រាជធានីភ្នំពេញ ៖ រសៀលថ្ងៃទី៩ កុម្ភៈ ឆ្នាំ២០១១ ម្សិលមិញ នាយក្រិន និងភរិយាបានចូលខ្លួនទៅសម្រុះសម្រួលតាមការណាត់របស់សាលាដំបូងរាជធានី ទាក់ទិនរឿងក្តីលែងលះរបស់ពួកគេ ។ ការសម្រុះសម្រួលចាប់ពីវេលាម៉ោង២និង៣០នាទីរហូតដល់ម៉ោង៣ និង៤៥នាទីរសៀល នាយក្រិនបានចេញពីសាលាដំបូងដោយមានអ្នកចាំឈរពាំងមុខមិនឱ្យអ្នកកាសែតថតរូបទេ ហើយរុញនាយក្រិនចូលរថយន្តយ៉ាងប្រញាប់
រាជធានីភ្នំពេញ ៖ រសៀលថ្ងៃទី៩ កុម្ភៈ ឆ្នាំ២០១១ ម្សិលមិញ នាយក្រិន និងភរិយាបានចូលខ្លួនទៅសម្រុះសម្រួលតាមការណាត់របស់សាលាដំបូងរាជធានី ទាក់ទិនរឿងក្តីលែងលះរបស់ពួកគេ ។ ការសម្រុះសម្រួលចាប់ពីវេលាម៉ោង២និង៣០នាទីរហូតដល់ម៉ោង៣ និង៤៥នាទីរសៀល នាយក្រិនបានចេញពីសាលាដំបូងដោយមានអ្នកចាំឈរពាំងមុខមិនឱ្យអ្នកកាសែតថតរូបទេ ហើយរុញនាយក្រិនចូលរថយន្តយ៉ាងប្រញាប់ ។
បន្ទាប់មក នៅវេលាម៉ោង៤រសៀលគេឃើញប្រពន្ធនាយក្រិនពរកូនចេញពីសាលាដំបូង ហើយផ្តល់ព័ត៌មានឱ្យអ្នកកាសែតយ៉ាងខ្លីថា តុលាការបានសម្រុះសម្រួល តែមិនត្រូវគ្នាទេ ដោយនាយក្រិននៅតែសុំលែងនាង ចំណែកនាងនៅតែមិនព្រមលែងលះគ្នាទេ ។ ដូច្នេះហើយតុលាការកំណត់ថា នៅថ្ងៃទី២២ កុម្ភៈ ឆ្នាំ២០១១ ឱ្យភាគីទាំង២ទៅតុលាការម្តងទៀត ដើម្បីសម្រុះសម្រួលជាលើកទី២ ។
ចំណែកលោកមេធាវីរបស់នាយក្រិនមានប្រសាសន៍ប្រាប់កោះសន្តិភាពថា នាយក្រិននៅតែសុំលែង ឯប្រពន្ធមិនព្រមលែង ដូច្នេះរឿងនេះមិនទាន់បញ្ចប់ទេ ។ បានកត់សំគាល់ឃើញថា ទោះបីជាមានរឿងប្តីឈ្មោះនាយក្រិនសុំលែងលះពីនាងក៏ដោយ ក៏នាងជាប្រពន្ធនៅតែញញឹមដាក់អ្នកកាសែត ហើយប្រឡែងលេងនឹងកូនយ៉ាងរីករាយជាធម្មតា ។ នាងនៅតែសង្ឃឹមថា កូននេះនឹងមានឪពុក និងម្តាយរស់នៅជុំគ្នាគ្រប់គ្រងថែរក្សាដូចដើម ៕
ចែករំលែកព័តមាននេះ