ដោយសារតែបច្ចេកវិទ្យាចេះតែទំនើបទៅៗ ការងារជាច្រើនមិនត្រូវចាំបាច់ប្រើមនុស្សទៀតទេ។ វាអាចជាផលប្រយោជន៍មួយក៏ថាបាន តែក៏អាចជាទុក្ខកង្វល់របស់មនុស្សមួយចំនួនធំដែរ ដោយសារតែពួកគេអាចនឹងបាត់បង់ការងារនៅថ្ងៃណាមួយ ហើយជំនួសមកវិញដោយបច្ចេកវិទ្យាទំនើប។ តើការងារណាខ្លះ ដែលតម្រូវឲ្យប្រើមនុស្ស ទោះបីជាមានបច្ចេកវិទ្យាទំនើបយ៉ាងណាក៏ដោយ? ខាងក្រោមនេះជាការងារទាំង៥…
ដោយសារតែបច្ចេកវិទ្យាចេះតែទំនើបទៅៗ ការងារជាច្រើនមិនត្រូវចាំបាច់ប្រើមនុស្សទៀតទេ។ វាអាចជាផលប្រយោជន៍មួយក៏ថាបាន តែក៏អាចជាទុក្ខកង្វល់របស់មនុស្សមួយចំនួនធំដែរ ដោយសារតែពួកគេអាចនឹងបាត់បង់ការងារនៅថ្ងៃណាមួយ ហើយជំនួសមកវិញដោយបច្ចេកវិទ្យាទំនើប។ តើការងារណាខ្លះ ដែលតម្រូវឲ្យប្រើមនុស្ស ទោះបីជាមានបច្ចេកវិទ្យាទំនើបយ៉ាងណាក៏ដោយ? ខាងក្រោមនេះជាការងារទាំង៥ ដែលមនុស្សយន្តមិនអាចធ្វើបានដូចមនុស្ស ៖
១. នាយកប្រតិបត្តិ (CEO) ៖ ទោះបីជាបច្ចេកវិទ្យាល្អឥតខ្ចោះយ៉ាងណាក៏ដោយ ក៏មិនអាចមកជំនួសមេដឹកនាំល្អម្នាក់បានដែរ។ CEO ត្រូវតែអាចទាក់ទងទៅមនុស្សជុំវិញខ្លួន ដែលបច្ចេកវិទ្យា AI (Artificial Intelligence) មិនទាន់អាចធ្វើបាន។ បើសិនជាថ្ងៃមុខ AI អាចធ្វើបានមែនពិត ក៏មិនអាចមានគំនិតបង្កើតអ្វីថ្មី ដូចមនុស្សដែរ។
២. ប្រធានគ្រប់គ្រងចង្វាក់ផលិតកម្ម ៖ នៅក្នុងរោងចក្រជាច្រើននាពេលនេះ មិនសូវជាប្រើកម្មករច្រើនដូចមុនទេ ដោយសារតែមានម៉ាស៊ីនធ្វើការជំនួស។ បើទោះបីជាម៉ាស៊ីនអាចធ្វើការបានលឿនជាងមនុស្សក៏ដោយ ក៏វាត្រូវការឲ្យមានអ្នកត្រួតពិនិត្យ និងថែទាំដែរ។ ដូចនេះហើយ គេនៅតែត្រូវការប្រធានគ្រប់គ្រង ដើម្បីមើលការខុសត្រូវ។
៣. អ្នកឌីហ្សាញក្រាហ្វិក ៖ កុំព្យូទ័រមិនអាចមានគំនិតច្នៃប្រឌិតដូចមនុស្សទេ។ ការងារជាអ្នកឌីហ្សាញក្រាហ្វិក គឺទាមទារឲ្យមានការគិតឃើញនូវអ្វីថ្មីៗ ដើម្បីឲ្យទាក់ភ្នែកអតិថិជន។ ការងារនេះនឹងមិនបាត់ទេ នៅថ្ងៃអនាគត។
៤. មន្ត្រីផ្តល់សេវាសុខភាព ៖ បើទោះបីជាការជួយសម្រួលពីសំណាក់ឧបករណ៍ទំនើបៗនៅក្នុងវិស័យវេជ្ជសាស្ត្រក៏ដោយ ក៏យើងត្រូវការវេជ្ជបណ្ឌិតជាមនុស្សក្នុងការពិនិត្យជំងឺ និង ព្យាបាលដែរ។
៥. គ្រូបង្រៀន ៖ នៅសព្វថ្ងៃនេះ មានការសិក្សាតាមរយៈអ៊ីនធើណេតមួយចំនួនធំ ដែលគ្រប់គ្នាគិតថា មានភាពងាយស្រួល ព្រោះមិនចាំបាច់ទៅសាលា។ តែការសិក្សាបែបនេះ មិនអាចតម្រូវតាមចិត្តគ្រប់គ្នាឡើយ។ វាមិនដូចនឹងការដែលមានគ្រូបង្រៀនម្នាក់នៅក្នុងថ្នាក់ ដែលគាត់អាចទាក់ទងជាមួយសិស្សដោយផ្ទាល់ឡើយ។ ការងារនេះពិតជាមានតម្រូវការកាន់តែច្រើនឡើងៗ៕
ចែករំលែកព័តមាននេះ