ខ្លាំងដៃបាត់…ចូលគុកម្តងមិនរាង ចេញវិញថ្លើមធំហ៊ានលួចរបស់កងទ័ពផង
- ព្រះវិហារ
ខេត្តព្រះវិហារ ៖ ជនសង្ស័យឈ្មោះ អ៊ុំ សាធា ហៅ ឆ លីហៀង អាយុ៣២ឆ្នាំ មុខរបរមិនពិតប្រាកដ…
ខេត្តព្រះវិហារ ៖ ជនសង្ស័យឈ្មោះ អ៊ុំ សាធា ហៅ ឆ លីហៀង អាយុ៣២ឆ្នាំ មុខរបរមិនពិតប្រាកដ…
ខេត្តព្រះវិហារ ៖ ជនសង្ស័យឈ្មោះ អ៊ុំ សាធា ហៅ ឆ លីហៀង អាយុ៣២ឆ្នាំ មុខរបរមិនពិតប្រាកដ រស់នៅភូមិកោងយោង ឃុំយាង ស្រុកជាំក្សាន្ត ខេត្តព្រះវិហារ ត្រូវបានម្ចាស់ម៉ូតូ និងប្រជាពលរដ្ឋនៅចំណុចភូមិត្រពាំងសង្កែ ខាងត្បូង ឃុំរំដោះស្រែ ស្រុកជាំក្សាន្ត តាមទាន់នឹងចាប់ក្របួចឲ្យសមត្ថកិច្ចទាំងកណ្តាលយប់ ម៉ោង១និង២០នាទីរំលងអធ្រាត្រឈានចូលថ្ងៃទី១៣ ខែមិថុនា ឆ្នាំ២០១៨នេះ ខណៈជនសង្ស័យខាងលើបម្រុងធ្វើសកម្មភាពលួចម៉ូតូជនរងគ្រោះ ។
នេះបើតាមសម្តីលោកវរសេនីយ៍ឯក ខាត់ ហ៊ុន នាយការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តព្រះវិហារបានឲ្យដឹងថា ក្រោយពេលទទួលបានពាក្យបណ្តឹងរបស់ឈ្មោះ សេង ខេមរិទ្ធ ភេទប្រុស អាយុ៣៦ឆ្នាំ មុខរបរជាកងទ័ព រស់នៅភូមិត្រពាំងសង្កែខាងត្បូង ឃុំរំដោះស្រែ ស្រុកជាំក្សាន្ត ខេត្តព្រះវិហារ ថានៅវេលាម៉ោង១និង២០នាទីរំលងអធ្រាត្រឈានចូលថ្ងៃទី១៣ ខែមិថុនា ឆ្នាំ២០១៨ នេះរូបគាត់ត្រូវបានចោរលួចម៉ូតូម៉ាកធូដេ ពណ៌ស្ករ មួយគ្រឿង ខណៈនោះចោរបម្រុងបញ្ឆេះម៉ូតូជិះចេញពីផ្ទះរបស់គាត់ស្រាប់តែគាត់ដឹងទាន់ក៏បានស្រែកឆោឡោឲ្យអ្នកជិតខាងបានដឹង និងបានជួយចាប់ចោរនោះបានភ្លាមៗប្រគល់មកឲ្យសមត្ថកិច្ចចាត់ការតាមច្បាប់ ។
លោក ខាត់ ហ៊ុន បន្តថា ក្រោយឃាត់ខ្លួនបានភ្លាមសមត្ថកិច្ចក៏បានបញ្ជូនខ្លួនទៅអធិការដ្ឋាននគរបាលស្រុកជាំក្សាន្តដើម្បីកសាងសំណុំរឿងបញ្ជូនជនសង្ស័យមកស្នងការដ្ឋាននគរបាលខេត្តព្រះវិហារដើម្បីសាកសួរបន្ត និងបានរកឃើញថា ជនសង្ស័យឈ្មោះ អ៊ុំ សាធា មានផ្ទុកនូវសារធាតុគ្រឿងញៀននៅក្នុងខ្លួនទៀតផង មួយវិញទៀតសង្ស័យឈ្មោះ អ៊ុំ សាធា ខាងលើនេះកន្លងទៅធ្លាប់មានទោសជាប់ពន្ធនាគារនៅខេត្តព្រះវិហារម្តងរួចមកហើយក្នុងករណីបំផ្លិចបំផ្លាញទ្រព្យសម្បត្តិអ្នកដទៃកាលពីឆ្នាំ២០១៥ កន្លងទៅ ។
ជនសង្ស័យក៏បានសារភាពនៅចំពោះមុខសមត្ថកិច្ចថា ខ្លួនពិតជាបានចូលទៅក្នុងផ្ទះជនសង្ស័យហើយបម្រុងនឹងបញ្ឆេះម៉ូតូជិះចេញមកក្រៅ ក៏ស្រាប់តែម្ចាស់តាមទាន់ចាប់ប្រគល់ឲ្យសមត្ថកិច្ចតែម្តង ។ មកដល់ពេលនេះម៉ូតូដែលដកហូតបានពីជនសង្ស័យត្រូវបានប្រគល់ជូនទៅម្ចាស់ដើមវិញហើយ ដោយឡែកជនសង្ស័យត្រូវបានស្នងការដ្ឋាននគរបាលខេត្តព្រះវិហារបញ្ជូនខ្លួនទៅសាលាដំបូងខេត្តព្រះវិហារដើម្បីចាត់ការទៅតាមនីតិវិធី នៅរសៀលថ្ងៃទី១៤ ខែមិថុនា ៕
ចែករំលែកព័តមាននេះ