រាជធានីភ្នំពេញ ៖ គណៈកម្មាធិការជាតិរៀបចំការបោះឆ្នោតហៅកាត់ថា«គ.ជ.ប» បានទទួលហិបឆ្នោតជាង១ម៉ឺន១ពាន់ហិប និងរថយន្ដប្រភេទភីកកាប់ ចំនួន៤០គ្រឿង ពីរដ្ឋាភិបាលជប៉ុនដូចតាមការចុះហត្ថលេខាកន្លងមក ។ ជំនួយជាសម្ភារនេះនឹងបម្រើឱ្យការបោះឆ្នោតជ្រើសតាំងតំណាងរាស្ត្រនីតិកាលទី៦ ឆ្នាំ២០១៨…
រាជធានីភ្នំពេញ ៖ គណៈកម្មាធិការជាតិរៀបចំការបោះឆ្នោតហៅកាត់ថា«គ.ជ.ប» បានទទួលហិបឆ្នោតជាង១ម៉ឺន១ពាន់ហិប និងរថយន្ដប្រភេទភីកកាប់ ចំនួន៤០គ្រឿង ពីរដ្ឋាភិបាលជប៉ុនដូចតាមការចុះហត្ថលេខាកន្លងមក ។ ជំនួយជាសម្ភារនេះនឹងបម្រើឱ្យការបោះឆ្នោតជ្រើសតាំងតំណាងរាស្ត្រនីតិកាលទី៦ ឆ្នាំ២០១៨ ដែលមានទឹកប្រាក់ស្មើនឹងជាងប្រាំពីរលានដុល្លារអាមេរិក ។ នេះបើតាមសេចក្តីប្រកាសព័ត៌មានរបស់ គ.ជ.ប កាលពីថ្ងៃទី១៤ ខែកក្កដា ឆ្នាំ២០១៨ ។
សេចក្តីប្រកាសព័ត៌មានបានបញ្ជាក់ថា សម្ភារដែលរាជរដ្ឋាភិបាលជប៉ុនបានប្រគល់ជូន គ.ជ.ប រួមមានហិបឆ្នោតចំនួន១១.០០០ហិប និងរថយន្តប្រភេទភីកអាប់(Pickup) ចំនួន៤០គ្រឿង ។ ជំនួយនេះបានកើតឡើង បន្ទាប់ពីមានការចុះហត្ថលេខាលើអនុស្សរណៈយោគយល់គ្នា ក្នុងទឹកប្រាក់៨០០លានយេន រវាងលោកប្រាក់ សុខុន ទេសរដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិជាមួយនឹងលោក ហៃដឺហ៊ីសា ហូរីនូឈី (H.E. Mr. Hiddehisa Horinouchi) ឯកអគ្គរាជទូតជប៉ុនប្រចាំនៅកម្ពុជា កាលពីថ្ងៃទី២១ ខែកុម្ភៈ ឆ្នាំ២០១៨ ។
តាមគ.ជ.បបានឲ្យដឹងដែរថា ជប៉ុនបានផ្ដល់ហិបឆ្នោតចំនួន១២.០០០ទៀតជាជំនួយតាំងពីឆ្នាំ១៩៩៨ ដែលកំពុងបន្តប្រើប្រាស់សម្រាប់ការបោះឆ្នោតនៅថ្ងៃទី២៩ ខែកក្កដាខាងមុខ ៕
ចែករំលែកព័តមាននេះ