ប្រទេសចិន៖កងម៉ារីនចិនបានរៀបចំធ្វើសមយុទ្ធយោធាមួយនៅសមុទ្រចិនខាងត្បូង ដើម្បីរៀបចំខ្លួនវាយរុញច្រានការវាយប្រហារតាមអាកាសមួយ។នេះជាសេចក្ដីរាយការណ៍នាថ្ងៃទី១៥មិថុនារបស់បណ្ដាសារព័ត៌មានផ្លូវការចិន ។
រដ្ឋមន្រ្តីការបរទេសអាមេរិកលោក MIKE POMPEO ដែលមកបំពេញទស្សនកិច្ចនាថ្ងៃទី១៤មិថុនា នៅក្រុងប៉េកាំងបានរិះគន់ដល់ការធ្វើយោធូបនីយកម្មរបស់ចិន នៅសមុទ្រចិនខាងត្បូងពិសេសនៅតំបន់ប្រជុំកោះ SPRATLEYS ដែលមានភាពចម្រូងចម្រាស់។សហរដ្ឋអាមេរិកផ្ទាល់ក៏បង្កើនប្រតិបត្តិការយោធា ក្នុងតំបន់នេះក្នុងនាមសេរីភាពនៃការធ្វើនាវាចរណ៍ ក្នុងនោះរួមមានការហោះហើរក្បែរប្រជុំកោះនេះនៃបណ្ដាយន្តហោះទម្លាក់គ្រាប់បែកយុទ្ធសាស្រ្ត B-52កាលពីសប្ដាហ៍មុន។
យោងតាមកាសែតកងទ័ពចិនថា សមយុទ្ធយោធាជើងទឹកនេះធ្វើឡើងនៅកន្លែងមួយដែលពុំលាតត្រដាង សំដៅរៀបចំកងនាវាចរណ៍ក្នុងការវាយរុញច្រាន ការវាយប្រហារតាមអាកាសមួយពិសេសដោយ DRONESទាំងឡាយ។កងទ័ពជើងគោកចិនបោះទីតាំងនៅកន្លែងសម្ងាត់មួយ ក៏ចូលរួមក្នុងសមយុទ្ធនេះដែរ៕
ចែករំលែកព័តមាននេះ