ស្គាល់​អត្តសញ្ញាណ​ដើម្បី​ជា​ថ្នូរ​នឹង​ប្រាក់​» ។

យ៉ាងណា​ក៏​ដោយ​ការ​ស្ទង់​មតិ​ដោយ​អង្គការ MiW និង​មជ្ឈមណ្ឌល​ជាតិ​អប់រំ​ស្ត្រី​របស់​ជប៉ុន​ហៅ​កាត់ NWECJ រក​ឃើញ​ថា​នៅ​ចន្លោះ​ពី ២០% និង​៤០%​នៃ​បុរស​ជប៉ុន​បាន​ចំណាយ​លុយ​ដើម្បី​ចូល​ផ្ទះបន ។ ទន្ទឹម​គ្នា​នេះ​ដែរ​របាយការណ៍​ឆ្នាំ​២០០៣ បង្ហាញ​ថា ស្ត្រី​មិនមែន​ជា​ជនជាតិ​ជប៉ុន​ចំនួន​១៥០.០០០​នាក់​បាន​ពាក់ព័ន្ធ​នឹង​ពេស្យាចារ​ផ្លូវភេទ​ក្នុង​ប្រទេស​ជប៉ុន ។

យោង​តាម​ទីភ្នាក់ងារ​ប៉ូលិស​ជាតិ​ឱ្យ​ដឹង​ថា មនុស្ស​មិនមែន​ជា​ជនជាតិ​ជប៉ុន​៥០​នាក់​ត្រូវ​បាន​ចាប់ខ្លួន​ពី​បទ​ពេស្យាចារ​ក្នុង​ឆ្នាំ​២០១៣ ក្នុង​នោះ​មាន​៣១​នាក់​ជា​ជនជាតិ​ចិនដី​គោក ១៣ នាក់​ជា​កូរ៉េ និង​៤​នាក់​ជា​ជនជាតិ​ថៃ ។

របរ​ពេស្យាចារ​បាន​កើត​មាន​រាប់រយ​ឆ្នាំ​មក​ហើយ គឺ​នៅ​សតវត្សរ៍​ទី​១៧ ក្នុង​ក្រុង Edo បច្ចុ​ប្បន្ន​ក្រុង​តូ​ក្យូ ។ ក្រោយមក​ច្បាប់​មួយ​ក៏​ត្រូវ​បាន​អនុម័ត​ដែល​តម្រូវ​ឱ្យ​ស្រី​ពេស្យាចារ​ចុះ​បញ្ជី និង​ធ្វើការ​នៅ​កន្លែង​មាន​សុវត្ថិភាព​ត្រឹមត្រូវ​ដែល​ជា​គោលបំណង​ប្រមូល​ពន្ធ​ចូល​រដ្ឋ​តាម​រយៈ​ផ្លូវភេទ ។ ដោយសារ​តែ​ជប៉ុន​ស្ថិត​នៅ​ចំណាត់ថ្នាក់​កំពូល​ជា​ក្រុង​ពាណិជ្ជ​កម្ម និង​ឧស្សាហកម្ម​ក្នុង​ចំណោម​ក្រុង​កំពូល​ទាំង ៥ ក្នុង​លោក ដូច្នេះ​ទើប​របរ​ពេស្យាចារ​បន្ត​រីក​លូតលាស់​ពី​មួយ​ឆ្នាំទៅ​មួយ​ឆ្នាំ​ក្នុង​ក្រុង​តូ​ក្យូ ៕

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ