រាជធានីភ្នំពេញ ៖ បុរសជាអ្នករើសអេតចាយម្នាក់ខឹងប្រពន្ធមិនបានទិញស្បែកជើងឲ្យកូនពៅ បានប្រើអំពើហឹង្សាទៅលើប្រពន្ធប្តឹងសមត្ថកិច្ចឲ្យជួយណែនាំ បង្កឲ្យមានការភ្ញាក់ផ្អើល៧និង៣០នាទីយប់ថ្ងៃទី៧ ខែមិថុនា ឆ្នាំ២០១៨ ភូមិអង្គសង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ…
រាជធានីភ្នំពេញ ៖ បុរសជាអ្នករើសអេតចាយម្នាក់ខឹងប្រពន្ធមិនបានទិញស្បែកជើងឲ្យកូនពៅ បានប្រើអំពើហឹង្សាទៅលើប្រពន្ធប្តឹងសមត្ថកិច្ចឲ្យជួយណែនាំ បង្កឲ្យមានការភ្ញាក់ផ្អើល៧និង៣០នាទីយប់ថ្ងៃទី៧ ខែមិថុនា ឆ្នាំ២០១៨ ភូមិអង្គសង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ ។
ស្ត្រីជាប្រពន្ធមានឈ្មោះសុខ វណ្ណារា អាយុ៤៣ឆ្នាំ មុខរបដើររើសអេតចាយរស់នៅភូមិកើតហេតុខាងលើ ចំណែកបុរសជាប្តីមានឈ្មោះ សឹម មិនា ភេទប្រុស អាយុ៤៣ឆ្នាំ មុខរបររើសអេតចាយរស់នៅជាមួយគ្នា ។
ស្ត្រីជាប្រពន្ធបានរៀបរាប់ប្រាប់ថា គាត់មានកូន៥នាក់ ដោយកូនច្បងស្រីអាយុ១៥ឆ្នាំ និងកូនពៅអាយុ៦ឆ្នាំ ហេតុតែគ្រួសាររបស់គាត់មានជីវភាពក្រពេកមិនមានលុយទិញស្បែកជើងឲ្យកូនពាក់ ដូចគេនោះឡើយ ។
លុះកូនស្រីបងធ្វើការងារបោកសំលៀកបំពាក់ឲ្យគេទើបនឹងបើកប្រាក់ខែបានកូនយកលុយឲ្យគាត់ជាង១០ម៉ឺនរៀល ដើម្បីផ្គត់ផ្គង់គ្រួសារ ហើយគាត់យកលុយទាំងនោះសងគេខ្លះ និងយកទៅទិញសម្លៀកបំពាក់ឲ្យកូនផ្សេងៗទៀតផង តែមិនទាន់បានទិញស្បែកជើងឲ្យកូនពៅគាត់ទេនៅពេលនោះដែរ ប្តីរបស់គាត់ទើបមកពីផឹកស៊ីនៅភូមិកើតហេតុខាងលើដោយដឹងថា កូនស្រីច្បងទើបនឹងបើកលុយ ហើយយកទៅទិញសម្លៀកបំពាក់ឲ្យកូនគាត់ផ្សេងនោះនឹកអាណិតកូនស្រីពៅឃើញស្បែកជើងឡើងកញ្ចាស់ ប្តីគាត់សួរថា ម្តេចមិនទិញស្បែកជើងឲ្យកូនពៅផង ។
ហើយគាត់បានឆ្លើយតបថា មិនទាន់បានទិញទេចាំថ្ងែក្រោយប្តីក៏បានបន្តទៀតថា គ្រាន់តែស្បែកជើងមួយគូតម្លៃ៥ពាន់រៀលសោះ មិនទិញឲ្យកូនទើបធ្វើឲ្យមានការឈ្លោះប្រកែកគ្នាទៅវិញទៅមក ហើយប្តីគាត់ខឹងបានទាញធុងទឹកកកយកទៅវាយក្បាលគាត់ព្រមទាំងយកវែកឆា មកវាយជើងគាត់ទៀត បណ្តាលឲ្យគាត់ឈឺយ៉ាងខ្លាំង ពេលនោះគាត់បានទូរស័ព្ទហៅសមត្ថកិច្ចឲ្យមកជួយអន្តរាគមន៍ភ្លាមៗផងដែរ ។
បើតាមប្រភពព័ត៌មានពីអ្នកជិតខាងបានប្រាប់ថា ប្តីប្រពន្ធ២នាក់ខាងលើតែងតែឈ្លោះប្រកែកគ្នាសឹងរាល់ថ្ងៃ ហើយនៅពេលខ្លះមិនត្រឹមតែប្តីវាយប្រពន្ធទេ គឺប្រពន្ធវាយប្តីបណ្តាល ឲ្យបែកក្បាលជាញឹកញាប់ផងដែរ ។ ក្រោយពេលកើតហេតុសមត្ថកិច្ចបានណែនាំប្តីប្រពន្ធ២នាក់ខាងលើកុំប្រើអំពើវាយគ្នាឲ្យចេះសាមគ្គីគ្នា ព្រោះការឈ្លោះប្រកែកគ្នាមិនដែលចំណេញឡើយ ហើយបន្ទាប់មកប្តីបានសុំទោសប្រពន្ធ និងសុំទោសសមត្ថកិច្ចផងដែរ ៕
ចែករំលែកព័តមាននេះ