លោកត្រាំ និងលោកគីម នឹងនិយាយគ្នាពីការរំសាយនុយក្លេអ៊ែរ (មានវីដេអូ)
សហរដ្ឋអាមេរិក និងកូរ៉េខាងជើង ៖ នាយករដ្ឋមន្ត្រីសិង្ហបុរីលោក LEE HSIEN LOONG នាថ្ងៃទី១០ មិថុនា បានជួបពិភាក្សាជាមួយមេដឹកនាំកូរ៉េខាងជើង…
សហរដ្ឋអាមេរិក និងកូរ៉េខាងជើង ៖ នាយករដ្ឋមន្ត្រីសិង្ហបុរីលោក LEE HSIEN LOONG នាថ្ងៃទី១០ មិថុនា បានជួបពិភាក្សាជាមួយមេដឹកនាំកូរ៉េខាងជើង…
សហរដ្ឋអាមេរិក និងកូរ៉េខាងជើង ៖ នាយករដ្ឋមន្ត្រីសិង្ហបុរីលោក LEE HSIEN LOONG នាថ្ងៃទី១០ មិថុនា បានជួបពិភាក្សាជាមួយមេដឹកនាំកូរ៉េខាងជើង លោកគីម ជុងអ៊ុន នៅសិង្ហបុរី។
លោកគីម ជុងអ៊ុន មកដល់សិង្ហបុរីដើម្បីចូលរួមក្នុងការជួបគ្នាកំពូល ជាមួយប្រធានាធិបតីអាមេរិកលោក ដូណាល់ ត្រាំ គ្រោងធ្វើនាថ្ងៃទី១២ មិថុនា នៅសណ្ឋាគារ CAPELLA នៃកោះ SENTOSA ។ ហើយទីភ្នាក់ងារព័ត៌មានកូរ៉េខាងជើង KCNA រាយការណ៍នាថ្ងៃទី១១ មិថុនា ពីការមកដល់សិង្ហបុរីរបស់លោកគីម ជុងអ៊ុន កាលពីថ្ងៃទី១០មិថុនា សម្រាប់ការជួបគ្នាកំពូលជាប្រវត្តិសាស្ត្រនេះ។
តាម KCNA ថា លោកគីម ជុងអ៊ុន ធ្វើដំណើរតាមយន្តហោះចិនមួយគ្រឿង ប្រើសម្រាប់បុគ្គលមកកាន់សិង្ហបុរី។ ម្យ៉ាងទៀត KCNA បានលាតត្រដាងរបៀបវារៈនៃការជួបគ្នាកំពូលនេះ ដែលរួមមានបញ្ហានៃការបង្កើតទំនាក់ទំនងថ្មីរវាងកូរ៉េខាងជើង និងសហរដ្ឋអាមេរិក បញ្ហានៃការបង្កើតយន្តការមួយនៃការថែរក្សាសន្តិភាពជាអចិន្ត្រៃយ៍ និងស្ថិតស្ថេរនៅឧបទ្វីបកូរ៉េ បញ្ហាអនុវត្តការរំសាយនុយក្លែអ៊ែរ នៅឧបទ្វីបកូរ៉េ ព្រមទាំងបញ្ហាឯទៀតៗ ដែលមានប្រយោជន៍ទៅវិញទៅមក តាមការទាមទារនៃសករាជថ្មី។
លោកគីម ជុងអ៊ុន អមដំណើរដោយលោក KIM YONG CHOL និងលោក RI SU YONG ដែលសុទ្ធតែជាអនុប្រធាន គណៈកម្មាធិការកណ្ដាលបក្សពលករកូរ៉េ លោក RI YONG HO រដ្ឋមន្ត្រីការបរទេស លោក NO KWANG CHOL រដ្ឋមន្ត្រីការពារប្រទេស លោកស្រី KIM YO JONG នាយិការរងទី១ នៃបក្សពលករកូរ៉េនិងលោក CHOE SON HUI អនុរដ្ឋមន្ត្រីការបរទេស។
KCNA ឲ្យដឹងទៀតថា ពេលទៅដល់ព្រលានយន្តហោះអន្តរជាតិ CHANGI នាថ្ងៃទី១០មិថុនា លោកគីម ជុងអ៊ុន ត្រូវបានទទួលដោយលោក VIVIAN BALAKRISHNAN រដ្ឋមន្ត្រីការបរទេសសិង្ហបុរី ព្រមទាំងមន្ត្រីជាន់ខ្ពស់ឯទៀតៗ។ លោកបានជួបជាមួយនាយករដ្ឋមន្ត្រីសិង្ហបុរីលោក LEE HSIEN LOONG នៅវិមានប្រធានាធិបតី។ ហើយលោកគីម ជុងអ៊ុន សម្ដែងការអរគុណយ៉ាងជ្រាវជ្រៅ ចំពោះរដ្ឋាភិបាលសិង្ហបុរីដែលបានរួមសហការយ៉ាងជិតស្និទ្ធ ផ្ដល់គ្រប់លក្ខខណ្ឌ និងការសម្របសម្រួលដ៏អស្ចារ្យនានា សម្រាប់ការជួបគ្នាកំពូលរវាងកូរ៉េខាងជើង និងសហរដ្ឋអាមេរិក។
លោកគីម ជុងអ៊ុន និងនាយករដ្ឋមន្ត្រីសិង្ហបុរី បានពិភាក្សាគ្នាពីបញ្ហានានាដែលទាក់ទិនដល់ការពង្រីក ទំនាក់ទំនងទ្វេភាគីក្នុងគ្រប់វិស័យ ដោយពង្រឹងការផ្លាស់ប្ដូរ និងកិច្ចសហប្រតិបត្តិការ ដោយថែរក្សាទំនាក់ទំនងដ៏ល្អប្រសើរ និងដោយធ្វើឲ្យស៊ីជម្រៅដល់ទំនាក់ទំនងមិត្តភាពរវាងប្រទេសទាំង២៕
វីដេអូដកស្រង់ចេញពី ៖RT на русском
ចែករំលែកព័តមាននេះ