រាជធានីភ្នំពេញ ៖ មួយរយៈពេលនេះអាជ្ញាធរខណ្ឌដង្កោបានការមមាញឹកខ្លាំងក្នុងការបើកការដ្ឋាន ស្ថាបនាផ្លូវនៅតាមបណ្ដាភូមិសង្កាត់នានាទូទាំងខណ្ឌ ដើម្បីបម្រើផលប្រយោជន៍ និងសម្រួលដល់ការធ្វើដំណើរ របស់បងប្អូន ប្រជាពលរដ្ឋហើយក៏ជាការអភិវឌ្ឍន៍មូលដ្ឋានរួមចំណែកជាមួយរាជរដ្ឋាភិបាលស្របតាមប្រទេសកំពុងមានកំណើនសេដ្ឋកិច្ច និងការអភិវឌ្ឍន៍មានការរីកចម្រើនជាលំដាប់។ ដោយឡែកនៅវេលាព្រឹកថ្ងៃទី២២…
រាជធានីភ្នំពេញ ៖ មួយរយៈពេលនេះអាជ្ញាធរខណ្ឌដង្កោបានការមមាញឹកខ្លាំងក្នុងការបើកការដ្ឋាន ស្ថាបនាផ្លូវនៅតាមបណ្ដាភូមិសង្កាត់នានាទូទាំងខណ្ឌ ដើម្បីបម្រើផលប្រយោជន៍ និងសម្រួលដល់ការធ្វើដំណើរ របស់បងប្អូន ប្រជាពលរដ្ឋហើយក៏ជាការអភិវឌ្ឍន៍មូលដ្ឋានរួមចំណែកជាមួយរាជរដ្ឋាភិបាលស្របតាមប្រទេសកំពុងមានកំណើនសេដ្ឋកិច្ច និងការអភិវឌ្ឍន៍មានការរីកចម្រើនជាលំដាប់។ ដោយឡែកនៅវេលាព្រឹកថ្ងៃទី២២ ខែមិថុនា ឆ្នាំ២០១៨ លោក នុត ពុធដារ៉ា អភបាលខណ្ឌដង្កោ បានអញ្ជើញជាអធិតីបើកការដ្ឋាន ស្ថាបនាផ្លូវក្រាលបេតុងបន្តទៀត ប្រវែង៣៨៩ម៉ែត្រ ស្ថិតនៅក្នុងភូមិត្រពាំងគ និងភូមិពងទឹក សង្កាត់ពងទឹក ខណ្ឌដង្កោ រាជធានីភ្នំពេញ។ ដោយមានការអញ្ជើញចូលរួមពីសំណាក់លោក អភិបាលរងខណ្ឌ មន្ត្រីការិយាល័យជុំវិញខណ្ឌ អាជ្ញាធរសង្កាត់ពងទឹក រួមជាមួយប្រជាពលរដ្ឋ ជាច្រើនទៀតផងដែរ។
លោកអភិបាលខណ្ឌដង្កោបានមានប្រសាសន៍ថា មួយរយៈពេលនេះ សាលាខណ្ឌរួមជាមួយអាជ្ញាធរសង្កាត់នានាមានការមមាញឹកក្នុងការបើកការដ្ឋានស្ថាបនាផ្លូវ ដើម្បីបម្រើ និងសម្រួលដល់ការធ្វើដំណើររបស់បងប្អូនប្រជាពលរដ្ឋនៅក្នុងមូលដ្ឋាន។ ដោយឡែកនៅក្នុង សង្កាត់ពងទឹកកន្លងមកបានស្ថាបនាផ្លូវហើយរួចរាល់ចំនួន៧ខ្សែមកហើយ ក្នុងនោះរួមមានផ្លូវបេតុង ឆ្អឹងដែកចំនួន៤ខ្សែ មានប្រវែងសរុប២.៤០០ម៉ែត្រ ជាថវិការបស់សាលារាជធានីភ្នំពេញ។ ចំណែក៣ខ្សែទៀត មានប្រវែងសរុប១.៣៥៣ម៉ែត្រជាថវិការបស់សាលាខណ្ឌ រួមមានខ្សែទី១ ជាផ្លូវបេតុងឆ្អឹងដែកប្រវែង៥១៥ម៉ែត្រ ទទឹង៥ម៉ែត្រ កម្រាស់០,១៥ម៉ែត្រ ស្ថិតនៅក្នុងភូមិឃ្លះសណ្ដាយ សង្កាត់ពងទឹក។ ខ្សែទី២ប្រវែង៤៦៨ម៉ែត្រ ទទឹង៤ម៉ែត្រ កម្រាស់០,១៥ម៉ែត្រ និងខ្សែទី៣ប្រវែង ៣៧០ម៉ែត្រ ទទឹង៤ម៉ែត្រ កម្រាស់០,១៥ម៉ែត្រ ដែលផ្លូវទាំង២ខ្សែនេះស្ថិតនៅក្នុងភូមិពងទឹក។ 
ដោយឡែកផ្លូវដែលត្រូវបើកការដ្ឋានស្ថាបនានាពេលនេះ មានប្រវែង៣៨៩ម៉ែត្រ ទទឹង៤ម៉ែត្រ ស្ថិតនៅក្នុងភូមិត្រពាំងគ និងភូមិពងទឹកដែលភូមិទាំង២នេះស្ថិតនៅជាប់គ្នា។ ជាមួយគ្នានោះដែរ លោកអភិបាលបានថ្លែងសូមឲ្យបងប្អូនប្រជាពលរដ្ឋទៅចូលរួមបោះឆ្នោតឲ្យបានគ្រប់ៗគ្នា ដើម្បីបំពេញកាតព្វកិច្ចជាប្រជាពលរដ្ឋដែលរស់នៅក្នុងរដ្ឋអធិបតេយ្យមួយ និងជាប្រទេសដែលមាន លទ្ធិប្រជាធិបតេយ្យ និងសុខសន្តិភាពពេញលេញ។ ជាងនេះទៀតក៏សូមឲ្យបងប្អូនទាំងអស់មានការយោគយល់រាល់ផលប៉ះពាល់ទាំងឡាយដែលកើតចេញពីការស្ថាបនាផ្លូវនេះ និងសូមជួយតាមដានគម្រោង និងការអនុវត្តន៍របស់ក្រុមហ៊ុនម៉ៅការធ្វើផ្លូវផងថា តើត្រឹមត្រូវតាមបទដ្ឋានបច្ចេកទេសហើយឬនៅ។ ជាពិសេសសូមបងប្អូនជួយការពារ បន្ទាប់ពីផ្លូវស្ថាបនារួចដែលមុននឹងប្រើប្រាស់បានទាល់តែគ្រប់អាយុ២៨ថ្ងៃទើបប្រើបាន បើមិនដូច្នោះទេនឹងធ្វើឲ្យផ្លូវឆាប់ខូចខាតទៅវិញមិនអាចប្រើប្រាស់បានយូរឡើយ៕ 
ចែករំលែកព័តមាននេះ