រាជធានីភ្នំពេញ ៖ អ្នកបើកបររថយន្តកុងតឺន័រមួយគ្រឿងបើកបរខ្វះការប្រុងប្រយ័ត្នបើកកៀរខ្លោងទ្វារវត្តបណ្តាលឲ្យខូចខាតយ៉ាងធ្ងន់ធ្ងរ បង្កអោយមានការភ្ញាក់ផ្អើលកាលពីវេលាម៉ោង៧យប់ថ្ងៃទី១២ ខែកក្កដា ឆ្នាំ២០១៨ នៅចំណុចខ្លោងទ្វារវត្ត អរុណវតីកែង ផ្លូវជាតិលេខ៤ ដែលស្ថិតនៅភូមិអង្គកែវ…
រាជធានីភ្នំពេញ ៖ អ្នកបើកបររថយន្តកុងតឺន័រមួយគ្រឿងបើកបរខ្វះការប្រុងប្រយ័ត្នបើកកៀរខ្លោងទ្វារវត្តបណ្តាលឲ្យខូចខាតយ៉ាងធ្ងន់ធ្ងរ បង្កអោយមានការភ្ញាក់ផ្អើលកាលពីវេលាម៉ោង៧យប់ថ្ងៃទី១២ ខែកក្កដា ឆ្នាំ២០១៨ នៅចំណុចខ្លោងទ្វារវត្ត អរុណវតីកែង ផ្លូវជាតិលេខ៤ ដែលស្ថិតនៅភូមិអង្គកែវ សង្កាត់ចោមចៅ៣ ខណ្ឌពោធិ៍សែនជ័យ ។
តាមប្រភពព័ត៌មានពីប្រជាពលរដ្ឋនៅកន្លែងកើតហេតុបាននិយាយថា នៅមុនពេលកើតហេតុពួកគាត់បានឃើញរថយន្តកុងតឺន័រមួយគ្រឿង ពណ៌ស ពាក់ស្លាកលេខ ភ្នំពេញ ៣C-២៧០០ បើកបរដោយបុរសម្នាក់ក្នុងទិសដៅត្បូងទៅជើង បើកចេញពីផ្លូវជាតិលេខ៤ ចូលតាមខ្លោងទ្វារវត្តអរុណវតី ហើយបានបើកកៀរខ្លោងទ្វារវត្តផ្នែកខាងស្ដាំ បណ្តាលឲ្យខូចខាតយ៉ាងធ្ងន់ធ្ងរ បន្ទាប់មករថយន្តកុងតឺន័រខាងលើបានបើកចេញពីកន្លែងកើតហេតុ ហើយត្រូវបានអ្នករត់ម៉ូតូឌុបជួយឃាត់រថយន្តបង្ក រួចរាយការណ៍ប្តឹងទៅគណៈកម្មការវត្តភ្លាមៗផងដែរ។
ប្រភពព័ត៌មានបានបន្តទៀតថា បន្ទាប់ពីកើតហេតុ ភ្លាមៗនោះមានព្រះសង្ឃ និងលោកអាចារ្យគណៈ
កម្មការវត្តបានចុះទៅដើម្បីដោះស្រាយ ព្រមទាំងប្រជាការពារ រួមទាំងសមត្ថកិច្ចមកជួយអន្តរាគមន៍និងសម្របសម្រួលនៅកន្លែងកើតហេតុយ៉ាងច្រើនកុះករ ភ្លាមៗនោះភាគីខាងរថយន្តកុងតឺន័រមិនមានដំណោះស្រាយ ដើម្បីជួសជុលខ្លោងទ្វារវត្តដែលរងការខូចខាតយ៉ាងធ្ងន់ធ្ងរនោះឡើយ។
ក្រោយពេលកើតហេតុ ដោយភាគីរថយន្តកុងតឺន័រខាងលើមិនមានដំណោះស្រាយ មន្ត្រីជំនាញចរាចរណ៍ពោធិ៍សែនជ័យបានយករថយន្តកុងតឺន័រខាងលើទៅរក្សាទុករង់ចាំការដោះស្រាយនៅពេលក្រោយ ៕
ចែករំលែកព័តមាននេះ