មធ្យោបាយ​កាត់​បន្ថយ​ហានិភ័យ​មហារីក​ពោះវៀនធំ


ជំងឺមហារីក​ពោះវៀនធំ និង​រន្ធ​គូទ គឺជា​មូលហេតុ​ទី​២​នៃ​ការ​ស្លាប់​ដោយសារ​ជំងឺមហារីក ប៉ុន្តែ​​វា​មាន​មធ្យោបាយ​ជា​ច្រើន​ដើម្បី​បន្ថយ​ហានិភ័យ​របស់​អ្នក ។ វេជ្ជបណ្ឌិត​អេ​ណេ លី​ន (Anne Lin) ជា​សាស្ត្រាចារ្យ​ខាង​ផ្នែក​វះកាត់​នៃ​សាកលវិទ្យាល័យ California បាន​និយាយ​ថា ជំងឺមហារីក​ពោះវៀនធំ​-​រន្ធ​គូទ គឺ​អាច​ការពារ​បាន​ជាមួយនឹង​ការ​តាមដាន និង​រក​រុក​ឲ្យ​បាន​ទាន់​ពេលវេលា ។

ការ​ធ្វើ​តាម​ការ​ណែនាំ​អាច​ជួយ​អ្នក​បន្ថយ​ហានិភ័យ​ក្នុង​កា​រិ​វ​ឌ្ឍ​ទៅ​ជា​ជំងឺមហារីក​ពោះ​វៀនធំ​-​រន្ធ​គូទ​បាន ។ ប្រសិនបើ​អ្នកមាន​កម្រិត​ធម្មតា​នៃ​ហានិភ័យ​, អ្នក​គួរតែ​តាមដាន​ជា​ទៀងទាត់​ចាប់ពី​អាយុ​៥០​ឆ្នាំទៅ ។ ប្រសិនបើ​អ្នកជា​អ្នកមាន​ហានិភ័យ​ខ្ពស់​, ជាមួយនឹង​ប្រវត្តិ​គ្រួសារ ឬ​ប្រវត្តិ​ផ្ទាល់ខ្លួន​មាន​ជំងឺមហារីក​ពោះវៀនធំ​-​រន្ធ​គូទ​, ជំងឺមហារីក​ដទៃ​ទៀត ឬ​ជំងឺ​រលាក​ពោះវៀនធំ​នោះ​, អ្នក​គួរតែ​ពិគ្រោះ​ជាមួយនឹង​គ្រូពេទ្យ​អំពី​ការ​ចាប់ផ្តើម​ការ​តាមដាន​មុន​អាយុ​៥០​ឆ្នាំ ។

ជា​រៀងរាល់ថ្ងៃ​, សូម​ញ៉ាំ​ជាតិ​សរសៃ​ដែល​បាន​ពី​ផ្លែ​ឈើ​, បន្លែ​ឲ្យ​បាន​២៥ ទៅ​៣០​ក្រាម។ វា​ក៏​ជា​រឿង​សំខាន់​ផង​ដែរ​ក្នុង​ការ​ញ៉ាំ​អាហារ​ដែល​មាន​ជាតិ​ខ្លាញ់​តិច ដោយសារ​តែ​ជំងឺមហារីក​ពោះវៀនធំ​-​រន្ធ​គូទ​ត្រូវ​បាន​ផ្សារ​ភ្ជាប់​ទៅ​នឹង​អាហារ​ដែល​មាន​ជាតិ​ខ្លាញ់​ខ្ពស់។ អ្នក​ក៏​គួរតែ​បញ្ចូល​អាហារ​ដូច​ជា ហ្វូ​ឡា​ត ទៅ​ក្នុង​អាហារ​របស់​អ្នក​ញ៉ាំ​ផង​ដែរ ។

ប្រសិនបើ​អ្នក​ផឹកស្រា​, សូម​ផឹក​វា​ក្នុង​កម្រិត​មធ្យម ។ ប្រសិនបើ​អ្នក​ជក់បារី​, សូម​ឈប់​ជក់​វា ។ ការ​លាយ​បញ្ចូល​គ្នា​នៃ​ការ​ផឹកស្រា និង​ជក់បារី​ត្រូវ​បាន​ផ្សារ​ភ្ជាប់​ជាមួយនឹង​ជំងឺមហារីក​ពោះវៀនធំ​-​រន្ធ​គូទ និង​ជំងឺមហារីក​នៃ​ផ្លូវ​រំលាយ​អាហារ​ដទៃ​ទៀត ។

សូម​ធ្វើ​លំ​ហាត់ប្រាណ​អោយ​បាន​យ៉ាង​ហោច​ណាស់​២០​នាទី​, ៣ ទៅ​៤​ដង​ក្នុង​មួ​យស​ប្តា​ហ៍ ។ ការ​ធ្វើ​លំ​ហាត់ប្រាណ​កម្រិត​មធ្យម​ដូច​ជា ការ​ដើរ​, ការ​ឡើងជណ្តើរ ឬ​ការ​មើល​ថែ​សួនច្បារ​អាច​បន្ថយ​ហានិភ័យ​នៃ​ជំងឺមហារីក​ពោះវៀនធំ​-​រន្ធ​គូទ ។ ទម្ងន់​ត្រឹមត្រូវ​គឺជា​រឿង​សំខាន់​ដោយសារ​តែ​ការ​ធាត់​អាច​ជំរុញ​ឲ្យ​មាន​ហានិភ័យ​នៃ​ជំងឺមហារីក​ពោះវៀនធំ​-​រន្ធ​គូទ ។

សូម​ប្រាប់​គ្រូពេទ្យ​អំពី​រោគ​សញ្ញា​ដូច​ជា ការ​ប្រែប្រួល​ទម្លាប់​នៃ​ការ​ជុះ​លាមក​, ឈាម​នៅ​ក្នុង​លាម​, ឈឺពោះ​, ស្រក​ទម្ងន់​ជាដើម ៕ ស្រង់​ពី​គេហទំព័រ​សុខភាព

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

សុខភាព

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ