រាជធានីភ្នំពេញ ៖ ប្តីប្រពន្ធពីរនាក់ទុកម៉ូតូនៅមុខផ្ទះចោលមួយភ្លែត ត្រូវចោរ២នាក់លួចកាច់.កម៉ូតូបានសម្រេច សំណាងអាក្រក់អីត្រូវសមត្ថកិច្ចឃាត់ខ្លួនបានម្នាក់ និងម្នាក់ទៀតរត់គេចខ្លួន ហេតុការណ៍នេះបានកើតឡើងកាលពីវេលាម៉ោង៨យប់ថ្ងៃទី១៧ ខែមិថុនា ឆ្នាំ២០១៨ តាមបណ្តោយផ្លូវជាតិលេខ៥ ស្ថិតនៅក្នុងសង្កាត់ឬស្សីកែវ ខណ្ឌឬស្សីកែវ ។
ជនសង្ស័យមានឈ្មោះ ចាន់ រ័ត្ន ហៅក្រៅ អារ័ត្ន ភេទប្រុស អាយុ១៩ឆ្នាំ ស្នាក់នៅផ្ទះជួល
សង្កាត់ភ្នំពេញថ្មី ខណ្ឌសែនសុខ មានស្រុកកំណើតនៅភូមិជង្រុក ឃុំជង្រុក ស្រុកកងពិសី ខេត្តកំពង់ស្ពឺ ។ចំណែកឯជនរងគ្រោះវិញមានឈ្មោះសូ លីនណា ភេទស្រី អាយុ២២ឆ្នាំ ស្នាក់នៅផ្លូវ៤០k ភូមិចម្ការឪឡឹក សង្កាត់កាកាប ខណ្ឌពោធិ៍សែនជ័យ ។
តាមប្រភពព័ត៌មានពីជនរងគ្រោះបានឲ្យដឹងថា មុនពេលកើតហេតុជនរងគ្រោះកំពុងតែនិយាយលេងជាមួយម្តាយក្មេកនៅក្នុងផ្ទះលេខ១៧ក ផ្លូវ៣៦R មួយភ្លែតក៏ទុកម៉ូតូម៉ាកហុងដាស្តុបពី ពណ៌ស ពាក់ស្លាកលេខភ្នំពេញ1AS-5553 នៅមុខផ្ទះ ស្រាប់តែលេចមុខជនសង្ស័យ២នាក់ មិនស្គាល់អត្តសញ្ញាណជិះម៉ូតូមួយគ្រឿងម៉ាកZoomer-X មិនចាំស្លាកលេខឲ្យម្នាក់ មានឈ្មោះដូចខាងលើបានធ្វើសកម្មភាពលួចកាច់.កម៉ូតូខាងលើរបស់ជនរងគ្រោះបានសម្រេច ហើយបើករត់គេច ភ្លាមៗនោះដែលម្ចាស់ម៉ូតូបានលឺសំឡេងម៉ូតូរបស់គាត់ក៏រត់ចេញទៅតាម ហើយស្រែកថា ចោរៗទើបជនសង្ស័យភ័យស្លន់ស្លោពេកបានបើករត់ទៅដល់ចំណុចកើតហេតុខាងលើចៃដន្យអីក៏ជួបនឹងកម្លាំងសមត្ថកិច្ចប៉ុស្តិ៍ឬស្សីកែវក្របួចយកទៅសួរនាំ រួមនឹងដកហូតបានវត្ថុតាងដែកសម្រាប់កាច់.កម៉ូតូចំនួនមួយ ។
ក្រោយពេលកើតហេតុជនរងគ្រោះបានទៅដាក់ពាក្យបណ្តឹង ដើម្បីឲ្យសមត្ថកិច្ចកសាងសំណុំរឿងបញ្ចូនទៅកាន់តុលាការចាត់ការទៅតាមនីតិវិធី ៕
ចែករំលែកព័តមាននេះ