ខេត្តព្រះសីហនុ ៖ ជនជាតិចិនម្នាក់ក្នុងចំណោម៤នាក់ ដែលពាក់ព័ន្ឋករណីប្លន់ដោយប្រើអាវុធខុសច្បាប់កាលពីយប់ថ្ងៃទី២២ មិថុនា ឆ្នាំ២០១៨ នៅភូមិ១ សង្កាត់៣ ក្រុងព្រះសីហនុ ខេត្តព្រះសីហនុ…
ខេត្តព្រះសីហនុ ៖ ជនជាតិចិនម្នាក់ក្នុងចំណោម៤នាក់ ដែលពាក់ព័ន្ឋករណីប្លន់ដោយប្រើអាវុធខុសច្បាប់កាលពីយប់ថ្ងៃទី២២ មិថុនា ឆ្នាំ២០១៨ នៅភូមិ១ សង្កាត់៣ ក្រុងព្រះសីហនុ ខេត្តព្រះសីហនុ នាថ្ងៃទី២៤ មិថុនានេះ ត្រូវបានសមត្ថកិច្ចបញ្ជូនខ្លួនទៅកាន់សាលាដំបូងហើយ បន្ទាប់ពីធ្វើការសាកសួររួចមក។ 
យោងតាមប្រភពពីលោកឧត្តមសេនីយ៍ត្រី កុល ផាលី ស្នងការងទទួលផែនព្រហ្ម ទណ្ឌនៃស្នងការដ្ឋាននគរ
បាលខេត្តបានអោយដឹងថា ដោយយោងតាមបទបញ្ជាផ្ទាល់ពីលោកឧត្តមសេនីយ៍ទោ ជួនណារិន្ឋ ស្នងការនគរបាលខេត្តព្រះសីហនុ ក្រោយពីទទួលពាក្យបណ្តឹងពីប្រជាពលរដ្ឋឈ្មោះ គង់ ទីប៉ោ ភេទប្រុស អាយុ៣១ឆ្នាំ មុខរបររត់រថយន្តឈ្នួល មានទីលំនៅសង្កាត់ដង្កោ រាជធានីភ្នំពេញ ពីបទប្លន់ដោយប្រើអាវុធខ្លីម៉ាករ៉ូឡូ នៅវេលាម៉ោង៨និង៤០នាទីយប់ នៅភូមិ១ សង្កាត់៣ ក្រុងព្រះសីហនុ ខេត្តព្រះសីហនុ កម្លាំងជំនាញ
ផែននគរបាលព្រហ្មទណ្ឌ សហការជាមួយកម្លាំងអធិការដ្ឋានក្រុងប៉ុស្តិ៍ និងកងអន្តរាគមន៍ពិសេសធ្វើការស្រាវជ្រាវ រហូតដល់ម៉ោង១១យប់ កម្លាំងជំនាញ កំណត់មុខសញ្ញាបានម្នាក់ដែលកំពុងផឹកស៊ីនៅក្លឹបកំសាន្ត CASA ស្ថិតក្នុងភូមិ៤ សង្កាត់៤ ក្រុងព្រះសីហនុ ខេត្តព្រះសីហនុ។
នៅថ្ងៃទី២២ ខែមិថុនា ឆ្នាំ២០១៨ វេលាម៉ោង១០យប់ កម្លាំងជំនាញបានធ្វើការហ៊ុមព័ទ្ធចាប់ខ្លួនជនសង្ស័យឈ្មោះ Ly Ker Xing ភេទប្រុស អាយុ២៤ឆ្នាំ ជនជាតិចិន មុខរបរបើកបររថយន្តកាស៊ីណូ កាន់លិខិតឆ្លងដែនលេខ E88340722 ចុះថ្ងៃទី១៨ ខែតុលា ឆ្នាំ២០១៦ ផុតកំណត់ថ្ងៃទី១៧ ខែតុលា ឆ្នាំ២០២៦ ទិដ្ឋាការលេខ E1-01359781 ចុះថ្ងៃទី១ ខែមករា ឆ្នាំ២០១៨ ផុតកំណត់ថ្ងៃទី១ ខែមករា ឆ្នាំ២០១៩ ។ ក្នុងសកម្មភាពនេះ ជនសង្ស័យដែលមានគ្នា៤នាក់ ជនជាតិចិនបានប្រើវិធី វីឆាត «Wechat»
ហៅជនរងគ្រោះមកយកលិខិតឆ្លងដែនទៅបន្តទិដ្ឋាកា ប៉ុន្តែត្រូវបានក្រុមជនសង្ស័យប្លន់យកសម្ភារៈមួយចំនួនរួមមាន លុយចំនួន៥០០ដុល្លារ បណ្ណ័បើកបរ១សន្លឹក បណ្ណ័សំគាល់រថយន្ត១សន្លឹក អត្តសញ្ញាណប័ណ្ណសញ្ជាតិខ្មែរ១សន្លឹក ។
លោកឧត្តមសេនីយ៍ត្រីបន្តថា ក្រោយពេលទទួលបានពាក្យបណ្តឹងរួច ក្រោមការបញ្ជាដឹកនាំពីលោកឧត្តមសេនីយ៍ ជួន ណារិន្ទ ស្នងការនគរបាលខេត្ត និងមានការសម្របសម្រួលនីតិវិធីដោយលោក គៀង សុន្ធារោ ព្រះរាជ្ញារងអមសាលាដំបូងខេត្ត ទើបឈានដល់ការឃាត់ខ្លួនជនសង្ស័យ។ ក្រោយការឃាត់ខ្លួន សមត្ថកិច្ចបានរកឃើញវត្ថុតាងរូមមាន លុយដុល្លារ៥០០ដុល្លារ (របស់ជនរងគ្រោះ) អាវុធខ្លី១ដើម ម៉ាករ៉ូឡូ លេខ38.SWPL (គ្រាប់ចំនួន៣គ្រាប់) ជាអាវុធធ្វើសកម្មភាព រថយន្តម៉ាក Rolls Royce ពណ៌ស្លែ ពាក់ស្លាកលេខភ្នំពេញ ២BP-៦៦៦៦ ជាមធ្យោបាយធ្វើសកម្មភាព។ ចំណែកជនសង្ស័យ៣នាក់ទៀតជាជនជាតិចិន កម្លាំងជំនាញកំពុងធ្វើការស្រាវជ្រាវបន្ត ។ បច្ចុប្បន្ន ជនសង្ស័យ និងវត្ថុតាង ត្រូវបានកម្លាំងជំនាញការិយា
ល័យនគរបាលព្រហ្មទណ្ឌកម្រិតធ្ងន់កំពុងបំពេញនីតិវិធីបញ្ជូនខ្លួនទៅកាន់សាលាដំបូងហើយ៕
ចែករំលែកព័តមាននេះ