រាជធានីភ្នំពេញ ៖ បុរសម្នាក់នឹងស្ត្រីម្នាក់ត្រូវជាប្តីប្រពន្ធនឹងគ្នាជិះម៉ូតូមួយគ្រឿងម៉ាកស៊ុយហ្សុ៊យគីនិច ពណ៌ស បានទុកម៉ូតូចោលមុខផ្ទះមួយភ្លែត ដើម្បីចូលទៅយកអីវ៉ាន់ ស្រាប់តែត្រូវជនសង្ស័យ២នាក់លួចកាច់កម៉ូតូបានសម្រេច ហើយជិះគេចខ្លួនបាត់ស្រមោល ។ ហេតុការណ៍នេះបានកើតឡើងកាលពីវេលាម៉ោង៩និង៤០នាទីយប់ថ្ងៃទី១៣…
រាជធានីភ្នំពេញ ៖ បុរសម្នាក់នឹងស្ត្រីម្នាក់ត្រូវជាប្តីប្រពន្ធនឹងគ្នាជិះម៉ូតូមួយគ្រឿងម៉ាកស៊ុយហ្សុ៊យគីនិច ពណ៌ស បានទុកម៉ូតូចោលមុខផ្ទះមួយភ្លែត ដើម្បីចូលទៅយកអីវ៉ាន់ ស្រាប់តែត្រូវជនសង្ស័យ២នាក់លួចកាច់កម៉ូតូបានសម្រេច ហើយជិះគេចខ្លួនបាត់ស្រមោល ។ ហេតុការណ៍នេះបានកើតឡើងកាលពីវេលាម៉ោង៩និង៤០នាទីយប់ថ្ងៃទី១៣ ខែមិថុនា ឆ្នាំ២០១៨ តាមបណ្តោយផ្លូវ១០៣ នៅចំណុចមុខផ្ទះគ្មានលេខនៅក្បែរនឹងលូទឹកស្អុយ ស្ថិតនៅក្នុងសង្កាត់ទួលសង្កែ១ ខណ្ឌឬស្សីកែវ ។
តាមប្រភពព័ត៌មានពីម្ចាស់ម៉ូតូសុំមិនបញ្ចេញឈ្មោះបានអោយដឹងថា មុនពេលកើតហេតុ គាត់ជាមួយប្រពន្ធបានទុកម៉ូតូមួយគ្រឿង ម៉ាកស៊ុយហ្ស៊ុយគីនិក ពណ៌ស ពាក់ស្លាកលេខ ១GD-០៥១៨ ហើយពួកគាត់នាំគ្នាដើរចូលផ្ទះមួយភ្លែត បានមួយសន្ទុះក្រោយមកក៏ស្រាប់តែមានជនសង្ស័យ២នាក់ មិនស្គាល់អត្តសញ្ញាណ បានធ្វើសកម្មភាពលួចកាច់កម៉ូតូរបស់គាត់បានសម្រេច ហើយជិះគេចខ្លួនបាត់ស្រមោល ។ ភ្លាមៗនោះដែលគាត់បានស្រែកឆោឡោផ្អើលដល់សមត្ថកិច្ចចុះមកកន្លែងកើតហេតុដើម្បីនាំគាត់ទៅដាក់ពាក្យបណ្តឹង។
ក្រោយពេលកើតហេតុ ម្ចាស់ម៉ូតូបានទៅដាក់ពាក្យបណ្តឹងនៅប៉ុស្តិ៍ទួលសង្កែ១ដើម្បីអោយសមត្ថកិច្ចស្រាវ
ជ្រាវតាមចាប់ជនសង្ស័យមកផ្តន្ទាទោសទៅតាមផ្លូវច្បាប់ ៕
ចែករំលែកព័តមាននេះ