ខេត្តស្វាយរៀង ៖ បើតាមសេចក្តីរាយការណ៍បានឱ្យដឹងថា បុរសជនជាតិម៉ាឡេស៊ីម្នាក់ត្រូវបានគេប្រទះឃើញដេកស្លាប់ក្នុងថ្លុកឈាម ហេតុការណ៍បានកើតឡើងកាលពីម៉ោង២និង៣២នាទីរំលងអធ្រាត្រឈានចូលថ្ងៃទី១៨ ខែមិថុនា ឆ្នាំ២០១៨ នៅត្រង់ចំណុចបន្ទប់ទឹកផ្សាររាត្រី ជាប់ភោជនីយដ្ឋានស៊ីឡាយ ស្ថិតក្នុងភូមិបាវិតកណ្ដាល សង្កាត់បាវិត ក្រុងបាវិត។
បើតាមសមត្ថកិច្ចនគបាលក្រុងបានឲ្យដឹងថា មានករណីឃាតកម្មនេះបានកើតឡើងបង្កដោយជនសង្ស័យមិនស្គាល់អត្តសញ្ញាណបានវាយសម្លាប់ជនរងគ្រោះឈ្មោះ CARSEN TION KAI SENG អាយុ៦៣ឆ្នាំ ជាជនជាតិម៉ាឡេស៊ី កាន់លិខិតឆ្លងដែនលេខ K-36579669 ស្រុកកំណើតនៅក្រុងសារ៉ាវ៉ក ប្រទេសម៉ាឡេស៊ី។
សមត្ថកិច្ចបានឱ្យដឹងថា ជនរងគ្រោះបានឆ្លងចូលមកកម្ពុជាតាមច្រកទ្វាអន្តរជាតិបាវិតម៉ុកបាយ តាំងពីថ្ងៃទី២ មិថុនាមកម្ល៉េះ។ ហើយចំពោះករណីនេះ ក្រោយពីទទួលព័ត៌មានថា មានមនុស្សស្លាប់នៅផ្សាររាត្រីក្រុងបាវិតភ្លាម សមត្ថកិច្ចជំនាញបានមកដល់កន្លែងកើតហេតុធ្វើការពិនិត្យឃើញថា មានស្នាមដាច់ក្បាលខាងក្រោយ និងភ្នែកខាងឆ្វេងជាំ ក្រោយមកបានសន្និដ្ឋានថា ជាករណីឃាតកម្មពិតប្រាដកមែន។ សមត្ថកិច្ចនឹងធ្វើការស្រាវជ្រាវរកមូលហេតុនាំឲ្យកើតអំពើឃាដកម្មនេះ និងតាមរកចាប់មុខសញ្ញាជនល្មើសមកផ្តន្ទាទោសតាមច្បាប់។ ហើយបច្ចុប្បន្នសពជនរងគ្រោះត្រូវសមត្ថកិច្ចយកទៅតម្កល់ទុកនៅវត្តពោធិ៍ថ្មី (ហៅវត្តបាវិត) រង់ចាំក្រុមគ្រួសារមកទទួលយកទៅធ្វើបុណ្យតាមប្រពៃណី៕
ចែករំលែកព័តមាននេះ