រាជធានីភ្នំពេញ ៖ ស្ត្រីជនជាតិចិនម្នាក់មិនស្គាល់អត្តសញ្ញាណដើរតាមផ្លូវមាត់ទន្លេត្រូវជនសង្ស័យ២នាក់ជិះម៉ូតូហុងដាឌ្រីម ធ្វើសកម្មភាពឆក់កាបូបមិនបានសម្រេច ហើយជនរងគ្រោះទាញជនសង្ស័យជាអ្នកឆក់ធ្លាក់ពីលើម៉ូតូត្រូវប្រជាពលរដ្ឋនាំគ្នាឃាត់បានម្នាក់ យកទៅប្រគល់ឲ្យសមត្ថកិច្ចប៉ុស្តិ៍ផ្សារកណ្តាល១ ហេតុការណ៍នេះកើតឡើងកាលពីវេលាម៉ោង១១និង២០នាទីយប់ ថ្ងៃទី១៩ ខែកក្កដា ឆ្នាំ២០១៨…
រាជធានីភ្នំពេញ ៖ ស្ត្រីជនជាតិចិនម្នាក់មិនស្គាល់អត្តសញ្ញាណដើរតាមផ្លូវមាត់ទន្លេត្រូវជនសង្ស័យ២នាក់ជិះម៉ូតូហុងដាឌ្រីម ធ្វើសកម្មភាពឆក់កាបូបមិនបានសម្រេច ហើយជនរងគ្រោះទាញជនសង្ស័យជាអ្នកឆក់ធ្លាក់ពីលើម៉ូតូត្រូវប្រជាពលរដ្ឋនាំគ្នាឃាត់បានម្នាក់ យកទៅប្រគល់ឲ្យសមត្ថកិច្ចប៉ុស្តិ៍ផ្សារកណ្តាល១ ហេតុការណ៍នេះកើតឡើងកាលពីវេលាម៉ោង១១និង២០នាទីយប់ ថ្ងៃទី១៩ ខែកក្កដា ឆ្នាំ២០១៨ នៅចំណុចមាត់ទន្លេ ស្ថិតនៅក្នុងសង្កាត់ផ្សារកណ្តាល១ ខណ្ឌដូនពេញ ។
ជនសង្ស័យដែលឃាត់ខ្លួនបានមានឈ្មោះ គឹម វណ្ណះ ភេទប្រុស អាយុ២៣ឆ្នាំ មុខរបរមិនពិតប្រាកដស្នាក់នៅផ្លូវ៥៣ សង្កាត់ផ្សារថ្មី៣ ខណ្ឌដូនពេញ ។ ចំណែកជនសង្ស័យដែលរត់គេចខ្លួនមានឈ្មោះ ឆៃ ។
សាក្សីដែលឃើញហេតុការណ៍បានឲ្យដឹងថា មុនពេលកើតហេតុគេបានឃើញស្ត្រីជនជាតិចិនម្នាក់កំពុងដើរតាមផ្លូវព្រះស៊ីសុវត្ថិក្នុងទិសដៅពីជើងទៅត្បូង ខណៈពេលដើរមកដល់ចំណុចកើតហេតុខាងលើក៏ស្រាប់តែលេចមុខជនសង្ស័យ២នាក់ ជិះម៉ូតូមួយគ្រឿងម៉ាកហុងដាឌ្រីម ពណ៌ខ្មៅ សេរី២០១៧ មិនចាំស្លាកលេខបានធ្វើសកម្មភាពឆក់កាបូបពីស្ត្រីជនជាតិចិនមិនបានសម្រេច ហើយបម្រុងនឹងរត់គេចខ្លួនត្រូវបានជនរងគ្រោះទាញទម្លាក់ពីលើម៉ូតូធ្លាក់ជនសង្ស័យជាអ្នកឆក់ ចំណែកជនសង្ស័យដែលបើកម៉ូតូបានជិះម៉ូតូរត់គេចខ្លួនបាត់ស្រមោល ។ ភ្លាមៗនោះដែរប្រជាពលរដ្ឋនាំគ្នាចាប់វាយជនសង្ស័យមួយដៃមួយជើងបណ្តាលឲ្យរងរបួសយ៉ាងដំណំទើបប្រគល់ទៅឲ្យសមត្ថកិច្ចប៉ុស្តិ៍ផ្សារកណ្តាល១ ដើម្បីយកទៅសួរនាំ ។
ពេលទៅដល់ប៉ុស្តិ៍នគរបាលផ្សារកណ្តាលទី១ហើយ ជនសង្ស័យមិនបានឆ្លើយសារ ភាពប្រាប់សមត្ថកិច្ចថា ខ្លួនបានធ្វើសកម្មភាពឆក់នោះទេ គឺរូបគេទើបតែចេញមកពីផឹកស៊ីនៅហាងស៊ីវីឡៃ នៅផ្លូវ៥៣ សង្កាត់ផ្សារថ្មី៣ ខណ្ឌដូនពេញ ជាមួយមិត្តភក្តិ៤នាក់ទៀត រួចក៏ជិះម៉ូតូទៅដល់ម្តុំកន្លែងកើតហេតុផ្លូវព្រះស៊ីសុវត្ថិក្នុងទិសដៅពីជើងទៅត្បូង ស្រាប់តែទាក់ដៃចង្កូតគេ ហើយដួលត្រូវគេស្រែកថា ចោរៗតែម្តង ចំណែកឯមិត្តភក្តិឈ្មោះ ឆៃ នោះទើបតែស្គាល់គ្នាបានរយៈពេលកន្លះខែទេ ។
ក្រោយពេលកើតហេតុជនសង្ស័យត្រូវបានសមត្ថកិច្ចកសាងសំណុំរឿងបញ្ចូនខ្លួនទៅកាន់អធិការដ្ឋាននគរបាលខណ្ឌដូនពេញេះ ដើម្បីចាត់ការទៅតាមច្បាប់ ៕
ចែករំលែកព័តមាននេះ