រាជធានីភ្នំពេញ ៖ សំរាមនៅក្នុងប្រឡាយបឹងត្របែកដែលប្រជាពលរដ្ឋយកទៅបោះចោលរហូតមើលមិនឃើញទឹកក្នុងប្រឡាយនោះមកដល់ពេលនេះ ក្រោយពីមានការណែនាំពីលោកឃួង ស្រេងអភិបាលរាជធានីភ្នំពេញមកពេលនេះមន្ទីរសាធារណការ និងដឹកជញ្ជូនរាជធានីភ្នំពេញបានកាយ និងកើបដឹកចេញបានចំនួន១៥៤ឡានស្មើនឹងប្រមាណ៥០% នៃសំរាមក្នុងប្រឡាយហើយ ។ មន្ត្រីនៃមន្ទីរសាធារណការ…
រាជធានីភ្នំពេញ ៖ សំរាមនៅក្នុងប្រឡាយបឹងត្របែកដែលប្រជាពលរដ្ឋយកទៅបោះចោលរហូតមើលមិនឃើញទឹកក្នុងប្រឡាយនោះមកដល់ពេលនេះ ក្រោយពីមានការណែនាំពីលោកឃួង ស្រេងអភិបាលរាជធានីភ្នំពេញមកពេលនេះមន្ទីរសាធារណការ និងដឹកជញ្ជូនរាជធានីភ្នំពេញបានកាយ និងកើបដឹកចេញបានចំនួន១៥៤ឡានស្មើនឹងប្រមាណ៥០% នៃសំរាមក្នុងប្រឡាយហើយ ។
មន្ត្រីនៃមន្ទីរសាធារណការ និងដឹកជញ្ជូនរាជធានីភ្នំពេញបានឲ្យដឹងថា សំរាមនៅក្នុងប្រឡាយបឹងត្របែកដែលប្រជាពលរដ្ឋយកទៅបោះចោលក្នុងប្រឡាយនោះគិតត្រឹមថ្ងៃទី១១ កក្កដានេះ មន្ទីរសាធារណការ និងដឹកជញ្ជូនរាជធានីភ្នំពេញបានកាយប្រមូលសំរាមនៅប្រឡាយបឹងត្របែកបានចំនួន១៥៤ឡានស្មើនឹងប្រមាណ៥០% នៃសំរាមក្នុងប្រឡាយហើយ ដើម្បីរំដោះការលិចលង់ដោយជំនន់ទឹកភ្លៀងនៅរដូវវស្សានេះ ។
ជុំវិញបញ្ហានេះលោកសាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញធ្លាប់មានប្រសាសន៍ឲ្យដឹងថា ប្រឡាយបឹងត្របែកពិសេសនៅក្រោយស្ថានីយបឹងត្របែកត្រូវបងប្អូនប្រជាពលរដ្ឋយកសំរាមទៅបោះចោលរហូតមើលមិនឃើញទឹកក្នុងប្រឡាយទៅហើយ ដោយមើលឃើញពីបញ្ហាប្រឈមនេះមន្ទីរសាធារណការ និងដឹកជញ្ជូនរាជធានីភ្នំពេញក្រោមការណែនាំពីលោកឃួង ស្រេងអភិបាលរាជធានីភ្នំពេញបានឲ្យមន្ត្រីជំនាញដាក់គ្រឿងចក្រចុះកាយភ្លាមៗតែម្តង ។ លោកបន្តថា សំរាមនៅក្នុងប្រឡាយបឹងត្របែកនេះសរុបប្រមាណជាង៣០០ឡាន គឺសរុបប្រមាណជិត១ពាន់តោននេះដែលត្រូវកាយ និងដឹកជញ្ជូនចេញក្នុងរយៈពេលមួយសប្តាហ៍នឹងរួចរាល់ ហើយយកទៅចាក់នៅទីលានចាក់សំរាមខណ្ឌដង្កោ ៕
ចែករំលែកព័តមាននេះ