រាជធានីភ្នំពេញ ៖ ការពិតសំខាន់ៗមួយចំនួនដែលប្រជាពលរដ្ឋត្រូវយល់ដឹងនោះ គឺជំងឺមហារីកជាជំងឺធ្ងន់ធ្ងរដែលតម្រូវឲ្យមានការត្រួតពិនិត្យសុខភាពជាប្រចាំ ដើម្បីកំណត់រកមើលរោគវិនិច្ឆ័យឲ្យទាន់ពេលវេលា ព្រោះវាជួយឲ្យគ្រូពេទ្យរកឃើញជំងឺនេះនៅដំណាក់ដំបូងៗ និងការព្យាបាលអាចជាសះស្បើយ ព្រោះការពិនិត្យព្យាបាលនៅដំណាក់កាលធ្ងន់ធ្ងរ គឺបានត្រឹមតែពន្យាពេលវេលាណាមួយនោះតែប៉ុណ្ណោះ ។…
រាជធានីភ្នំពេញ ៖ ការពិតសំខាន់ៗមួយចំនួនដែលប្រជាពលរដ្ឋត្រូវយល់ដឹងនោះ គឺជំងឺមហារីកជាជំងឺធ្ងន់ធ្ងរដែលតម្រូវឲ្យមានការត្រួតពិនិត្យសុខភាពជាប្រចាំ ដើម្បីកំណត់រកមើលរោគវិនិច្ឆ័យឲ្យទាន់ពេលវេលា ព្រោះវាជួយឲ្យគ្រូពេទ្យរកឃើញជំងឺនេះនៅដំណាក់ដំបូងៗ និងការព្យាបាលអាចជាសះស្បើយ ព្រោះការពិនិត្យព្យាបាលនៅដំណាក់កាលធ្ងន់ធ្ងរ គឺបានត្រឹមតែពន្យាពេលវេលាណាមួយនោះតែប៉ុណ្ណោះ ។
លោកវេជ្ជបណ្ឌិត អ៊ាវ សុខា ប្រធានផ្នែកមហារីក និងជំងឺឈាមនៃមន្ទីរពេទ្យកាល់ម៉ែត ថ្លែងប្រាប់សារព័ត៌មានកោះសន្តិភាពអំពីវិធីបង្ការជំងឺមហារីកដូចខាងក្រោមនេះ។
១- កុំពិសាថ្នាំជក់គ្រប់ប្រភេទ ៖ ការប្រើថ្នាំជក់គ្រប់ប្រភេទធ្វើឱ្យអ្នកមានការប៉ះទង្គិចជាមួយជំងឺមហារីក។ ការជក់បារីត្រូវបានផ្សាភ្ជាប់ទៅនឹងប្រភេទផ្សេងៗនៃជំងឺមហារីករួមមានជំងឺមហារីកសួត មាហារីកមាត់ស្បូន មហារីកបំពង់ក មហារីកលំពែងជាដើម។
ទោះបីជាអ្នកមិនប្រើថ្នាំជក់ក៏ដោយ ការប៉ះពាល់នឹងផ្សែងបារីអាចបង្កើនហានិភ័យនៃជំងឺមហារីកសួត។ ជៀសវាងថ្នាំជក់ – ឬសម្រេចចិត្តឈប់ប្រើវា – គឺជាការសម្រេចចិត្តដ៏សំខាន់បំផុតដែលអ្នកអាចធ្វើបាន។ វាក៏ជាផ្នែកមួយដ៏សំខាន់នៃការបង្ការជំងឺមហារីក។ ប្រសិនបើអ្នកត្រូវការជំនួយក្នុងការឈប់ជក់បារី ចូរសួរគ្រូពេទ្យអំពីផលិតផលឈប់ជក់បារី និងយុទ្ធសាស្ត្រផ្សេងទៀតដើម្បីឈប់ជក់បារី។
២ – ទទួលទានអាហារដែលមានសុខភាពល្អ ៖ ទោះបីជាការទទួលទានអាហារដែលមានសុខភាពល្អ ពុំអាចធានានូវការការពារជំងឺមហារីកបាន ១០០% ក៏ពិតមែន តែវាពិតជាអាចជួយលោកអ្នកកាត់បន្ថយហានិភ័យនៃការកើតបាន។
ដូច្នេះសូមទទួលទានបន្លែ និងផ្លែឈើឲ្យបានច្រើន, កុំបណ្តោយឲ្យធាត់ តាមរយៈការមិនទទួលទានផ្អែមពេក ជ្រើសរើសអាហារដែលមានកាឡូរីតិចជាងមុន រួមទាំងស្ករចម្រាញ់និងជាតិខ្លាញ់ពីប្រភពសត្វ។
អ្នកត្រូវកាត់បន្ថយឲ្យបាននូវការទទួលទាន់សាច់កែច្នៃ។ ព្រោះការទទួលទានសាច់កែច្នៃច្រើន អាច បង្កើនហានិភ័យនៃជំងឺមហារីកមួយចំនួន ។ លើសពីនេះទៀត ស្ត្រីដែលញ៉ាំអាហារមេឌីទែរ៉ាណេ (ប្រភេទអាហារដែលមានមូលដ្ឋានលើរុក្ខជាតិដូចជា ផ្លែឈើ និងបន្លែគ្រាប់ធញ្ញជាតិត្នោតនិងគ្រាប់) ដែលត្រូវបានបំពេញបន្ថែមជាមួយនឹងប្រេងអូលីវ និងវីហ្គ្រីនជាដើម អាចមានការថយចុះហានិភ័យ នៃជំងឺមហារីកសុដន់។ អ្នកដែលធ្វើតាមរបបអាហារមេឌីទែរ៉ាណេជ្រើសរើសខ្លាញ់ដែលមាន សុខភាពល្អដូចជាប្រេងអូលីវជាងប៊ឺ និងត្រីជំនួសឱ្យសាច់ក្រហម។
៣ – កុំពិសាគ្រឿងស្រវឹង ៖ ប្រសិនបើអ្នកជ្រើសរើសទទួលទានស្រា ចូរទទួលទានក្នុងកម្រិតតិចតួចបានហើយ។ ហានិភ័យប្រភេទផ្សេងៗនៃជំងឺមហារីក – រួមទាំងមហារីកសុដន់, ពោះវៀនធំ, សួត, តំរងនោម និងថ្លើមជាដើម – កើនឡើងជាមួយនឹងបរិមាណជាតិអាល់កុលដែលអ្នកផឹក និងរយៈពេលនៃការទទួលទានជាតិអាកុលទៀងទាត់របស់លោកអ្នក។
៤ – ថែរក្សាទំងន់ឲ្យមានសុខភាពល្អ និងមានកាយសម្បទារឹងមាំ ៖ ចូរធ្វើសកម្មភាពរាងកាយ និងហាត់ប្រាណអោយបានជាប់លាប់ ដើម្បីធ្វើយ៉ាងណាអោយសុខភាពល្អ និងមានរាងកាយមាំមួយ។ វាមិនត្រឹមតែជួយអ្នកឲ្យមានសមត្ថភាពខ្លាំងនៅក្នុងការប្រឆាំងជំងឺផ្សេងៗទេ។ វាថែមទាំងអាចជួយកាត់បន្ថយការកើតជំងឺមហារីកផងដែរ។
៥ – ចាក់វ៉ាក់សាំងប្រឆាំងវីរុស HPV (Human papillomavirus) និងវីរុសរលាកថ្លើមប្រភេទបេ ៖ ដើម្បីការពារជំងឺមហារីក សម្រាប់មនុស្សស្រីគួរចាក់វ៉ាក់សាំងប្រឆាំងវីរុស HPV និងវីរុសរលាកថ្លើមប្រភេទបេ៕
អត្ថបទនេះនាំជូនមកដោយក្រុមហ៊ុនធានារ៉ាប់រងជីវិត AIA
ចែករំលែកព័តមាននេះ